Dɛnnda cɔɔmuanndan 6:10 - BII BILA

¹⁰ A va yoondiaa coocoo kpélén aa: «Vana naa bɛndu diandaa toɲaa sei, vɛ́ cumndo ho, lɔ́ɔ́ kuɛɛ n co yɛ yamɛi kiolɔɔ, mà mingi màá nda dii naa-o o vanndacieea co o lɛŋnden coo-a lo?»

Dɛnnda cɔɔmuanndan 6:10 Referans Kwoze

Dɛnnda cɔɔmuanndan 19:2

kani yaman ndɔn co yaman toɲa, n sandu. O kelu vanalanɔ suundɛi va lɛŋnden lueiyo o laasian ndɔɔ nin-ndo iyama, o mingi màá le vanaa ndɔa baalaa nda diw lon-nda.»

Dɛnnda cɔɔmuanndan 11:18

Vanaa-mangalaa-isɔɔa ndáà cɛn a yolɛi, mì kɔltuw nɔmndo cɔmnun, mì telenndo tiiya le yamɛi vanvílɛ́iya kiolɔɔ, le vanaa baalaa nɔmnda, vanaa-tɛɛngaa-diom Hala-a, vanaa diandaa a vanaa vo diola nɔmndan-nda, cuaambɔa a kaasonnda salaa, le vanaa co lɛŋnden tɛɛmbuuo-a tɛɛmbuuo.»

Rɔmnda 12:19

Niaa vanaa hɛnan ya-a, niaa pila mingi màá dɛnɛ vɔɔndo le, kɛ la mel kɔltuw Hala-o fondaa, kani o co o sɛvaa aa: «Ya co vana mingia maa ni, ya salanin vana-vana ni.» Mɛlɛka dimi lende ni.

Condii lisai 9:12

La soli condon le Mɛlɛka, Mɛlɛka co icali Siɔn-ndo pɛɛn. La yonda dɛnnda ndɔla bɛndulan vanaa súúla celennda tɛɛn.

Dɛnnda cɔɔmuanndan 3:7

Sɛval mɛlɛkanɔ vanaa laalannda Filadɛlfii aa: «Ɲɛ vana co O-Diandaa mo nɔ toɲaa-o, vana nɔ kii David-e o ba-o, o kumbi vana-vana kinda loo, o kinda vana-vana kumbi loo co dimio-o co hoo ni aa:

Luke 21:22

Kani palɛi ken Mɛlɛka mingulnin vanaa ndɔa maa ni, haliko mi ɲɛ sɛvan-ndo peelun.

Sakari 1:12

Mí mɛlɛkanɔ Hala-o cua sɔɛi, mó dimi aa: ‹Éé Mɛlɛka-Nɔ-Kpaayaa-Kpow-vo! O co nihau vɔsilan belaŋɔmmɛw a co o kɔltuwvo nin a Yerusalɛm a á kobila co o tàndá Yuda-o nin-ndan. Mà lo kɛɔ le nda ɲííye tuinɔnndo háá lɔ́ɔ́ kuɛɛ nɛ?›

Dɛnnda cɔɔmuanndan 18:20

Nɔm halataala, dɔwnun ɲaale le tambii ndɔɛi! Niaa vanaa diandaa, niaa kiilaa a niaa vanaa-tɛɛngaa-diom Hala-a, la dɔwnun ɲaale! Kani Hala ke niaa di le dɛnɛ palaa kobi kon ndóò tuisi niaa coo-o.

Dɛnnda cɔɔmuanndan 18:24

Babilɔn ndon nda saalun kooma vanaa-tɛɛngaa-diom Hala-a ni, ma vanaa diandaa a kooma vanaa-vanaa nda kelu bololan o lɛŋnden coo-a-an.

Condii lisai 79:10

Vɛ̀ɛ̀ mì vanaa súúla celennda ɲuna aa: «Ɔ́ɔ̀ Hala ndaa?» Vanaa kan bɛnda ma sina, mì naa bɛɛ n ce mɛɛ n mingi màá le vanaa nɔmaa baalaa nda diw-va yɛ.

1Samiɛl 24:12

Òó Pua, tofa vɔ! Tofa vɔ bɔ̀ɔ̀le doma nɔm bɛndoo ya o ba! Yáà tiwba mì yáà dii nɔm, kɛ bɔ̀ɔ̀le doma nɔm bɛndoo daama ya kelu ni. Lelan sina maa i nɔ nɛyɔn nɔm te, i tɛɛndan nɔm te, i cue vɛlɛ haki a nɔm te. Kɛ mí nɔm va ya tovɔɔ le ya diyɔɔ.

Dɛnnda cɔɔmuanndan 3:10

Le mɛɛ n bii sɔɛi nii má yɔŋnun vana biuvanndo yɛ, ya bɛɛ i kandanin nɔm o paale dɛnɛ palaale co hunɔɔ o ceendo kpow coo le vanndacieea o lɛŋnden coo kɔlɔɔ solio.

O Kandɔɔ 4:10

Mí Mɛlɛka dimul ndu aa: «Dɛnɛ yɛɛ n tosa yɛ hoo? I co kooma pɔmbɔ nɔmndan tueyɔɔ koŋullo lɛŋ.

Hebreea 12:24

Mí la sɔɔnguu Yeesu ikɛi, o co kpema sɛnɛiyo a kooma ndɔma fasaŋan-ndan tɛɛn-ndo, má co sɔɛi hiovɔɔ kooma Abɛl-lan coo-an.

Daniɛl 12:6

Mí o pilɔɔ ɲuna langbanɔ va a kola keesoo lekɔɔ mó va isisi o peo coo kɛ o pilan mɛnndan too aa: ‹Lɔ́ɔ́ kuɛɛ dɛnnda kɔndɔfiltan-ndan la cuu yɛnin?›

Esai 61:2

O vem ya le yondaa a vɔsi kɛndɛi Mɛlɛka-e fulanin ceen-ndo o kɔɔ, a á paale Hala naa minginin màá len o kɔɔ, le vanaa co o dɛnɛ palaa nin-nda kpow ɲɔɔloo.

Condii lisai 35:17

Éé Maalii! Háá lɔ́ɔ́ kuɛɛ n lo yɛnin dɛnɛ kon tofaa? Kanda yoomu nuu le hiilɛi nda nɔ a ya-e, baŋa ya o yɛmbɛn yàlàá ha bɛngu.

Condii lisai 13:1

Condii David-e, í fula o condun simlacinɔ vanaa n'condua nin-nde.

Masaa kialaa n'yamaa 16:28

O kon, mí Samsɔn piɛi Mɛlɛka aa: «Éé Maalii, Mɛlɛka! Yiyan ya coo yandi, mà mingi ya yoomuan o n'dial o laan daama, haliko mi mingul Filistia ha màá nda pesi ya hɔlta nila tiɔnndan-ndo o lepilɔɔ.»

Daniɛl 8:13

Mí tuɛi vana diandaa sɔɛi, mí vana diandaa celen ɲuna o va sɔɛi-yo aa: «Vɛ̀ɛ̀ kpɛ́ dɛnnda cɔmnun-ndan o vundulen nin-ndan la viaw yɛnin? Háá telen kuɛɛ sálà solin lepalaa-lepala-o lo yɛnin faŋanndo? Háá lɔ́ɔ́ kuɛɛ dɛnɛ vɔɔn bɛndu kon lo yɛnin tosanndo o cɛi-kola-toandaa diandaa nin, mì kunda mɛlɛkaa cɔwva lo nɛwnɔnndo a labɛngu?»

Condii lisai 119:84

Háá telen kuɛɛ vana baala nɔmndo lo yɛnin yoomu? Lɔ́ɔ́ kuɛɛ nɛ n kialu yɛnin vanaa co ya saangiaa-a iyama?

Luke 2:29

«Mɛlɛka, mal niko vana baalaa nɔmndo kɔlan ciee-piɔ́m o kɔlɲuloo nin mɛɛ n dimi yɛ.

2Piɛr 2:1

Vanaa-tɛɛngaa-diom Hala-a lacòòvaa va sindɛ Israɛlla tɛɛn. Nduyɛ, lende koni vanaa pɛɛkaa lacòòvaa vanin niaa tɛɛn ni. A hunnin a pɛɛkula vɔɔnndan o kɔlkalu vɔɔndo nin, mà kɛɛ bɛɛ Vana Bɛndu baŋa nda-o, o kon mì nda pila luei bollen o ɲánndávàà.

Cɛɛŋɔnnda Yeremi lan 3:64

Éé Mɛlɛka! Mingul nda mɛɛ dɛnnda nda tosa lan la co yɛ.