Dɛnnda cɔɔmuanndan 3:17 - BII BILA

¹⁷ Kani a co dimio aa: Vana bolofaa ya co ni, i pɛ a bolofaa taw, i hew lɛ ba a ɲɛ-ɲɛ le. A co sínà maa a cuu dikpilan te? Kuɛi, bala fondolan, sumaa a fɛ́lio tol nɔm coo.

Dɛnnda cɔɔmuanndan 3:17 Referans Kwoze

Talelan 13:7

Vanndo pum mò cɔm maa o nɔ bolofaa, nduyɛ ɲɛ-ɲɛ ò nɔ le. Vanndo pum yɛ, mò cɔm maa o nɔ ɲɛ-ɲɛ le, kɛ mò nɔ ɲɛ-sɔlaa taw.

Osee 12:8

Ya Mɛlɛka dimi aa: ‹Cuavaa-imamaa Efraim-nda nɔ ɲɛla tuvaala lakafalan o laba maa yulaa Kanaan, a yeema bɔɔ kafalan.›

Dɛnnda cɔɔmuanndan 2:9

I sina dɛnɛ palaa nɔmndo a pɛŋnde nɔmnden, kɛ o kpeekpeiyo nin, vana bolofaa n co ni! I sina mɛɛ vanaa co N'Yuifi le-a kɛ ma va veelɔnndo aa Yuifia-a a co nɔm congulan yɛ, kunda Setana-o vanaa kan co ni.

Rɔmnda 7:24

Mbɔ̀ dɛnɛ pala ya fɔ́! Nɛ̀ɛ́ baŋa yɛnin ya dialun piɔ́mndon mun o ba?

Luke 1:53

O yɔngu vanaa yiaan ma va nɛiyo-a ɲɛ-sɔlaa taw, mó mingi vanaa bolofaa vanaa bala fondoa.

Matie 9:12

Mɛɛ Yeesu tuei ɲuna kon, mó dimi aa: «O co vanaa connun kɛndia-a le a nɔ makoo a vana singia n'vanndo le, fɔ vanaa co a nààlan-nda.

Dɛnnda cɔɔmuanndan 16:15

… Tofa vɔ, i co hunɔɔ maa vui. Dɛnɛ kɛndɔɔ co le vana co kɔl, mò manda volɔɔla ndɔla cuɛinanndan, haliko o kela fondo mi siɛmbulan la bii ndu a vannda loo.

Rɔmnda 12:3

Le kɛndɛi Hala tosal-la-e, i co niaa dimul maa la cannun niaa pila ɲɛ mò hiow mɛɛ niaa co yɛ le, kɛ la tuisin mì vana-vana cennun mɛɛ o co yɛ, maa mɛɛ Hala ke vana-vana laalanndo yɛ.

O Kandɔɔ 3:7

O kon, mí hɔlta ndalan la kumbin nda ŋiɔn kpow, má cannan maa tumnda fondo nda va ni. Le hee, má sɔandu pei voosoei, má yiwnun ndi o caŋ maa lakola.

2Piɛr 1:9

Kɛ te vanndo nɔ kaalan ndan te, mɛɛ vana sumɛi co kɔlan yingo-yingo-o o co ni: o pɔɛɛnun maa o sɔla dindio le hakila ndɔla paandulan-ndo.

Matie 5:3

«Dɛnɛ kɛndɔɔ co le vanaa tuisin tootoo o kɔlta ndalan nin-nda, kani masale halataala len le co le nda.

Luke 6:24

Kɛ dangaa co le niaa vanaa bolofaa, kani la cii nin dɛnɛ kɛndɛ niaa sɔla!

Sakari 11:5

Vanaa co nda piondɔɔ le diyɔɔ-a co cɔnnɔn maa a tɛɛmbuu isɔɔ le. Vana co nda pisio-o co dimio aa: Biiloo co le Mɛlɛka! Kani i siŋnun vana bolofaa. Vanaa co saa kan mandaa-a nɔ iɲíí a nda le.

Fulaa 32:35

Mí Mɛlɛka soaŋ vanaa kan le piɔm n'siani Aarɔn cow nda kon maa naw téndé-o.

Rɔmnda 11:25

Puapilɛa nia, i yeema mì la pɔw dɛnɛ kɔndɔfillo ho le, yɔŋii niaa pila cɔnnun vanaa kɔlkalu. Israɛlla pum a lonin nila kalulan tosaa háá mì vanaa sina Hala le-a kpow a muungu Hala o ibuŋ.

Rɔmnda 11:20

Toɲaa ken ndi co ni. Le laalan nda lepɛŋndo n sɔla kilio ni, mì nɔm va o holaa le laalanndo. Lelan kuundian te, kɛ siòònde va nɔm,

Yeremi 2:31

Niaa vannda sisa, la luɛi sɔɛi Mɛlɛka-e yii! Vɛ̀ɛ̀ lɛŋnde veselɛilen ya yɔŋnun le Israɛl ni, te kon te lɛŋnde ɲumma bɛndulen? Le yɛɛ nɛ vanaa nia co yɛ niko dimio aa: ‹N co o ba naa coo, n muungu lɛnin nɔm o ibuŋ te?›

Esai 42:19

Nɛ̀ɛ́-nɛ̀ co yɛ o sumɛiyo, te o co vana ni baalaa le? Nɛ̀ɛ́-nɛ̀ co yɛ vana nila baŋulɛiyo maa kiilanɔ ni ya co viomɔɔ-o? Nɛ̀ɛ́ co yɛ vana sumɛiyo maa vana ni hiviaa n'sɔɔ? Nɛ̀ɛ́ co yɛ o sumɛiyo maa vana baalaa Mɛlɛka-o?

Talelan 30:9

Kani te i hiw pɛ sɔlaa, i kɔɛ le nɔm pɔɛɛnɔnndo, i ɲuna dɔ́ɔ́ aa: ‹Nɛ̀ɛ́ co yɛ Mɛlɛka?› Te i hiw vɛlɛ pɛ vaa bala fondo, mì yɔŋ vuilen, i ke nɔm Hala nuu diola vɔɔnndan.

Dɛnnda cɔɔmuanndan 3:16

Kɛ le mɛɛ n co talafulaa, a ɲulul te a tuulu vɛlɛ kpɛikpɛi le yɛ, i co nɔm kuisi mì tufu nɔm.