Dɛnnda cɔɔmuanndan 22:15 - BII BILA

¹⁵ Kɛ nduyɛ vanaa tosaa dɛnnda vɔɔnda, vanaa mangalaa, vanaa tosaa dɛnnda nɔɔlɛiya, vanaa diuvaa n'vannda, vanaa soolaa n'piɔmnda a vana-vana kaola còòlan mo co lan dimio, nda lueinin te few.

Dɛnnda cɔɔmuanndan 22:15 Referans Kwoze

Dɛnnda cɔɔmuanndan 21:8

Kɛ vanaa isiòònda, vanaa laalan te-a, vanaa tosa mààlan-nda, vanaa diw vannda-a, vanaa tosa dɛnnda laasiɛilan-nda, vanaa mangalaa, vanaa soolaa n'piɔmnda a vanaa lacòòvaa kpede, o dala bɛndu leyin fungoo vanin ŋɔu nin-ndo nin fonda ndaa vanin ni, piɔ́m diinndɔɔ co kon ni.»

Filipea 3:2

La mandan a tunaa kan, la mandan a vanaa baalaa vɔɔnda, la mandan a faleŋaa fondoa kan.

Dɛnnda cɔɔmuanndan 21:27

Ɲɛ-ɲɛ nɔɔlɛi lueinin ndon te, vana lamàà a vana lacòòvaa lueinin ndon te, fɔ vanaa diola ndalan la sɛvan o sɛbɛ yoomaa Saa téndóó nin-nda kínɛí.

Kolɔsea 3:6

Dɛnndan vaa lende la tuisì kɔltuw Hala-o vanaa co ndu simullo-a coo ni.

Dɛnnda cɔɔmuanndan 18:23

Vana ci lɛnin ɲɛ-tengaa fitina lon te, diom vana cua lanɔɔ sɛnɛi-yo te kon te vana cal o nɔu sɛnɛi-yo tuinun ndɛnin ndon te. Kani yulaa ndɔa va vanaa bɛndua o lɛŋnden coo ni, mí vanaa-mangalaa-isɔɔa kpow a luɛi o pɔwlan nin a kueile nɔmnden.

Malasi 3:5

I sɔɔnguunin niaa ikɛi le yamɛi kiolɔɔ, i keleŋanin mì kɔ tɛndal vanaa viamaa yavaa a vanaa suundɛiya seilen. I tɛndalnin vanaa mɛɛnian mɛɛniannda fondolan-nda seilen, mì tɛndal vɛlɛ vanaa kɛɛ le sala vanaa baalaa yɔngoo-a seilen. Nda koni kuunan ɲɛm vííya a ɲɛm vanlaandua piandaa ndaa vi-a coo ni. Nda kan koni yii mialla dúmbú le nda palaa ni. A nɔ isiòòn a ya le. Ya Mɛlɛka-Nɔ-Kpaayaa-Kpow-vo dimi lende ni.»

Dɛnnda kiilaa 8:11

Le tùú o va nda kɔndɔfillo dɔvɔɔ a mangaliala ndɔla lan kabi lɔ́ɔ́ levil-lo nda va ndu bɛɛle bɛndu-bɛndu le len keo ni.

Yeremi 5:31

Vanaa-tɛɛngaa-diom Hala-a co sɔɛi o diola hala fondoo, vanaa-solia-lasálàá nda co tɔnɔ ndaa nuwviaa tuŋ. Ɲɛ hɛnan yɛ vanaa niaa-o co kon ni. Kɛ nduyɛ o mɛɛlulan, vɛɛ niaa yɔŋ yɛnin?›»

Esai 57:3

Kɛ niaa, la sɔɔnguu nanu, niaa cuavaa kueiya, niaa vanaa suundɛiyaa co suunda leyulaa-a pɛɛn.

Matie 8:12

Kɛ mà viow vanáà bɛnda le masalen loo kɛɔ-va o ɲumndan nin o bɛ́ɛ̀, nɛɛ vannda vanin caŋndan a ciŋndon sɔmndo-a.»

Esai 47:12

La lo o mangalala niaalan coo a o kueile niaale bɛndu-bɛndulen nin. Le kueile len a mangalala lan niaa co baalaa tosaa kabi o felengiyɛi niɛi nin ni, bɔɔle la sɔlanin tɔnɔɔ lenin, bɔɔle la siŋnunnin kpúlúnkùmaa lenin.

Esai 47:9

Kɛ kpundɛla sala tiɔnnda lan la toalnin niaa coo o lepilɔɔ o paale pilɛlen nin, mì la vii cuawva, mì la vii vɛlɛ vanaa niaa co o nɔ̀lan-nda. Hali la nɔ bɛɛ kueilen, mì la caa mangalaa taw, kpundɛla lan la toalnin niaa coo cili.

1Masaa 22:8

Mí masa Israɛlla mulul ndu aa: «Vana-tɛɛngaa-diom Hala-o pum co nanu le Mɛlɛka ɲunaa, kɛ i yeema ndu le, kani o dimul-la sɔɔn kɛndɛ lɔ́ɔ́-lɔ́ɔ̀ le, fɔ sɔɔn vɔɔnndon kínɛí, Misee po Yimla-o pɛɛn.» Kɛ mí Yosafat deŋul ndu aa: «Masa suu nuaa le!»

Nsaŋ 8:46

O niaa tɛɛn, nɛ̀ɛ́ cɔm yɛ ya maa i tosa hakio? Te toɲaa ya co yɛ dimio ni, le yɛɛ niaa co yɛ niko ya kɛɔ laalanndo?

Tɔŋ miingua 23:18

«Suunda leyulaa bɛnda mò va cuavaa laandua Israɛlla tɛɛn te, o bɛnda vɛlɛ mo va poaa Israɛlla tɛɛn te.

Talelan 7:27

Nɛiyo le kɔlan ciee-piɔ́m cɛi ndɔɔ co ni, nɛi yaa vana piɔ́m di-o calta ndɔlan la co ni.»

Talelan 12:22

Vanaa lacòòvaa nɛinun bɔɔ Mɛlɛka. Vanaa toɲaa hɛnan ndu ni.

Matie 7:6

La ke tunnda ɲɛm diandan te, yɔŋii nda mulin ma kisikisi niaa. La vuulu pewva ɲɛm niaan báà kalan te, yɔŋii nda nɛw mun.»

1Timote 1:10

le vanaa tosaa dɛnnda nɔɔlɛiya a vanaa co laasianndo-a, le vanaa co yulale n'cɛlen-nda, le vanaa co còòlan dimio-a, le vanaa co mɛɛniannda lacòòvalan-nda a le vanaa-vanaa co pɛɛku toɲaa simullo.