Dɛnnda cɔɔmuanndan 5:5 - BII BILA

⁵ O kon mí bɛndua yuuvɛiyaa kan o pilɛ dimul-la aa: «Caŋ te, tofa yàlá fula o polale Yuda len nin-ndo, o co pulun David-on-ndo. O nɔla mò kumbi sɛbɔɔ ho a tɔɔmaselela ndɔla ŋɔmmɛwlan.

Dɛnnda cɔɔmuanndan 5:5 Referans Kwoze

Esai 11:1

O kon kɔɔli tɛiye piaŋnin o yɔm tum Yisai-yo, yɔmndo piaŋnin mò fula o dumbun ndɔn.

Dɛnnda cɔɔmuanndan 22:16

Ya Yeesu, i vim niaa mɛlɛkanɔ nuu le niaa sɔɔn mun cɔmndo kundala vanaa laalannda tɛɛn. Ya co pulun David-on ni, o polale ndɔlen coo ya fula ni, ya co loei tenga idii-ye ni.»

Hebreea 7:14

Vana-vana sínà maa o polale Yuda len nin Maalii naa fula ni. Nduyɛ telen Moise va sɔɛi vanaa-solia-lasálàá dimio-o, o dimi ɲɛ-ɲɛ a polale len o kɔɔ le.

Rɔmnda 15:12

Mí Esai bɛɛ dimi aa: «Cua imama Yisai-yo hunnin, o cannin le masalen tosaa vanaa-mangalaa-isɔɔa coo-o. Vanaa-mangalaa-isɔɔa kɛsinin ndu kɔllo coo.»

Rɔmnda 1:3

A Po ndɔɔ o kɔɔ Yoongu kɛndɛ kon soo ni, o velun o falon nin fulaa o polale David len coo-o.

Esai 11:10

O palɛi ken nin, vana fula kon o polale Yisai len nin-ndo vanin maa lɛfɛ le vannda, vanaa-mangalaa-isɔɔa kpow a mulinin hɔlla o ndu lo, o biiloo nin calta ndɔlan la vanin ni.

Dɛnnda cɔɔmuanndan 6:1

Mí mɛɛndan, telen Saa téndóó va tɔɔmasele tasoo kumbio-o, mí tuɛi ɲaa yoomaa kan o pilɛ deŋio a diomndo maa diom letaŋ aa: «Hun!»

Dɛnnda cɔɔmuanndan 4:4

O kpɛŋɛ lemasa kon balɔɔ pindo, kpɛŋɛla lemasala celen la va bidiin a lahiɔɔlu, bɛndua yuuvɛiya va icali lenin a volɔɔla humbulan lekɔɔ, mɔsilta lemasala n'sianilan la va nda o lebol.

Yeremi 31:16

Kɛ ɲɛ Mɛlɛka dimul ndu-o co hoo ni aa: «Mei caŋndo mà vɔɔsuu mɛmɛan, kani i kenin nɔm sala sanga nɔmndo, cuavaa nɔmnda fulanin o lɛŋii yaamɔaa ndaa nin mà muungu.» Sɔɛi fula Mɛlɛka o sondo-e co ken ni.

Dɛnnda cɔɔmuanndan 7:13

O kon mí bɛndu yuuvɛiyo pilɛ cua sɔɛi, mó ɲuna ya aa: «A nɔ haa domala bɛndula humbulan-nda, vanaa súú yɛɛ nda co yɛ, kuɛɛ nda fula yɛ?»

Dɛnnda cɔɔmuanndan 4:10

bɛndua yuuvɛiyaa bidiin a à hiɔɔlua baŋ vulan vana co icali o kpɛŋɛ lemasaa nin-ndo o labɛngunin, a biilu vana co yoomu le fɛɛn a fɛɛn-ndo, o kon a vuu mɔsilta ndala lemasalan o kpɛŋɛ lemasaa hɔl-ndɔ a dimio aa:

Dɛnnda cɔɔmuanndan 1:1

Dɛnnda viannannda cɔmnun Yeesu kpendekele lan la co o sɛbɔɔ ho nin ni. Hala cɔm ndu lan haliko mo cɔm buɛyaa ndɔa dɛnnda co hunɔɔ tosan o telen bingi bɛngu lan. Mí Krista viam mɛlɛkanɔ ndɔɔ o Nsaŋ buɛi ndɔ lo, haliko mo kɔ cɔm ndu lan.

Nsaŋ 20:13

Mí mɛlɛkaa kan a ɲuna ndu aa: «Vuɛɛndo, le yɛɛ nɛ n co yɛ caŋndo?» Mó mulul nda aa: «A cii Maalii ni vi-o cua, i sínà nɛɛ nda kɛsi ndu le.»

Luke 7:13

Yeesu cɔu ndu, mí ɲííye bii ndu a ndu, mó dimul ndu aa: «Caŋ te.»

Kundalan 24:9

Má ce nda ihini pɛngio maa n'yàlà. Nɛ̀ɛ́ cua yɛnin nda? Vana dɔw pɛ niaa duaa, duaa co le ndu. Vana dɔw pɛ niaa danga, dangaa co le ndu.»

Luke 23:28

Yeesu mulinndo o nda lo, mó dimi aa: «Vanlaandua Yerusalɛm, la caŋ le ya le! Kɛ la caŋ le niaa pila a le cuavaa niaa.

Luke 8:52

Vannda kpow a va caŋndo mí mɔnɛi i va nda taw le cuaambɔ ndóò vi kon-ndo. Mí Yeesu kpaa nda aa: «La caŋ te, o vi le, o lɔan o co ni.»

Daniɛl 7:16

O vanaa va isisi lon-nda tɛɛn, mí sɔɔnguu vana pilɛ ikɛi, mí ɲuna ndu le ya toɲaa dimullo a kɔlɔ vundule len o kɔɔ. Mó tɛɛsial-la kɔlɔ ndɔɔ aa:

Dɛnnda cɔɔmuanndan 3:21

Vana nɔlanin-ndo, i kɛsinnin ndu ikɛi o kpɛŋɛ ni lemasaa coo maa mɛɛ ya nɔla, mí n kɔ cal naa Fuɲa nuu o kpɛŋɛ ndɔ lemasaa coo yɛ.

Dɛnnda cɔɔmuanndan 5:4

Mí caŋ taw, kani vana-vana sɔlan te, ndóò bɛnda le sɛbɛ kon kumbio-o mí ndóò tofa ndu lenin-ndo.

1Masaa 10:20

Yàlàá tɔ́ a à ŋiɔn a va vɛlɛ a sialaa o helɔɔla ŋɔmpumnda lan coo, a va isisi, a ŋɔmpum o ba mɛllo coo, a ŋɔmpumnda pilla o ba kɛndɔɔ coo. Kabi bɛɛ dɛnɛ súú vaa lende tosan-ndɔ o masale kɛ́-kɛ̀ nin te.

2Dɛnnda lemasalan 9:18

Kpɛŋɛ lemasa kalaa ndóò nɔ helɔɔlan tan ŋɔmpum, ndóò nɔ vɛlɛ ɲɛ kɛsiaa n'peloo o holaa nɛɛ pilɛ a kpɛŋɛ kalaa, a sianion ndu bɛɛ ndóò cɔwnun ni. Ndóò nɔ lɔɔlan o kpengun miunndon, a tuula yàlàá nda ŋiɔn o kpengun miuŋun kpɛŋɛ kalaa coo.

SƐBƐ YƆB-O 41:15

Kpɔlikpɔlin co o yáw ndɔɔ coo-on co n'kàlà poŋ, vana kindila bɛɛ mun, n biŋin te.