Dɛnnda cɔɔmuanndan 22:17 - BII BILA

¹⁷ Mí Kɔl Hala-o a lanɔɔ Saa téndóó va dimio aa: «Hun!». Vana tuei pɛ ndu bɛɛ veelu aa: «Hun!». Vana kolɔɔ bii pɛ, o hun. Vana yeema pɛ, o hun kɔndu mɛmma yooman, o co a vɔngu le.

Dɛnnda cɔɔmuanndan 22:17 Referans Kwoze

Nsaŋ 4:14

kɛ vana kol pɛ mɛmma ya co ndu yɔngu-an, kolɔɔ bii lɛnin ndu lɔ́ɔ́-lɔ́ɔ̀ le. Mɛmma ya co ndu man yɔngu-an ma siŋnunnin pee-lebollo ndu nin, mì mɛmma ndɔan ma kɔɛ háá o cinda fɛɛn-fɛɛndo nin.»

Dɛnnda cɔɔmuanndan 21:6

Mó dimul-la vɛlɛ aa: «I cuu tosan, ya co vana tasoo a vana mɛɛlaa ni, kandɔnndo a mɛɛlulan pɛɛn. Vana kolɔɔ bii pɛ, i kenin ndu soon mɛmma yoomaa, o venin a vɔngu le.

Nsaŋ 7:37

O paale mɛɛlaalen, paale bɛndule kafolen, mí Yeesu can isisi, mó deŋi aa: «Vana kolɔɔ bii pɛ, o hun o ya lo mo kol.

Esai 12:3

La kɔandunin mɛnndan a kɔlkɛndɔɔ o soonnda cindaalan nin.

Nsaŋ 4:10

Mí Yeesu mulul ndu aa: «Te nɔm óò sina pɛ ke Hala-o, a vana co nɔm hoo dimullo aa: ‹Ke ya mɛnndan mì kol›-lo, nɔm va ndu mɛmma kolan piɛi ni, mì ndóò ke nɔm mɛmma yɔngu vana cindaa-an.»

Condii lisai 34:8

Mɛlɛkanɔ Hala-o co isisi vanaa nɔ siòòŋii Mɛlɛka-e-a ikɛi, ndu baŋa nda o dɛnɛ vɔɔndo hɔl-ndɔ ni.

Esai 2:5

Niaa cuavaa Yakɔb-a, la hun mì n kɔɛnnun o ɲɛ-tengaa Mɛlɛka-o nin!

Dɛnnda cɔɔmuanndan 22:1

Mí mɛlɛkanɔɔ cɔm vɛlɛ ya pee mɛmma yoomaa, mɛmma ndɔan ma va madiandaa few maa tofan, o kpɛŋɛ lemasa Hala-o a Saa téndóó-o mɛmma ndɔan ma va fulaa ni.

Dɛnnda cɔɔmuanndan 21:9

O kon mí mɛlɛkanɔɔ pilɛ o mɛlɛkaa ŋɔmmɛvaa ndáà nɔ taalala kólaala ŋɔmmɛwla va lapiaalan a dɛnnda palaala ŋɔmmɛwla mɛɛlaalan-nda hun soaa o ya lo, mó dimi aa: «Hun i cɔm nɔm lanɔ co kɔlan Saa téndóó o ba o nɔu-vo.»

Dɛnnda cɔɔmuanndan 21:2

Mí ca kobi diandaa, Yerusalɛm sɛnɛiyo tolɔɔ fulaa o halataala o Hala lo, o va o bɛɛndiaa mɛɛ nda bɛɛndiaa vanalanɔɔ le ndu yɔɔ o nɔu o pɔnɔ ndɔ lo nuaa yɛ.

Rɔmnda 3:24

Kɛ mí Hala tosal nda kɛndɛi, má sɔla baŋanndo o Yeesu Krista nin, o co a vɔngu le.

Esai 2:3

Vannda súúlan taw a kɔanin ndon taw-taw mà dimi aa: «La hun mì n helnun o pembii Mɛlɛka-e coo! N helnun o Cɛi-Hala Yakɔb-o nin haliko mo pɛɛku naa nɛila ndɔlan, mì n kela o nɛila o cɔmnin naa lan coo. Kani Siɔn tɔŋndo fulanin ni, Yerusalɛm sɔɛi Mɛlɛka-e fulanin ni.

Dɛnnda cɔɔmuanndan 22:16

Ya Yeesu, i vim niaa mɛlɛkanɔ nuu le niaa sɔɔn mun cɔmndo kundala vanaa laalannda tɛɛn. Ya co pulun David-on ni, o polale ndɔlen coo ya fula ni, ya co loei tenga idii-ye ni.»

Dɛnnda cɔɔmuanndan 2:7

Vana nɔ pɛ nilan, mɛɛ ndú tuéi ɲɛ Kɔl-Diandaa co kundala vanaa laalannda dimullo-o. Vana nɔlanin-ndo, i kenin ndu kɔmnde yɔm ciindaa le dioo, yɔm cindaa co o nakɔ Hala-o nin-ndo pɛɛn.›»

Yeremi 50:5

A ɲunanin nɛiyo le kɔlan Siɔn, mà muli hɔlla a ba kon. A hunnin mà yiinun a ya Mɛlɛka, mì kpema fɛɛn a fɛɛn-ndo va naa tɛɛn, o nda pɔɛɛnnin lɔ́ɔ́-lɔ́ɔ̀ loo.

1Korɛntea 2:12

Nduyɛ, naa naa, o co kɔl ceendo ho le naa n sɔla le, kɛ Kɔl fula Hala o ba-o, haliko mi n sínà ɲɛ Hala ke naa fondo fúú-o.

Misee 4:2

Vanaa-mangalaa-isɔaa bɔɔ-bɔɔ a kɔanin ndon, mà dimi aa: ‹La hun mì n helnun o pembii Mɛlɛka-e coo, o Cɛi Hala Yakɔb-o nin, haliko mo kɔ pɛɛku naa sɔɔn ndɔn, mì n kela o nɛila ndɔlan coo.› Kani Siɔn tɔŋndo fulanin ni, Yerusalɛm diom Mɛlɛka-o fulanin ni.

Nsaŋ 4:29

«La hun tofa vɔ langbanɔɔ pum, o cii ya dɛnnda ya tosa lan kpede dimul, o kɛɛ va ndu le co Krista le!»

Esekiɛl 47:1

Mí langbanɔ kon mingi ya vɛlɛ o Cɛi-Hala-o sondoo. Yáà tofaa, mí ca mɛnndan fulaa o kèédei Cɛi-Hala kon bɛngu a ba paalen le can-ndo, kani a ba paalen le can-ndo cɛi kon ndóò muli hɔlla ni. Cɛi-Hala kon o ba kɛndɔɔ coo mɛmma man ma va fulaa ni mí ma va tolɔɔ o fonda-loamaa-lasálàá a ba too kpeekpei.

Nsaŋ 4:11

Mí cuaa mulul ndu aa: «Maalii, a nɔ ɲɛ kɔandaa mamɛn te, nduyɛ soon-kólaa yingila. Kuɛɛ nɔm óò fula yɛnin a mɛmma cindaama man?

Dɛnnda cɔɔmuanndan 7:17

Kani Saa téndé co o kpɛŋɛ lemasaa tɛɛn-ndo nɔnin nda hɔlten coo. O simnin nda laci le nda yɔɔ o soonnda kólaala mɛmma yoomaalan. Hala vɔɔsuunin nda mɛmɛan kpow o lahɔl.»

Dɛnnda cɔɔmuanndan 14:13

O kon mí tuɛi diomndo pum fulaa o halataala aa: «Sɛva aa: ‹Dɛnɛ kɛndɔɔ co kandɔn sisa le vanaa vi o Maalii nin-nda!› Kɔl-Diandaa dimi aa: ‹Dɛnɛ kɛndɔɔ co le nda. A sɔlanin pɛngio le baala nda co-o, kani dɛnnda kɛndɛla nda co tosaa lan ka kɔanin nda kɔɔli ni.›»

Nsaŋ 1:37

Kaandeŋaa ndɔa ŋiɔnda tueyɔɔ ndu diom kon dimio, má del Yeesu kɔɔli.