Dɛnnda cɔɔmuanndan 4:7 - BII BILA

⁷ Maa yàlà ɲɛ yoomaa tasoo va ni, ɲɛ yoomaa diinndɔɔ maa naw cua, o yàándɔɔ ndóò nɔ hɔlla maa hɔlaa vanaciee, ɲɛ yoomaa hiɔɔlundɔɔ ndu, maa kovɛ co kɔlan coocoo-o o va ni.

Dɛnnda cɔɔmuanndan 4:7 Referans Kwoze

Esekiɛl 10:14

Ɲaa yoomaa hiɔɔlua kan o kɛ́-kɛ̀ ndóò nɔ hɔlla a hiɔɔlu, hɔlaa tasea va maa hɔlaa mɛlɛkanɔ kanda ɲɛm Hala-on-ndo, hɔlaa diinndɔa maa hɔlaa vanaciee, hɔlaa yàándɔa va maa hɔlaa yàlà, hɔlaa hiɔlundɔa maa hɔlaa kovɛ.

Esekiɛl 1:10

Hɔlaa ndaa va maa hɔlaa vanaciee, nda hiɔɔlu kpow ndáà nɔ hɔlla o ba kɛndɔɔ coo maa hɔlaa yàlà, hɔlla va nda o ba mɛllo coo maa hɔlaa naw, nda hiɔɔlu kpow ndáà nɔ hɔlla maa hɔlaa kovɛ.

Esekiɛl 10:21

O kɛ́-kɛ̀ ndóò nɔ hɔlla a hiɔɔlu, o kɛ́-kɛ̀ ndóò nɔ kumbanndan lahiɔɔlu, bala vanacieo la va nda o kumbanndan bɛngu.

Dɛnnda cɔɔmuanndan 4:6

Ɲɔɔ va o kpɛŋɛ lemasa kalaa laci o kɔannan tɛngɛ̀-tɛngɛ̀ maa mɛmma bɛndu, o va ŋɛlɛngi-ŋɛlɛngi maa kristal. Ɲaa yoomaa va o kpɛŋɛ lemasa kalaa tɛɛn a o balɔɔ nda hiɔɔlu, ndáà nɔ hɔltan taw-taw nda laci a o mundu.

Daniɛl 7:4

Visi tasoo ndóò velan a yàlàá, kɛ ndóò nɔ kumbanndan maa kovɛ. I va ndu tofaa, mí kumbannda ndɔlan la suingin. Mó can, mó sim o pelun ndɔn miunndon kɔɔli coo maa vanaciee. Mí yiyan ivanacieeyaa luɛi ndu nin.

Esekiɛl 1:8

Ndáà nɔ balan maa bala vanaciee o kumbannda va nda o kpengun hiɔɔlon-ndan bɛngu. Ɲaa yoomaa hiɔɔlua kan kpow, ndáà nɔ hɔlla a kumbanndan.

Esai 40:31

kɛ vanaa tiindan Mɛlɛka-a vanin yoomuma sɛnɛiyan sɔlaa o n'dial. A vanin cɔnɔnndo coocoo maa n'kovɛ, a vanin ɲaanɔnndo, a vinin n'dial te, a vanin kɔlan a labɛɛla, a venin sanga le.

Tɔŋ miingua 28:49

Mɛlɛka cuanin vanaa-mangalaa-isɔɔa pum nɛɛ levil, nɛɛ lɛŋnden le mɛɛlu-a le hunɔɔ niaa biyɔɔ o cɛlen nin, la tuinin sɔɛi ndɛi mangalɛi le. A coŋnin niaa coo mɛ̀ɛ́-mɛ̀ɛ́ kovɔ́ɔ̀ toal ɲɛ o va mɛngɛlaa-o coo nuaa yɛ.

Abdia 1:4

Hel bɛɛ coocoo maa kovɛ, ma kɔ tangul vɛɛnnde nɔmnden o loeon tɛɛn, i co nɔm tuisi ma del lɛŋ.» Sɔɛi fula ya Mɛlɛka o sondo-e co ken ni.

Talelan 28:2

Te vannda luɛi pɛ seesiɛi o lɛŋnden nin, simlacia kui. Kɛ masaa nɔ pɛ kɔlkaloo, mò nɔ dɛnɛ sinaa, ɲɛ-ɲɛ kɔɛ o kɛndɛ.

2Samiɛl 1:23

O ceen ndaa kpow nin, kaolianndo pila Saul nda Yonatan ndáà kaolian ni. Hali o piɔ́m ndaa nin, a cɛl le sɛyanndo le. Ndáà hiow kovɛa keleŋaa, ndáà hiow yàlàá yoomuan.

O Kandɔɔ 49:9

A toɲa, Yuda, yàlà téndóó n co ni. Po nuu, a fula pɛlɛlen má hun biɔmnun maa yàlà. Vana ca nɔm ko o biamnanndo a yàlàá kpeekpei ni. Nɛ̀ɛ́-nɛ̀ nɔla yɛ mò cua nɔm isisi lon?

1Korɛntea 14:20

Puapilɛa nia, la va n'cuaambɔ o kɔlkalu niaa nin te, kɛ la va cuaambɔa le dɛnɛ vɔɔndo, mì la va kaasonnda o yiyannda niaalan nin.

Kundalan 24:9

Má ce nda ihini pɛngio maa n'yàlà. Nɛ̀ɛ́ cua yɛnin nda? Vana dɔw pɛ niaa duaa, duaa co le ndu. Vana dɔw pɛ niaa danga, dangaa co le ndu.»

Kundalan 23:24

Vannda ha, vana ce nda pɛ cɔnɔnndo aa yàlàá ni, vana ce nda pɛ huuloo aa yàlà co ɲɛdiaa nuwviaa-o ni. O hínì le fɔ mò de ɲɛ o co mɛngɛlaa-o, mò kol kooma visia o bii-a.»

Dɛnnda cɔɔmuanndan 6:3

Telen o kumbi tɔɔmasele diinndɔɔ-o, mí tuɛi ɲɛ yoomaa diinndɔɔ dimio aa: «Hun!»

Dɛnnda cɔɔmuanndan 6:5

Ndóò kumbio tɔɔmasele yàándɔɔ, mí tuɛi ɲɛ yoomaa yàándɔɔ dimio aa: «Hun!» Mí tofa, mí ca so tiŋio. Vana va lecoo-o ndóò nɔ kilo tuvaa o ba.

Dɛnnda cɔɔmuanndan 6:7

Telen o kumbi tɔɔmasele hiɔɔlundɔɔ-o, mí tuɛi ɲɛ yoomaa hiɔɔlundɔɔ dimio aa: «Hun!»