Dɛnnda cɔɔmuanndan 6:12 - BII BILA

¹² Telen o kumbi tɔɔmasele ŋɔmpumndɔɔ-o, mí lɛŋnden le ɲiiya taw, mí paalen le muungu le tiŋi maa volɔɔla biisi, mí paangei kpow i muungu maa makòó,

Dɛnnda cɔɔmuanndan 6:12 Referans Kwoze

Matie 24:29

«Palɛi sanga bɛndui ken i hiow dɔ́ɔ́ pɛ, paalen le piimiaanin, paangei dindunin te, loeon fulanin coocoo mì n deli, mì kpaayala co o halataala lan la hiilun.

Yɔɛl 2:10

Lɛŋnden le co nda ɲiiyaa laci, halataalaa hiilun yongban-yongban. Paalen a paangei piimiaa kpilo. Loeon va diondɔɔ-on ɲum pɔ́lì.

Amɔs 8:9

Diom Maalii, o co Mɛlɛka-o dimi-o co hoo ni aa: «Paale len, paalen le delnin a telen paale kalaa, mì tuisi ɲumndan o lɛŋnden coo ipalaa déŋ.

Dɛnnda cɔɔmuanndan 16:18

Mí piɔɔ voli, mí taŋndan ma piɔndi, mí lɛŋnden le ɲiiya taw-taw, kabi vanndacieea co o lɛŋnden coo, lɛŋnden le ɲiiya vɔ lende le.

Dɛnnda cɔɔmuanndan 11:13

O telen kon kínɛí, mí lɛŋnden le ɲiiya taw, mí kobio kpengei pilɛi komba. Mí vanndacieea vàálan tan ŋɔmmɛw a sɔla piɔ́mndo o lɛŋnde ɲiiyaale len nin, mí siòòŋii bɛnduei bii vanaa tɔ̀a, má ke Hala co o halataala-o biiloo.

Esai 50:3

I kumbunin halataalaa a ɲumndan, mì cuɛi ndu a volɔɔla yuululan.

Esai 29:6

Mɛlɛka-Nɔ-Kpaayaa-Kpow-vo toalnin niaa tɛɛn a diom mataŋndo, a lɛŋnde ɲiiyaalen, a vóólun-vóólunn bɛndoo, a felenfelen bɛndoo, a hoeyii fùkù-fùkùei a á yinnde yelenyelennde bɛndulen.

Dɛnnda cɔɔmuanndan 8:5

O kon mí mɛlɛkanɔɔ cua bonyii fuusɛi ken, mó pei ndi a yinnde o cua o fonda-loamaa-lasálàá len, mó viaw lɛŋ. Mí taŋndan ma piɔndi, mí diomndan la soaa. Mí piɔɔ voli, mí lɛŋnden le ɲiiya.

Esai 24:23

Siɛmbulan la biinin paangei, paalen le tambunin labɛɛ, kani Mɛlɛka-Nɔ-Kpaayaa-Kpow-vo tosanin masalen o pembei Siɔn coo a o kobio Yerusalɛm coo. O tosanin mi biilu ndɔɔ va tengaa kaasoŋaa kɔlkalua ndɔa coo.

Matie 24:7

Vanaa-mangalaa-isɔɔa cannin vanaa-mangalaa-isɔɔa celen cɔlɔba, mì masalen le cɛn masale celen cɔlɔba. Yima fofolan ma luɛinin o fondalan lapum, mì lɛŋnden le ɲiiya o fondalan lapum.

Marke 15:33

Paalen tiiyaa o pol, mí ɲumndan ma toal o lɛŋnden kpow coo, mí ma lo lende háá o lɛɛlɛ yàándɔɔ.

Matie 28:2

Fɔ́ɔ́fɔ̀, mí lɛŋnden le ɲiiya taw, kani mí mɛlɛkanɔ Hala-o toal fulaa o halataala, mó hun ɲindu powvo, mó cal lecoo.

Matie 27:54

Simlacinɔ vanaa cɔwva a vanaa va ndu ikɛi le Yeesu cumullo-a cɔu lɛŋnden ɲiiyaa, má ca vɛlɛ dɛnnda yɔŋnun-ndan kpow, mí siòònde bii nda taw. Má dimi aa: «Po Hala-o lekɛ́ndɛi o va ni.»

Matie 27:45

Kandɔɔ a paalen o pol háá tiiya a lɛɛlɛ yàándɔɔ a paale yɔngannden, mí ɲumma bɛnduan ma toal o lɛŋnden kpow coo.

Sakari 14:5

La keinin o ból vanin kon o pembun mun tɛɛn-ndo nin mì la ɲaanun, kani ból kon tiiyanin háá Asal. La ɲaanunnin ɲinkon mɛɛ niaa ɲaanun sindɛ lɛŋnde ɲiiyaalen o paale Osias, va masaa Yuda-o len yɛ. O kon kɔɔli, Mɛlɛka Hala nuu hunnin a mɛlɛkaa ndɔa diandaa kpow.

Amɔs 1:1

Sɔɔn Amɔs soo-on yɔŋnun mun ni, vana mandaa n'cɔloo pilɛ Amɔs va o vanaa mandaa n'cɔlua Tekoa tɛɛn ni. Sɔɔn o soo mun-ndon cɔmnun ndu a dɛnɛ Israɛlla o kɔɔ tuma Osias masaa Yuda a Yeroboam masaa Israɛl, po Yoas-o a va o masalen coo-o. Vɔsilan tan tiɔn o kon kɔɔli, mí lɛŋnden le ɲiiya.

Esai 34:4

Ɲɛm cɔvun co o halataala-on kpow n puusiannin, halataalaa simbulunnin maa vala, ɲɛm cɔvun co lenin-ndon n delinin mɛɛ pei n'rɛsɛnnde deli nuaa yɛ, mɛɛ pei voosoei deli nuaa yɛ.

Matie 11:21

«Dɛnɛ palaa co le nɔm, nɔm Korasin! Dɛnɛ palaa co le nɔm, nɔm Bɛtsaida! Kani te dɛnnda kaamaala tosan o niaa lo lan láà tosan pɛ Tir a Sidɔn, maa o co lɛhau le ndáà vownun nin volɔɔla biisilan, mì ndáà deli o loolio nin, mì ndáà mangalan te.

Dɛnnda cɔɔmuanndan 8:12

Mí mɛlɛkanɔ hiɔɔlundɔɔ hɔŋ buloo. Mí paalen piɔwvo kundalan tan yáá, kundaa pilɛ piimiaa. Mí paangei piɔwvo kundalan tan yáá, kundaa pilɛ piimiaa, a loeon piɔwvo kundalan tan yáá, kundaa pilɛ piimiaa, mí ɲɛ-tengaa lepalaa baa pilɔɔ o kundala yàálan nin piimiaa, mí i tosan lende a ɲumndan.

Dɛnnda cɔɔmuanndan 16:8

Mí mɛlɛkanɔ hiɔɔlundɔɔ cuiŋi ɲɛ va o taala kólaa ndɔɔ nin-ndo o paalen coo, mí le sɔla dío le vanndacieea lomɔɔ a yinnden.