Dɛnnda cɔɔmuanndan 6:13 - BII BILA

¹³ mí loeon o halataala n deli o lɛŋnden coo maa mɛɛ hoeyii bɛnduei hiiluu voosu tumndo nuaa mì vooson cɛɛlun yɛ.

Dɛnnda cɔɔmuanndan 6:13 Referans Kwoze

Esai 34:4

Ɲɛm cɔvun co o halataala-on kpow n puusiannin, halataalaa simbulunnin maa vala, ɲɛm cɔvun co lenin-ndon n delinin mɛɛ pei n'rɛsɛnnde deli nuaa yɛ, mɛɛ pei voosoei deli nuaa yɛ.

Matie 24:29

«Palɛi sanga bɛndui ken i hiow dɔ́ɔ́ pɛ, paalen le piimiaanin, paangei dindunin te, loeon fulanin coocoo mì n deli, mì kpaayala co o halataala lan la hiilun.

Dɛnnda cɔɔmuanndan 9:1

Mí mɛlɛkanɔ ŋuɛɛnundɔɔ hɔŋ buloo, mí ca loei fulaa coocoo, mí i del o lɛŋnden coo. Mí kii soon yingilaa nɔ lamɛɛlu le-i yɔngun ndi.

Daniɛl 8:10

Mó bandu háá mó sulan a kunda mɛlɛkaa cɔwva o halataala, mó viaw a pum lɛŋ a loeon latulu. Mó nɛw nda a labɛngu.

Esekiɛl 32:7

Tuma n malnunnin kɔl-lo, i minginin halataalaa yifidii, mì ɲumi pangele n'loo, mì kumbu paalen a yumbuyumboo, Paangei bɛɛ i soli lɛnin ɲɛ-tengaa ndɔɔ le.

Luke 21:25

«Tɔɔmaselan la tosannin o paalen, o paangei a o loeon nin. O lɛŋnden coo, sanga bɛndoo toalnin vanaa-mangalaa-isɔɔa coo. À sinanin mɛɛ nda yɔŋnin a ɲɛ vuu bɛndu vanin cɔnɔnndo o mɛmma ihɛllan nin a o tindima mɛmma ihɛllan nin-ndo le.

Esai 7:2

Mí vannda kɔ dimul yungu David-o aa: «Aramiia kila dɔ́ɔ́ngɔ́ɔ̀ o tàndá cuavaa-imamaa Efraim-nda nin.» O kon, mí masaa Ahas nda vanaa ndɔa hiilun kɔltan mɛ̀ɛ́-mɛ̀ɛ́ hoeyii fùkù-fùkùei hiiluu yɔmnde o bundɔɔ nin nuaa yɛ.

Nahum 3:12

«Fondala mayoomula nɔmndan kpow, maa voosun diw yɛnguu-yɛnguuon la co ni. Vana hiiluu dɔ́ɔ́ pɛ vosu tumndo, n cɛɛlun vana yeema le mun dioo-o o sondo.

Daniɛl 4:14

Sɔɛi fula mɛlɛkaa Hala-a o sondo-e i co hee ni, ɲaa yoomaa diandaa pɛɛn, haliko mi vanndacieea kpow a sina maa Ó-Hiow-Ɲɔɔn-Kpow-vo masalen o ceendo coo le co o labɛngunin ni. Vana o yeema pɛ le masalen yɔngoo, o yɔngu ndu. O tiwba mò heelu vana hiow dɔɔnanndo vannda o hɔl-lo.»

Esai 33:9

Lɛŋnden le co o sanga bɛndoo nin, le co o mɔnɛi nin, lɛŋnde Liban-nden le lɔngɔlian, le luɛi kɔsɔ, dɛɛlaa Saron siŋnun maa lɛŋnde veselɛi. Yɔmnde caa mì pei cɛɛlun kpow o tàndàá Basan nin a o pembei Karmɛl coo.

Esai 13:10

Kani loeon a mɔmtombolaa co o halataala-o yɔngu lɛnin pangelela ndalan te. Paalen le piimiaanin telen le kandunin cɔnɔnndo-o, paangei bɛɛ, i ve lɛnin diondɔɔ le.

Marke 13:25

loeon fulanin coocoo mì n deli, mì kpaayala co halataala lan la hiilun.

SƐBƐ YƆB-O 15:33

O siŋunnin maa rɛsɛn tum rɛsɛŋun ndɔn co cɛɛlɔnndo n'puiyon-ndo, te kon te maa oliviee tum peengela ndɔlan la co cɛɛlɔnndo-o.