Dɛnnda cɔɔmuanndan 6:8 - BII BILA

⁸ Mí mɛɛndan, mí ca so pupulaao. Vana va lecoo-o diolan aa Piɔ́mndo, ciee-piɔ́m va ndu kɔlan kɔɔli. Mí dio kennun nda le masalen tosaa o bungɛi pilɛ, o bungan hiɔɔlun lelɛŋndon coo le vannda diwvo a mɔɛi cɔwve, a yima fofolan, a nàà halimaa a á visia biyaa co o lɛŋnden coo-a.

Dɛnnda cɔɔmuanndan 6:8 Referans Kwoze

Osee 13:14

I baŋanin nda mì soli nda ciee-piɔ́m, i solinin nda o kpòndò piɔ́mndo bɛngu. Òó piɔ́mndo! Ɔ́ɔ̀ ɲɛm cɔvun n tiindan-ndon? Òó ciee-piɔ́m! Ɔ́ɔ̀ kpaaya nɔm tɛɛmbua? I tofa lɛnin nda mì ɲíí bii ya le.

Dɛnnda cɔɔmuanndan 1:18

I co yoomu. Yáà vi, kɛ tofa vɔ, i co yoomu le fɛɛn a fɛɛn. Kiin piɔ́mndo co ya o ba, kiin ciee-piɔ́mndo pɛɛn.

Sakari 6:3

soa humbua va o yàándɔɔ nanɔɔ ni, a pooɲɛiya va ɲɛ ɲaanan hiɔɔlundɔɔ nanɔɔ ni.

Esekiɛl 5:12

O niaa tɛɛn, vanndacieea kundaa o pilɛ o kundalan tan yáá coo a vunin a nàà n'kɔnyaa. A ɲawnin mà vesa kokolo a yima fofolan. O niaa tɛɛn, kunda diinndɔɔ o layàálan coo vunin o mɔɛi cɔwve bɛngu o kobio balɔɔ pindo. I saŋnin kunda yàándɔɔ o hoeyun vanin hɔŋndo nɛɛ-nɛɛ ka-on nin, o kon mì tisa nda kɔɔli a mɔɛi cɔwve.

Yeremi 16:4

Nàà piɔ́mndo biinin nda mà vi, vana venin le nda caŋ te, a sɔlanin kumbɔɔ le. Lende nda lonin ni mà siŋnun kɔmbɔɔsio lɛŋ. Cɔwvo a yima fofolan ma diwnin nda ni, mì duàá a tivolla de dialun ndan.»

Dɛnnda cɔɔmuanndan 9:18

A dɛnnda palaala yàála lan: yinnden, kumnde a fungu va fulaa soa kan o sondo-o, mí vanndacieea piɔwvo kundalan tan yáá, kundaa pilɛ cuu vu.

Esai 25:8

Mɛlɛka tɛɛmbuunin piɔ́mndo le fɛɛn a fɛɛn. Maalii Hala vɔɔsuunin vannda kpow mɛmɛan o lahɔl. O faŋanin siɛmbula bɛɛtambɛila vanaa ndɔa o lɛŋnden kpow coo. Mɛlɛka soo lende ni.

Dɛnnda cɔɔmuanndan 9:15

Má timbi mɛlɛkaa hiɔɔlua kan. Le telen kon, paale len, paangii ken a le vɔsi kon nda va a bɛɛndiannda ni, haliko, vanndacieea piɔwvo kundalan tan yáá, a diw kundaa pilɔɔ.

1Korɛntea 15:55

«Òó piɔ́mndo, ɔ́ɔ̀ kpaaya nɔmndo? Òó piɔ́mndo, ɔ́ɔ̀ kefii nɔmnde?»

Habakuk 2:5

A toɲa, mɔiyan ma pala vana: vanaa yongaa nɔ pɛngi le, yeemɛi ndɛi cuu lɔ́ɔ́-lɔ́ɔ̀ le. Te ciee-piɔ́m sanga pɛ a vanvílɛ́iya, mɛɛ nda bɛɛ a sanganin a vannda delɔɔ coo le nda siinguuo cɛa ndaa.

Yeremi 16:16

Sɔɛi fula Mɛlɛka o sondo-e co hee ni aa: «I co vanaa yɔɔyaa sɛ́lɛ́ bɛndoo yɔɔ, mà kɔ yɔɔya nda, o kon kɔɔli mì vem doosua sɛ́lɛ́ bɛndoo, mà kɔ vɔm nda o pembon coo, o buubuuon coo a o tɛɛndiaala powta kpovalan tɛɛn dí.

Matie 11:23

Nɔm Kapɛrnaum yɛ, a helnin pá háá o halataala? Kɛì-kɛì bɛɛ! A sɔlanin tuisio háá ciee-piɔ́m. Kani te dɛnnda kaamaala tosan o nɔm ndo lan láà tosan pɛ lɔ́ɔ́ kon Sodɔm, maa kobi kon ndóò va vɔ hau.

Yeremi 43:11

O hunnin mò lɔɔ lɛŋnde Esipte len, mì vanaa bɛnda le vuo-a vi, mì vanaa bɛnda le kɔlan o biyɔɔ nin-nda kɔɛ o biyɔɔ nin, mì vanaa bɛnda le vuo o mɔɛi cɔwve bɛngu-a nda vi o mɔɛi cɔwve bɛngu.

Talelan 5:5

O piɔ́mndo nin pelun ndɔn co tolɔɔ lende ni. Ciee-piɔ́m di o co kɔlan tiiyaa ni.

Dɛnnda cɔɔmuanndan 12:4

Loeon co o halataala-on kpede piɔwvo kundalan tan yáá, mó va kundaa pilɔɔ koondiaa a puile ndɔlen. Mó ɲindu mun o lɛŋnden coo. Mí tambálaká kon kɔ sim vanalanɔ va kon le violɔɔ-o o hɔl, haliko te ndóò velu dɔ́ɔ́ pɛ, ndóò mel cɛlɛkpɛ kon.

Yeremi 14:12

A biinin bɛɛ sumndo, i yeŋnin nda lani o ya ɲɔɔloo le. Hali a soli sálàla loamaalan a ɲɛm-kéan, i cɛlnin ndan te. Kɛ mɛɛ mì cii nda kpede a cɔwvo, a yima fofolan a á nàà n'kɔnyaa.»

Yeremi 24:10

I tuisinin nda cɔwvo coo, yima fofolan a nàà n'kɔnyaa háá mà cuu o lɛŋnde ya yɔngu nda len nin, le ya yɔngu fuɲaa ndaa mamaa a nda pila len pɛɛn.»

Yeremi 29:17

O Mɛlɛka-Nɔ-Kpaayaa-Kpow-vo dimi-o co hoo ni aa: ‹I co nda kuel a cɔwvo a á yima fofolan, mì kuel nda vɛlɛ a nàà n'kɔnyaa. Mì mingi nda maa voosun siovɛi, n vana nɔla dioo loon, le tambii bɛndui n tambu-e.

Esekiɛl 29:5

I co nɔm viovɔɔ a suvaa co kan o peela nɔmndan nin-nda kpede o lɛŋnde veselɛilen nin. I viow nɔm pɛ, a kɔ del lɛŋ o pollo nin, vana-vana kɔ cɔwviaanin nɔm te, vana-vana kɔ koondiaanin nɔm le nɔm kumbɔɔ le. I malnin nɔm visia yondoa a yowva coocoo o sondo mà de nɔm.

Matie 24:7

Vanaa-mangalaa-isɔɔa cannin vanaa-mangalaa-isɔɔa celen cɔlɔba, mì masalen le cɛn masale celen cɔlɔba. Yima fofolan ma luɛinin o fondalan lapum, mì lɛŋnden le ɲiiya o fondalan lapum.