Dɛnnda cɔɔmuanndan 3:14 - BII BILA

¹⁴ «Sɛval mɛlɛkanɔ vanaa laalannda Laodisee aa: ‹Ɲɛ Amiina, sei lo o lediom coo-o, o co sei toɲaa-o, o ɲɛm Hala soli-on cɔwnun o ba-o dimi-o co hoo ni aa:

Dɛnnda cɔɔmuanndan 3:14 Referans Kwoze

Kolɔsea 1:15

Yeesu co vundule Hala vana ci le len ni. Ndu co Po tasoo o ɲɛm Hala cɔw-von kpow nin ni,

Dɛnnda cɔɔmuanndan 1:5

a Yeesu Krista, sei toɲaa, o velun tase vanvílɛ́iya tɛɛn, mó va masa masaa o lɛŋnden coo kpow-vo o ba! Vana kaola naa mó baŋa naa a kooma ndɔan, mó cii hakila naalan-ndo,

Kolɔsea 1:18

Ndu co diallon bollen ni, kunda vanaa laalannda pɛɛn. O ndu nin yoomu sɛnɛiyo kandun ni, ndu co Po tasoo ni, vana tase muungu yoomu fulaa vanvílɛ́iya tɛɛn-ndo, haliko mo yɔŋnun vana tasoo o nɛilan kpow coo.

2Korɛntea 1:20

Kani Yeesu co Oi peelu kpemala Hala lan kpow-vo ni. Lelan, o ndu nin naa n dimi ni aa: «Amiina», mì Hala sɔla biiloo.

Dɛnnda cɔɔmuanndan 3:7

Sɛval mɛlɛkanɔ vanaa laalannda Filadɛlfii aa: «Ɲɛ vana co O-Diandaa mo nɔ toɲaa-o, vana nɔ kii David-e o ba-o, o kumbi vana-vana kinda loo, o kinda vana-vana kumbi loo co dimio-o co hoo ni aa:

Dɛnnda cɔɔmuanndan 22:13

Ya co Alfa a Omeka ni, vana tasoo a vana mɛɛlaa, kandɔnndo a mɛɛlulan.

Dɛnnda cɔɔmuanndan 19:11

O kon mí ca halataalaa o kumbianndo, mí so humboo fula. Vana va lecoo-o diolan aa Vana toɲaa a Vana lo o lediom coo-o, o co yamɛi kiolɔɔ o sandei nin, mo va cɔlɔbaa.

Yeremi 42:5

Má mulul Yeremi aa: «N tosanin sɔɔn Mɛlɛka Hala nɔmndo dimulnin nɔm le naa tɛɛngullo-on. Ndu Mɛlɛka kon co sei toɲaa a sei sandaa le mɛnan naa n co hoo-o ni.

Esai 65:16

Vana yeema pɛ le duaa dɔwnɔnndo o lɛŋnden nin, o bɛnda mò sɔla duaa kon Hala toɲaa o ba. Vana yeema pɛ le mɛnanndo o lɛŋnden nin, ndu bɛnda mò mɛnan o diola Hala lo o lediom coo-o. Kani sangala imɔnɔla paandulan la hiawnin, sangala lan la faŋannin ya o hɔl.

Talelan 8:22

O kandɔɔ pá Mɛlɛka toosiaa ya ni, ya fɔlɔn o cɔw a ɲɛm o cɔw-von kpow,

Dɛnnda cɔɔmuanndan 22:6

Mí mɛlɛkanɔ kon dimul-la aa: «Sɔɔn vana bɛnda le laalanndo-on a sɔɔn toɲan sɔɔn mun co ni. Mɛlɛka, o nɔ kɔlta vanaa-tɛɛngaa-diom Hala-a o ba-o vem mɛlɛkanɔ ndɔɔ le vanaa ndɔa baalaa ɲɛ yɔŋnunnin nanu a telen bingi-o cɔmndo.»

Dɛnnda cɔɔmuanndan 21:6

Mó dimul-la vɛlɛ aa: «I cuu tosan, ya co vana tasoo a vana mɛɛlaa ni, kandɔnndo a mɛɛlulan pɛɛn. Vana kolɔɔ bii pɛ, i kenin ndu soon mɛmma yoomaa, o venin a vɔngu le.

Dɛnnda cɔɔmuanndan 1:11

mo va ya dimullo aa: ‹Sɛva ɲɛ n co cɔw-vo o sɛbɔɔ nin, mà yoo kundala ŋɔmmɛwlan ndan: Efɛs, Smirne, Pɛrkam, Tiatir, Sarde, Filadɛlfii a Laodisee.›

Dɛnnda cɔɔmuanndan 2:1

Sɛval mɛlɛkanɔ vanaa laalannda Efɛs aa: «Ɲɛ vana nɔ loeon ŋɔmmɛwvon o ba ndɔ kɛndɔɔ-o, o co balɔɔ o ɲɛla-kɛsiaa-lafitinala ŋɔmmɛwla n'sianilan tɛɛn-ndo dimi-o co hoo ni aa:

Kolɔsea 4:16

La cii pɛ sɛbɔɔ ho dimi, la kei o nɛi oo nɛi coo, mò dimin vɛlɛ kunda vanaa laalannda Laodisee tɛɛn, o kon mì niaa pila dimi o nda yɔŋnin niaa fulaa Laodisee-o.

Kolɔsea 2:1

I yeema mì la sínà cɔlɔba bɛndu ya co le niaa, le Laodisea a le vanaa sínà vɔ ya bɛɛ le-a-o,

Esai 55:4

Tofa vɔ: i siinguu ndu seiyo le vanaa súúla celen. I kɛsi ndu maa simlacinɔ le vanaa súúla celen masalen tosaa coo.

O Kandɔɔ 49:3

Rubɛn, nɔm co po ni tasoo ni, hɔ́ɔ́ tase ya velu telen yáà nɔ yoomuan-ndo-o, telen kpaayaa va ya o n'dial taw-vo. Nɔm hiow tɔ́ɔ́ a yoomuan ni.

Tɔŋ miingua 21:17

Kɛ o bɛnda mò sina maa po ndɔ tasoo co po tase lanɔ o kaola loo ni. O kon, mò yɔngu ndu ɲɛm ndɔn kundalan latiɔn hiovɔɔ o pilɔɔ coo, kani ndu co po tase o velu a yoomuma ndɔma ivanapɔnɔyan-ndo ni. Lelan, ndu bɛnda ni mo sɔla fonda ikaasonyaa.»

Talelan 14:5

Sei toɲaa dimi lacòòvaa le, kɛ sei lacòòvaa ndu còòlan kínɛí o dimi ni.

Nsaŋ 1:3

A ndi ɲɛ-ɲɛ cɔwnun ni, ɲɛ-ɲɛ cownun ndi kɔɔli le.

Nsaŋ 8:14

Mí Yeesu mulul nda aa: «O va bɛɛ aa seile nile ya pila len ya co tɛndaa ni, toɲaa le co ni, kani i sina ba ya fula-o, i sina nɛɛ ya co kɔlan-nda. Kɛ niaa yɛ, la sina nɛɛ ya fula-a le, la sina vɛlɛ nɛɛ ya co kɔlan-nda le.