Dɛnnda cɔɔmuanndan 6:14 - BII BILA

¹⁴ Mí halataalaa hiaw a simbulɔnndo maa mɛɛ vana simbul sɛbɔɔ nuaa yɛ, mí pembon kpow a tiŋndan la faŋan o fondala ndalan.

Dɛnnda cɔɔmuanndan 6:14 Referans Kwoze

Esai 34:4

Ɲɛm cɔvun co o halataala-on kpow n puusiannin, halataalaa simbulunnin maa vala, ɲɛm cɔvun co lenin-ndon n delinin mɛɛ pei n'rɛsɛnnde deli nuaa yɛ, mɛɛ pei voosoei deli nuaa yɛ.

Dɛnnda cɔɔmuanndan 16:20

Mí lɛŋii co o mɛnndan tɛɛn-nde kpow i ɲaanun, vana seelun ndɛ pembon te.

2Piɛr 3:10

Paale Maalii hunnin-nden le komalnin naa maa vui. Paale len, halataalaa hiawnin a diom bɛndoo, mì ɲɛm co o halataala-on tambu a yinnden, o kon mì lɛŋnden a ɲɛm co lecoo-on ŋɔɛ.

Condii lisai 102:26

Nɔm cɔw lɔ́ɔ́ kon lɛŋnden ni, mí bala nɔmndan la cɔaw vɛlɛ halataala.

Dɛnnda cɔɔmuanndan 20:11

O kon mí ca kpɛŋɛ lemasa bɛndu humboo pum a vana va icali lenin-ndo. Mí lɛŋnden a halataalaa ɲaanun ndu, má kɔannun polon, vanaa ci lɛ foofo ndaa le.

Esekiɛl 38:20

Suwva o peelo a yowva coocoo a ɲiiyanin ya o hɔl. Visia yondoo nin a ɲaa pɔm-pɔmbɔa kela lɛŋ-nda bɛɛ ɲiiyanin, hali vanndacieea co o lɛŋnden coo-a kpow bɛɛ a ɲiiyanin. Pembon koombiaanin, mì powta yɛ́ndɛ́la feke-fekelan la deli, kpakilan kpow la koombiaanin.

Esai 54:10

Hali o va bɛɛ mì pembun bɛndon hiilun, hali pembun pɔmbɔn biiŋun bɛɛ, kaola ya nɔ le nɔmndo bɔndɔlanin te, kpema kɔlɲulu ya yii a nɔmndo bɛɛ kpeŋannin te.» Mɛlɛka nɔ ɲííye a nɔmndo dimi lende ni.

Dɛnnda cɔɔmuanndan 21:1

Mí ca halataala sɛnɛiyo a lɛŋnde sɛnɛilen, kani halataala tasoo a lɛŋnde taselen le ve lɛ le, mɛmma ihɛllan bɛɛ ma ve lɛ le.

Habakuk 3:6

O sim pɛ lɛŋnden le ɲiiya. O tofa pɛ vanaa-mangalaa-isɔɔa, kan yɔŋ siòònde a ndu. Pembun masindɛ-sindɔn co piɔsio, pembu pɔmbɔn sindɛ, n va mun nɛila ndɔlan paandu-on co tolɔɔ mɔlɔ-mɔlɔ,

Nahum 1:5

Mɛlɛka tosa ni mì pembun bɛndon ɲiiya, mì pembun pɔmbɔn piɔsi. Ɲiiyaa lɛŋnden le ɲiiya ndu o hɔl ni, lɛŋnden a vanaa co le coo-a kpow.

Yeremi 51:25

«Nɔm ya bii tɔ́ɔ́yaa ni, nɔm Babilɔn, nɔm pembii va lɛŋnden kpede tɛɛmbuuo-e, i co nɔm baa holɔɔ, mì ɲindu nɔm fulaa o powta kpovalan coo, mì mɛndul nɔm yinnde bɛndulen coo.

Habakuk 3:10

Pembon co nɔm cɔu mì n va ɲiiyaa, Piɔɔ bɛndu-bɛndoo hin súlùlù mò va siaa. Mɛmma bɛnduma nɔ lamɛɛlu lean ma co kuŋndo, ma co tindian heeloo háá o halataala.

Yeremi 3:23

A toɲa, fondo fúú koni naa n del sooluula fondolan kɔɔli o pembon coo ni. Kɛ Mɛlɛka Hala naa o ba cinda Israɛlla co ni.