Dɛnnda cɔɔmuanndan 22:2 - BII BILA

² Yɔm yoomaa va o falii kobio tɛɛn a o kɔngɔla tiɔnnda pee kon coo, tɔ́ a lediin yɔm kon koam ni, ipaangu oo ipaangu o kom lepilɛ. A pei yɔm kon vanaa-mangalaa-isɔɔa sɔ̀la siongɔɔ ni.

Dɛnnda cɔɔmuanndan 22:2 Referans Kwoze

Dɛnnda cɔɔmuanndan 22:1

Mí mɛlɛkanɔɔ cɔm vɛlɛ ya pee mɛmma yoomaa, mɛmma ndɔan ma va madiandaa few maa tofan, o kpɛŋɛ lemasa Hala-o a Saa téndóó-o mɛmma ndɔan ma va fulaa ni.

1Piɛr 2:24

Mó cua hakila naalan o n'dial o yɔmndo coo, haliko mi n vi a ba hakio, o kon mì n muungu yoomu a ceen sandaa. Fungbula ndɔlan la tosa ni mì la sɔla siongɔɔ.

Dɛnnda cɔɔmuanndan 2:7

Vana nɔ pɛ nilan, mɛɛ ndú tuéi ɲɛ Kɔl-Diandaa co kundala vanaa laalannda dimullo-o. Vana nɔlanin-ndo, i kenin ndu kɔmnde yɔm ciindaa le dioo, yɔm cindaa co o nakɔ Hala-o nin-ndo pɛɛn.›»

O Kandɔɔ 2:9

Mó soli yɔmnde súúlan kpow o nakɔ kon nin, í naŋ o tofaa mi ì yeela o dioo-e. Mó soli yɔm cindaa o nakɔɔ tɛɛn déŋ, mó soli vɛlɛ yɔm tosa mì vana siná dɛnɛ kɛndɔɔ a dɛnɛ vɔɔndo-o.

Dɛnnda cɔɔmuanndan 22:14

Dɛnɛ kɛndɔɔ co le vanaa co domala ndala bɛndulan tɔ́ɔ́-a. A sɔlanin dio le kɔmnde yɔm yoomaa sɔlaa, o kon mà kei o diola kobio le luɛyɔɔ lenin.

Talelan 3:18

Yɔm yɔngu cindaa-o kɔlkaloo co le vanaa holnun ndu-a ni, vanaa bii ndu kpíŋ-nda co o dɛnɛ kɛndɔɔ nin.

Dɛnnda cɔɔmuanndan 22:19

Te vanndo faŋa yɛ pɛ ɲɛ-ɲɛ o sɔɔn Hala dimi mun mì n va n sɛvaa o sɛbɔɔ ho nin-ndon coo, Hala faŋanin kulun yɔm yoomaa vana kon a tɔnɔ o nɔ o kobi diandaa nin-ndo lecoo, yɔm yoomaa a kobi diandaa sɔɛi ndɔɛi sɛvan o sɛbɔɔ ho nin-ndo pɛɛn.

Dɛnnda cɔɔmuanndan 21:24

O ɲɛ-tengaa ndɔɔ vanaa-mangalaa-isɔɔa vanin kelaa ni, mì masaa co o lɛŋnden coo-a hin a sul ndaa lon.

Dɛnnda cɔɔmuanndan 21:21

Diola luɛyaala tɔ́ a latiɔnndan la va yɔɔvala baala kalala tɔ́ a latiɔnndan ni. Falii kobi kalaa ndi, a sianin diandan i va ni, maa tofan vana tofa ma ce lekɔɔli-o.

Luke 4:18

«Kɔl Hala-o co ya coo, kani o hɛli ya le vanaa bala fondoa Yoongu Kɛndɔɔ tiiyallo. Le vanaa co o kaasolan-nda baŋaa, le vanaa sumɛiya hɔltan kumbio, le vanaa co o sangaa nin-nda pɛngio keo,

Esekiɛl 47:1

Mí langbanɔ kon mingi ya vɛlɛ o Cɛi-Hala-o sondoo. Yáà tofaa, mí ca mɛnndan fulaa o kèédei Cɛi-Hala kon bɛngu a ba paalen le can-ndo, kani a ba paalen le can-ndo cɛi kon ndóò muli hɔlla ni. Cɛi-Hala kon o ba kɛndɔɔ coo mɛmma man ma va fulaa ni mí ma va tolɔɔ o fonda-loamaa-lasálàá a ba too kpeekpei.

Condii lisai 147:3

O co vanaa ndáà tambu kɔltan nda dandaa dɔvɔɔ, mo va boolɔnnda ndalan cɛwcɛwvo.

Osee 14:4

O co Asiri le nɔlanin naa ciindiaa le, n hel-lɛnin o soa cɔw coo le, n veelu lɛnin ɲɛ naa n cɔw a laba-o aa hala naa le. Kani nɔm tuinun vííyo iɲíí ni.›

Yeremi 17:14

Mɛlɛka, singi ya mì sengu, ciindiaa ya mì cinda, kani biilu nɔmndo co ya o sondo lɔ́ɔ́-lɔ́ɔ̀.

Esai 6:10

Siinguu kɔlta vannda ha kɔlta bii isɔɔ le lan, baŋul nda nilan mà kumbu nda hɔltan kpáŋ, yɔŋii nda cɔ a hɔlta ndalan, yɔŋii nda tuei a nila ndalan, ma bii bila a kɔlta ndalan, haliko a mangalan mà sɔla siongɔɔ le.»

Sakari 14:8

O palɛi ken, mɛmma soonndan ma vanin fulaa Yerusalɛm. Matiŋ ma vanin kɔlan a ba mɛmma ihɛlma co a ba paalen le can-ndo-an, mì matiŋ ma va kɔlan a ba mɛmma ihɛlma co a kpengii paalen le del-lo-an. Lende ɲɔɔ vanin tosanndo vɔɔlen a sialten ni.