Dɛnnda cɔɔmuanndan 3:18 - BII BILA

¹⁸ Lelan i co nɔm sila mà pendu ya sianin nda dindi o yin-ndon o ba, haliko ma sɔla bolofaa a volɔɔla humbulan, haliko ma cuɛinun, o kon a ve lɛnin a fɛ́lio mì siɛmbula bii nɔm te. Piondu koovan le malnɔnndo o lahɔl, haliko ma ce.

Dɛnnda cɔɔmuanndan 3:18 Referans Kwoze

Dɛnnda cɔɔmuanndan 16:15

… Tofa vɔ, i co hunɔɔ maa vui. Dɛnɛ kɛndɔɔ co le vana co kɔl, mò manda volɔɔla ndɔla cuɛinanndan, haliko o kela fondo mi siɛmbulan la bii ndu a vannda loo.

1Piɛr 1:7

Laalan niaa nɔ yɛ o Yeesu nin-ndo, ndu hiow baa kaloo a sianion. Lelan, le sinaa te la nɔ pɛ laalanndo o Yeesu nin lekɛ́ndɛi, mɛɛ mì sɔɔn dɛnɛ palaan kei niaa coo. O kon, paale Yeesu Krista cɔmnunnin-nden le tiiya pɛ, la sɔlanin candɔɔ, biiloo a bɛɛlen.

Esai 55:1

Sei, niaa vanaa kolɔɔ bii-a kpow, la hun nɛɛ mɛnndan ma co-a, hali mi vana nɔ ivoli o ba le! La hun, la piɔndi mì la de! La hun, la piondu mɔiyan a nɔnɔan, o co a n'voli le niaa co piondɔɔ le, la co hunɔɔ bɔnɔ luɛyɔɔ le!

Dɛnnda cɔɔmuanndan 19:8

A yɔngu ndu volɔɔla cuɛinannda kola keese fɛtufɛtu lan, kola keese fɛtufɛtu ŋɛlɛngi-ŋɛlɛngio pɛɛn.» (Kola kon co yɛ dɛnnda sandaala vanaa diandaa Hala-a ni.)

Malasi 3:3

O calnin mɛɛ vana teengiaa volion le mun dindio-o cal-lɛ, mò dindi poaa Levii-a. O dindinin nda mɛ̀ɛ́-mɛ̀ɛ́ vana dindi sianion a volin humbon nuaa yɛ. O kon, mà va Mɛlɛka sálàlan solullo mɛɛ o kelun o tɔŋndo nin yɛ.

Dɛnnda cɔɔmuanndan 7:13

O kon mí bɛndu yuuvɛiyo pilɛ cua sɔɛi, mó ɲuna ya aa: «A nɔ haa domala bɛndula humbulan-nda, vanaa súú yɛɛ nda co yɛ, kuɛɛ nda fula yɛ?»

Matie 13:44

«Masale halataala len le co vɛlɛ ko kpen maa bolofaa co o vianaa yondoo pum nin-ndo. Vanndo saalɔnndo ndu, mó cɔɔlu ndu vionɔɔ. O lo ɲaale kon dɔwnɔnndo tei, mó pisi ɲɛm ndɔn kpow, mó kɔ piandu yondo kon.

Daniɛl 12:2

Vanaa co o lɔan o sɛilan nin-nda taw a tendulnin. A pum le yoomu fɛɛn-fɛɛndo, a tɔ̀a le siɛmbulan a sanga bɛɛ tambɛi fɛɛn-fɛɛndo.

Condii lisai 32:8

Mɛlɛka dimul-la aa: «I pɛɛkunin nɔm, mì cɔm nɔm nɛi n bɛnda le kelaa coo-o. I silanin nɔm, mì landu hɔlla nɔm coo.

Nsaki 2:5

Puapilɛa nia hɛnan ya-a, la yaŋ-ndɔ nilan. Vɛ̀ɛ̀ o co hɛlio le Hala hɛli vanaa bala fondoa o ceendo nin le nda siinguuo vanaa bolofaa o laalanndo nin te? O hɛli nda haliko ma sɔla Masale o yiilu vanaa kaola ndu-a kpemaa len.

Misee 1:11

Vanlaandua Safir, la hiow kɔɔle fondo mì siɛmbulan la bii nia. Vanlaandua Saanan nda tɔ́ɔ́ndàn bɛɛ ma faŋan o ciee nda co nin-ndo le. Caŋndan la co Bɛt-Esɛl, mò va maa lon malaa fulanin ni?

Condii lisai 73:24

A co ya nɛiyo a silalan mɛɛ n yeema yɛ. Handɔɔ o kon coo, a lueinin ya o biilu nɔmndo nin.

Dɛnnda cɔɔmuanndan 3:17

Kani a co dimio aa: Vana bolofaa ya co ni, i pɛ a bolofaa taw, i hew lɛ ba a ɲɛ-ɲɛ le. A co sínà maa a cuu dikpilan te? Kuɛi, bala fondolan, sumaa a fɛ́lio tol nɔm coo.

Dɛnnda cɔɔmuanndan 2:9

I sina dɛnɛ palaa nɔmndo a pɛŋnde nɔmnden, kɛ o kpeekpeiyo nin, vana bolofaa n co ni! I sina mɛɛ vanaa co N'Yuifi le-a kɛ ma va veelɔnndo aa Yuifia-a a co nɔm congulan yɛ, kunda Setana-o vanaa kan co ni.

2Korɛntea 8:9

Kani la sínà kɛndɛi Maalii naa Yeesu Krista yɔŋ le niaa-e, ndu vana bolofaa, mó siŋnun vana bala fondoo, haliko mi la siŋnun vanaa bolofaa o bala fondola ndɔlan kɔɔli.

Esai 47:3

La fulanin tumnda fondo kpendekele, mì la tambu labɛɛ kpede. I minginin màá nuu, i kpakpalanin vana-vana le.

Talelan 23:23

Kindin ma va vana toɲaa, ma nɔ kɔlkaloo, sinapɛngoo a dɛnɛ sinaa. Ɲɛla lan vɔngul o kɛ́-kɛ̀ le.

2Korɛntea 5:3

Nduyɛ a cɛinin naa volɔɔlan, o venin kɔɔle fondo le.

Luke 12:21

Mí Yeesu hiaw vɛlɛ laci a sɔɛi, mó dimi aa: «Lende koni o vanin vɛlɛ le vana landu kɔllo le ɲɛm ceenndon cuungiaa le ndu pila-o ni, o co bolofaa cuungiaa le Hala loo pɛɛn.»

Nahum 3:5

Diom Mɛlɛka-Nɔ-Kpaayaa-Kpow-vo dimi-o co hoo ni aa: ‹Má cè ya nɔm kuello! I co bɔɔla doma nɔm bɛndoo heelu nɔm o hɔl, mì soli tun fondo nɔmndo vanaa-mangalaa-isɔɔa o hɔl, mì tɛɛmbuu nɔm bɛɛlan masɛi o hɔl.

Matie 25:9

Kɛ mí felengia nɔ taasio-a muli aa: ‹Ɛ-ɛ, ma tiwnin le naa niaa le, o co fisa mì la kɔɛ o vanaa co man pisio-a lo, mì la kɔ piondu ma niaan.›

Yeremi 13:26

Lelan ya bɛɛ, i co nɔm domaa heelu háá o lebol, mì vannda ce nɔm tum fondo kpendekele.

Vana Kɔlkaloo 8:2

Te masaa soo pɛ, mò dimi isɔɔ le tosa, vana bɛnda mi vana bii sɔɛi ndɔɛi. Naa n cua ciɛ́ɔn Hala o hɔl le ndu diomndo biyɔɔ ni.

Talelan 19:20

Tuei silaa mà cɛl pɛɛkoo, o kon a sɔla kɔlkaloo.

Talelan 1:30

La cɛl le silala nilan biyɔɔ le, mí la ca kanalannda nilan kpow ɲɛ fondoo.

Talelan 1:25

le tùú niaa kɛɛ silala nilan kpede-o, le tùú niaa kɛɛ kanalannda ya kanalan niaa lan-ndo,

Condii lisai 107:11

le simul ndáà simul sɔɛi Hala-e-o a le kɛɛ ndáà kɛɛ silala Ó-Hiow-Ɲɔɔn-Kpow-vo lan biyɔɔ-o.

Condii lisai 16:7

I mel nɔm Mɛlɛka balika, Ndu co vana ni silaa ni. Hali icɔl, kɔl nuu co ya ken pɛɛkoo.

1Timote 6:18

Dimul nda mà a tosa dɛnɛ kɛndɔɔ, mà tosal vannda kɛndɛi taw, mà cɛl le vanaa celen ɲɛm ndan piɔwvo.

Dɛnnda cɔɔmuanndan 4:4

O kpɛŋɛ lemasa kon balɔɔ pindo, kpɛŋɛla lemasala celen la va bidiin a lahiɔɔlu, bɛndua yuuvɛiya va icali lenin a volɔɔla humbulan lekɔɔ, mɔsilta lemasala n'sianilan la va nda o lebol.