Dɛnnda cɔɔmuanndan 6:11 - BII BILA

¹¹ Mí doma bɛndu humboo yɔngun vana-vana o nda tɛɛn, o kon má dimul nda maa a cum ɲɛ-pɔmbɔ, háá mi caaŋaa ndaa nda tosa baala pilɔɔ-a a puapilɛa ndaa nda va hunɔɔ diyɔɔ maa nda-a ndáà siow bɔŋa.

Dɛnnda cɔɔmuanndan 6:11 Referans Kwoze

Dɛnnda cɔɔmuanndan 7:9

O kon kɔɔli, mí tofa, mí ca sɛ́lɛ́ bɛndu vanaa nɔla cɔm too, fulaa o lɛŋnde kpow nin, o polan kpow nin, o vannda súúlan kpow nin a o vanaa-mangalaa-isɔɔa súúlan kpow nin. A va isisi o kpɛŋɛ lemasaa hɔl-ndɔ a Saa téndóó laci, domala bɛndula humbulan la va nda lekɔɔ, mí siɔ̀ɔ́lan la va nda o laba.

Dɛnnda cɔɔmuanndan 14:13

O kon mí tuɛi diomndo pum fulaa o halataala aa: «Sɛva aa: ‹Dɛnɛ kɛndɔɔ co kandɔn sisa le vanaa vi o Maalii nin-nda!› Kɔl-Diandaa dimi aa: ‹Dɛnɛ kɛndɔɔ co le nda. A sɔlanin pɛngio le baala nda co-o, kani dɛnnda kɛndɛla nda co tosaa lan ka kɔanin nda kɔɔli ni.›»

Dɛnnda cɔɔmuanndan 7:14

Mí mulul ndu aa: «Vana bɛndoo, a sina válán.» Mó dimul-la aa: «Vanaa kei o yɛle tolaale bɛndulen nin-nda co kan ni. A cii domala ndala bɛndulan tɔɔ, má dindi lan o kooma Saa téndóó nin.

Hebreea 11:40

Ksani Hala ndóò cii nin ɲɛm hiow naŋɔɔ le naa-on toosiaa. O yeema mi n kɔ sɔla mun latulu naa ndaa.

Nsaŋ 16:2

A solinin niaa o cɛila lekaanndan nin. Hiovɔɔ o kon coo, telenndo pum tiiyanin, vanaa vanin niaa diwvo-a vanin yiyanndo maa baala Hala-o nda vanin tosa kon lende ni.

Daniɛl 12:13

Nɔm Daniɛl-lɛ, lo lecoo háá ma kɔ pɛngi ciee-piɔ́m. O kon kɔɔli, a tendulnin o telen mɛɛlaa le vɔ̀ngɔ̀ nɔmndo a kɛ́ nɔmndo sɔlaa.›»

Dɛnnda cɔɔmuanndan 17:6

Mí ca vuɛɛn kon, kooma vanaa diandaa a kooma seyaa Yeesu-a maa bii ndu maa mamɔi. Yáà delɔɔ ndu hɔlten, mí kɔndɔfili bɛndoo bii ya.

Dɛnnda cɔɔmuanndan 13:15

Mí kpaayaa kennun ndu haliko mi tuula visi kon ndóò biŋin a ba ndɔ, mì ndóò soo, o kon mì vanaa-vanaa aa beŋ vulan tuula visi kon o labɛngunin te-a ndáà sɔla piɔ́mndo.

Matie 10:21

Vanndo lɔalunin puapilɛ ndɔɔ le ndu diyɔɔ, mì fuɲaa lɔlu po ndɔɔ. Cuawva simulnin vanaa velu nda-a mà tosa mì vanaa velu nda kan-nda sɔla piɔ́mndo.

Luke 15:22

Kɛ mí fuɲaa dimul vanaa ndɔa baalaa aa: ‹La hun a doma kɛndɛ-kɛndɔɔ cɔ́-cɔ́, mì la vow ndu. La vow ndu kelɛi o isu, mì la vow ndu samtalan.

Dɛnnda kiilaa 20:24

Kɛ yoomu nuu co ɲɛ-ɲɛ ya o hɔl te, haliko sii i tosa baala nuu a ɲaaloo, mì tosa ɲɛ Maalii Yeesu vem ya tosaa-o: kon co vannda Yoongu kɛndɛ kɛndɛi Hala-e tiiyallo-o ni.

2Tesalonikea 1:7

mò ke niaa pɛngio, mò ke vɛlɛ naa ndu. Kon tosannin telen Maalii Yeesu cɔmnunnin lɔ́ɔ́ o fulanin o halataala, mò hin a mɛlɛkaa ndɔa kpaayaa o yinnde biyaa len nin-ndo.

2Timote 4:7

I kindi a labɛɛla, mí tiindan Mɛlɛka, i cii vali va le ya-o tosa, mí kindin, mí lo o laalanndo coo.

Hebreea 4:10

Kani vana luɛi pɛ o pɛngi Hala-o nin, ndu bɛɛ pɛngi a vali ndɔɔ, mɛɛ Hala pɛngi a o ndɔɔ yɛ.

Hebreea 12:23

Mí la sɔɔnguu o bɔŋan cuavaa tasea Hala-a, a diola ndalan la co lasɛvaalan o halataala-a pɛɛn, mí la sɔɔnguu Hala co vana kialaa iyamaa le vanndacieea-o ikɛi, mí la sɔɔnguu kɔlta vanaa sandaa tiwnun-nda ikɛi.

Dɛnnda cɔɔmuanndan 10:6

mó mɛnan o diola vana co yoomu le fɛɛn a fɛɛn-ndo lan, o cɔw halataalaa a ɲɛm co lenin-ndon, lɛŋnden a ɲɛm co lecoo-on, mɛmma ihɛllan a ɲɛ co lenin-ndo maa o ve lɛnin sɔɛi yom lɔ́ɔ́ le,