Dɛnnda cɔɔmuanndan 3:19 - BII BILA

¹⁹ Ya ya, sɔɛi ya soaa vanaa ya kaola-a le nda silaa ni. Lelan fula diallon, mà mangalan.

Dɛnnda cɔɔmuanndan 3:19 Referans Kwoze

1Korɛntea 11:32

Kɛ Mɛlɛka kialunin naa iyama, mò mingi naa o nɛi, o kon n sɔlanin yaalaa a ceendo latulu le.

Dɛnnda cɔɔmuanndan 2:5

Lelan loonun a nɛɛ n va lɔ́ɔ́ pá ma del-la, mangalan mà tosa dɛnnda n va tosaa o tasendɔ lan. Te o co kon te, i hunnin o nɔm ndo, mì faŋa ɲɛ kɛsiaa lafitina nɔmndo o fonda ndɔɔ. Fɔ dɔ́ɔ́ ma mangalan dɛ!

SƐBƐ YƆB-O 5:17

A toɲa, dɛnɛ kɛndɔɔ co le vana kon, vana Hala cɔm tɛɛmbuu ndɔɔ-o, Lelan, pɛɛsa sila Hala Vana-Kpaayaa-Kpow le.

2Korɛntea 7:11

Kɔl tambɛi Hala cɛl hoo mó komal niaa-o, la tofa vɔ sɔɔn kɛndɛn o tosa o ceennda niaalan nin-ndon: la cɔm yiyan kɛndɛ niaa nɔ-o, mí la keleŋa cɛvɔn! Mɔnɛi bii niaa taw, mí siòòŋii bɛnduei bii niaa, mí yeemɛi bii niaa vɛlɛ le ya cɔu, mí la dɔawnun ɲaale ɲɛkɛndɛi, mí la sɔla sangaa le dɛnɛ sandaa. O nɛi oo nɛi coo, mí la cɔm maa la tosa ɲɛ-ɲɛ vɔɔn o dɛnɔɔ ho nin te.

Yeremi 31:18

I tuei cɛɛŋɔnnda vannda Efraim co lan ɲɛkɛndɛi, a co dimio aa: ‹A lɔɔ naa bɔɔ a hɔlta kalalan le naa mingio o nɛi, maa mɛɛ nda sila naw tova nila kaloo yɛ. Kɛ mingin naa o ibuŋ mì n muungu lekɛ́ndɛi. Kani nɔm Mɛlɛka co Hala naa ni.

Yeremi 10:24

Mɛlɛka, sila ya tùúlen, o va a kɔltuw le, yɔŋii n tɛɛmbuu ya.

Yeremi 7:28

o kon a dimul nda aa: «Vanaa yeŋnun diom Mɛlɛka Hala ndaa le-a niaa co ni, vanaa yeema mi vana sila nda le-a pɛɛn. Dɛnɛ sandaa ɲum mò fula niaa o lasondo few-few.»

Esai 26:16

Mɛlɛka, a nuwviaa nɔm telen nda va o sangaa nin-ndo, telen n soŋ nda le nda silaa-o, má piɛi nɔm taw-taw.

Talelan 22:15

Diɔmnde co iyiinánndé cuaambɔɔ o kɔl, sionnde silaalen le kialu ndi ndu kɔɔli ni.

Talelan 15:32

Vanndo kɛɛ pɛ le pɛɛkoo tueyɔɔ, ndu pɛɛsan ndu pila. Kɛ vana cɛl pɛ kanalanndan, ndu sɔla taasio.

Condii lisai 69:9

I siŋnun miallo puapilɛa nia tɛɛn, i siŋnun vana celenndo vanaa naa n fula kala pilɔɔ o ipulu-a tɛɛn.

Condii lisai 39:11

Pɛngi ya lɔɔ! Ba nɔmndo cii yoomuan soli ya o n'dial.

Tɔŋ miingua 8:5

Lelan, la yiyan o sɔɔn mun coo, la bìí bila maa Mɛlɛka Hala niaa co niaa pɛɛkoo mɛɛ fuɲaa pɛɛku hɔ́ɔ́ ndɔɔ nuaa yɛ.

Nsaki 1:12

Dɛnɛ kɛndɔɔ co le vana bìwnùn o tɔɔndanndo nin-ndo, kani o cii pɛ tɔɔndanndo sɔla, o sɔla mɔsil lemasa cindaa, o Mɛlɛka yiilu vanaa kaola ndu-a kpemaa-o.

Tite 2:14

O yɔngún ndu pila le naa, le naa solio o dɛnnda vɔɔnndan nin kpow, mó siinguu naa vanaa diandaa co le ndu-a, haliko mi n va vanaa dialun fulaa le dɛnnda kɛndɛlan tosaa-o.

Rɔmnda 12:11

La va vanaa dialun fulaa, la va vanaa idia le. La tosal Mɛlɛka baalaa a kɔlta niaalan kpow.

Yeremi 30:11

Sɔɛi fula Mɛlɛka o sondo-e co hee ni aa: «Kani i co nɔm ikɛi le nɔm ciindiaa, i diwnin vanaa-mangalaa-isɔɔa niaa va a sɛŋiannda tɛɛn-nda, kɛ niaa niaa, i diwnin niaa le. I saangiaanin nɔm, kɛ le nɔm mingio o nɛi sandaa coo ni, kani i nɔla nɔm biyɔɔ maa vana tɛɛmbuu isɔɔ loo le.»

Condii lisai 94:10

Ndu míngí vanaa-mangalaa-isɔɔa o nɛi-yo, vɛ̀ɛ̀ o tiwba mò tuisi vana sangaa coo le? Ndu yɔngu vanndacieea dɛnɛ sinaa le pɛɛkoo-o,

Condii lisai 6:1

Condii David-e, í fula o condun simlacinɔ vanaa n'condua nin-nde. A banga yoei ŋɔmaa-o vana soli ndi ni.

2Samiɛl 7:14

Ya pila vanin fuɲa ndɔ ni, mì ndu va po nuu. Te o hun pɔw pɛ, i bandìlanin ndu mɛɛ vanndacieea bandìla vana nuaa yɛ. Te o tɛɛmbuu pɛ, i koŋ ndu mɛɛ vanndacieea koaŋ vana nuaa yɛ.

2Korɛntea 6:9

A co yiyanndo maa vannda sínà naa le, kɛ nduyɛ a sínà naa válán, a co naa cɔw maa vanaa vílɛ́i, kɛ nduyɛ n co yoomu ɲɛkɛndɛi. A co naa sangaa tuisio coo, kɛ nduyɛ a co naa diw le.

Nsaŋ 2:17

Mí kaandeŋaa ndɔa loonun maa i co i sɛvaa aa: «Kaola ya nɔ le Cɛi nɔmndo-o co ya lomɔɔ maa leyin.»

Talelan 15:10

Vana mal pɛ nɛi kɛndɔɔ o sɔla sangaa le ken. Vana cɛl kanalanndan te, ndu sɔla piɔ́mndo.

Kalatea 4:18

O naŋ mì vana fula diallon le dɛnɛ kɛndɔɔ tosaa o telenndan nin kpow, o va ko telen ya co niaa tɛɛn-ndo daama le.

Sofoni 3:2

O tui Mɛlɛka diom te, o cɛl kanalannda ndɔlan te. O laalan Mɛlɛka ndɔɔ le, o sɔɔnguu Hala ndɔɔ ikɛi le.

Yeremi 2:30

I diw poaa niaa, kɛ sangan fondo fúú, kani a bii sila nuu le. Mí la diw vanaa-tɛɛngaa-diom Hala-a niaa maa yàlàá kɔltuw.

Matie 25:7

O kon mí felengia laandua kan kpow a can, má toosiaa fitinala ndalan.