Dɛnnda cɔɔmuanndan 22:18 - BII BILA

¹⁸ Ya Nsaŋ, i kanalan vana-vana tuei pɛ sɔɛi Hala dimi hee, mí i sɛvan o sɛbɔɔ ho nin-nde: Te vanndo handu pɛ ɲɛ-ɲɛ lecoo, Hala handunin vana kon dɛnnda palaala sɛvan o sɛbɔɔ ho nin-ndan coo.

Dɛnnda cɔɔmuanndan 22:18 Referans Kwoze

Tɔŋ miingua 4:2

La handu ɲɛ-ɲɛ o ɲɛ ya pɛɛku niaa-o coo le, la faŋa ɲɛ-ɲɛ lecoo le. La bii tɔŋnda Mɛlɛka Hala niaa, la ya co niaa tɛɛngullo lan.

Talelan 30:6

Handu ɲɛ-ɲɛ o sɔɔn ndɔn coo le, yɔŋii o soo nɔm mò ce nɔm vana lacòòvaa.

Dɛnnda cɔɔmuanndan 1:3

Dɛnɛ kɛndɔɔ co le vana co sɛbɔɔ ho dimio-o, a le vanaa co sɔɔn fula mun Hala o ba, mì n va n sɛvaa o sɛbɔɔ ho nin-ndon tueyɔɔ ma va mun biyɔɔ-a. Kani telenndo sɔɔnguu kpɛɛlun.

Dɛnnda cɔɔmuanndan 22:7

Mí Yeesu dimi aa: «Yaŋ nilan, i co hunɔɔ sunsun! Dɛnɛ kɛndɔɔ co le vanaa co sɔɔn Hala-n co o sɛbɔɔ ho nin-ndon biyɔɔ balan tan tiɔn-nda!»

Tɔŋ lasálàá 26:18

A kon kpede te la tui ya diom te, i vangalanin sangala niaalan bɛmbɛ leŋɔmmɛw le hakila niaalan.

Tɔŋ lasálàá 26:28

ya bɛɛ, i simulnin niaa a kɔltuwvo, mì cɔɔlu sangala niaalan vangala bɛmbɛ leŋɔmmɛw le hakila niaalan.

Dɛnnda cɔɔmuanndan 15:1

O kon mí ca tɔɔmasele celen o halataala, o va o bɔɔ, ɲɛ kɔndɔfili bɛndoo pila o va ni, mɛlɛkaa nda ŋɔmmɛw aa nɔ dɛnnda palaalan tan ŋɔmmɛw o laba, lan la co la mɛɛlaalan ni, kani a lan kɔltuw Hala-o mɛɛlunin ni.

1Tesalonikea 4:6

Vana-vana pílàn puapilɛ ndɔɔ tana le, vana-vana tɛɛmbuu puapilɛ ndɔɔ labɛɛ o sɔɛi he nin te. Maa mɛɛ naa n dimul niaa sɔɛi ken kpéŋ-kpéŋ yɛ, Mɛlɛka tuisinin vannda sangaa coo le hakila vaa lende.

Matie 15:13

Mó muli aa: «Yɔm oo yɔm Fuɲa ni co o halataala-o tol te, ndu sungunnin.

Dɛnnda cɔɔmuanndan 22:16

Ya Yeesu, i vim niaa mɛlɛkanɔ nuu le niaa sɔɔn mun cɔmndo kundala vanaa laalannda tɛɛn. Ya co pulun David-on ni, o polale ndɔlen coo ya fula ni, ya co loei tenga idii-ye ni.»

Dɛnnda cɔɔmuanndan 19:20

Má bii visi kon a vana-tɛɛngaa-diom hala lacòòva tosa ndu dɛnnda kaamaalan o hɔl-lo. A dɛnnda kaamaala lan vana-tɛɛngaa-diom hala kon luei vanaa sɔla pondale visi kon-nda a vanaa baŋ vulan tuula ndɔɔ o hɔl-la o pɔwlan nin ni. Mí visi kon a vana-tɛɛngaa-diom hala kon viawnun o dala leyinndo nin, nɛɛ fungoo co ŋɔu-va.

Dɛnnda cɔɔmuanndan 15:6

Mí mɛlɛkaa ŋɔmmɛvaa dɛnnda palaala ŋɔmmɛwlan la va o laba-a fula o cɛi kon nin, kolala keesela diandaala few-fewlan la va nda lekɔɔ, a yavii n'sianiei nda o latakpa.

Dɛnnda cɔɔmuanndan 3:14

«Sɛval mɛlɛkanɔ vanaa laalannda Laodisee aa: ‹Ɲɛ Amiina, sei lo o lediom coo-o, o co sei toɲaa-o, o ɲɛm Hala soli-on cɔwnun o ba-o dimi-o co hoo ni aa:

Efɛsea 4:17

Lelan, ɲɛ ya co niaa dimul mì tiiyal niaa o Maalii nin-ndo co hoo ni: la va lɛ kelaa maa vanaa sínà Hala le-a le, a del yiyannda yɔngu nda ɲɛ-ɲɛ le lan kɔɔli-a pɛɛn,

Tɔŋ lasálàá 26:37

Hali mì vana ve nda tovɔɔ le, a boŋinin o nda pila vellaa-velle mɛɛ vana ɲaalun mɔɛi cɔvii yaamɔɔ nuaa yɛ. A nɔlanin yaamɔaa ndaa simullo le.

Dɛnnda cɔɔmuanndan 20:15

Vana-vana diola ndɔlan la ve lasɛvaa o sɛbɛ cindaa nin te, má viaw nda o dala leyin kon nin.

Dɛnnda cɔɔmuanndan 20:10

Má viaw masa ɲinaa vɔɔnda, ó va kon vannda lueiyo o pɔwlan nin-ndo o dala leyinndo nin, nɛɛ fungoo va ŋɔu-va, nɛɛ visio a vana-tɛɛngaa-diom hala lacòòvaa va-a. Lon nda vanin yɛɛvɔɔ dɔwnɔnndo paalen a ɲumndan le fɛɛn a fɛɛn ni.

Dɛnnda cɔɔmuanndan 22:9

Kɛ mó dimul-la aa: «Tosa lende le! Caan nɔm niaa co baala pilɔɔ tosaa-o ya co ni, caaŋoo puapilɛa nɔmnda, vanaa-tɛɛngaa-diom Hala-a pɛɛn, a vanaa co sɔɔn sɛbɔɔ ho biyɔɔ-a. Hala n bɛnda le vulan baŋɔɔ o labɛngunin ni.»

Dɛnnda cɔɔmuanndan 22:10

O kon mó dimul-la aa: «Viaŋ sɔɔn Hala cɔm nɔm mun, mí n va o sɛbɔɔ ho nin-ndon te. Kani telenndo cuu nin sɔɔnguu.