Dɛnnda cɔɔmuanndan 22:14 - BII BILA

¹⁴ Dɛnɛ kɛndɔɔ co le vanaa co domala ndala bɛndulan tɔ́ɔ́-a. A sɔlanin dio le kɔmnde yɔm yoomaa sɔlaa, o kon mà kei o diola kobio le luɛyɔɔ lenin.

Dɛnnda cɔɔmuanndan 22:14 Referans Kwoze

Dɛnnda cɔɔmuanndan 21:27

Ɲɛ-ɲɛ nɔɔlɛi lueinin ndon te, vana lamàà a vana lacòòvaa lueinin ndon te, fɔ vanaa diola ndalan la sɛvan o sɛbɛ yoomaa Saa téndóó nin-nda kínɛí.

1Nsaŋ 5:3

Kani Hala kaolaa co sɔɔn ndɔn biyɔɔ ni. Nduyɛ tɔŋnda ndɔlan la lusul te,

Dɛnnda cɔɔmuanndan 22:7

Mí Yeesu dimi aa: «Yaŋ nilan, i co hunɔɔ sunsun! Dɛnɛ kɛndɔɔ co le vanaa co sɔɔn Hala-n co o sɛbɔɔ ho nin-ndon biyɔɔ balan tan tiɔn-nda!»

1Nsaŋ 3:3

Vana-vana kɛsi pɛ ndu kɔllo coo, ndu díndin, maa mɛɛ Krista pila co o diandaa yɛ.

Nsaŋ 14:15

«Te la kaola ya pɛ, mɛɛ la biinin sɔɔn ya co niaa dimullo-on,

Dɛnnda cɔɔmuanndan 2:7

Vana nɔ pɛ nilan, mɛɛ ndú tuéi ɲɛ Kɔl-Diandaa co kundala vanaa laalannda dimullo-o. Vana nɔlanin-ndo, i kenin ndu kɔmnde yɔm ciindaa le dioo, yɔm cindaa co o nakɔ Hala-o nin-ndo pɛɛn.›»

1Korɛntea 7:19

Vana dii tooma, vana dii tooma le, kon co ɲɛ-ɲɛ le, tɔŋnda Hala lan biyɔɔ co bollen ni.

Dɛnnda cɔɔmuanndan 22:2

Yɔm yoomaa va o falii kobio tɛɛn a o kɔngɔla tiɔnnda pee kon coo, tɔ́ a lediin yɔm kon koam ni, ipaangu oo ipaangu o kom lepilɛ. A pei yɔm kon vanaa-mangalaa-isɔɔa sɔ̀la siongɔɔ ni.

Nsaŋ 10:7

Mí Yeesu dimul nda vɛlɛ aa: «I co niaa toɲaa dimul kpendekele, ya co Dio-n'saa ni.

Nsaŋ 10:9

Ya, dioo ya co ni, te vanndo kei pɛ o ya nin, mò luɛi, ndu sɔla cindaa. O luɛinin, mò fula, mò saalun nɛɛ diaa kɛndɛa.

Condii lisai 112:1

La lisa Mɛlɛka. Dɛnɛ kɛndɔɔ co le vana nɔ siòòŋii Mɛlɛka-e-o, o dɔawnun ɲaale taw o tɔŋnda ndɔlan biyɔɔ nin-ndo!

Dɛnnda cɔɔmuanndan 7:14

Mí mulul ndu aa: «Vana bɛndoo, a sina válán.» Mó dimul-la aa: «Vanaa kei o yɛle tolaale bɛndulen nin-nda co kan ni. A cii domala ndala bɛndulan tɔɔ, má dindi lan o kooma Saa téndóó nin.

Kalatea 5:6

Kani le vana co o Yeesu Krista nin-ndo, o co falenyɛi te kon te kɔ̀ndélen te o ca ɲɛ sɔvɛ le, kɛ laalan viam vana dɛnndan tosaa a kaolaa-o.

Dɛnnda cɔɔmuanndan 21:12

O va o kpaki vilɛi-vilɛi bɛndoo pum nin. Ndóò nɔ diola luɛyaalan tɔ́ a latiɔn, a mɛlɛkaa tɔ́ a à ŋiɔn o diola luɛyaala lan coo. Diolan lapum la va lasɛvaalan lecoo, diola polama tɔ́ a mamiɔmma cuavaa Israɛl-la.

1Korɛntea 9:5

Vɛ̀ɛ̀ i nɔ dí mì hin a vanalanɔ laalanndo pum, mò va laa nuu maa mɛɛ kiilaa tɔ̀a, a puapilɛa Maalii-a, a puapilɛa Sefas-a a co tosaa yɛ le?

1Korɛntea 8:9

Kɛ nduyɛ, la caa taw, yɔŋii hɔ́ɔ́yɛi niɛi niaa co dɛnndan tosaa-e i luei vanaa nɔ mayoomu o laalanndo nin te-a o pɔwlan nin.

Nsaŋ 14:6

Mí Yeesu dimul ndu aa: «Ya co nɛiyo, toɲaa a cindaa ni. Vana-vana kue o Pua lo le, te o co mò kei a ya le.

Nsaŋ 4:12

Mò va maa nɔm hiow Yakɔb fuɲa naa mama ke naa soon-kólaa ho-o ni? Ndu pila kol sindɛ mɛmma soondo ho nda poaa ndɔa a cɔlua ndɔa.»

Daniɛl 12:12

Dɛnɛ kɛndɔɔ co le vana kon, vana lonin lecoo mò bii kpáŋ mì palɛi tiiya vàá pilɛ kɛmɛ leyáá beleyaa a iŋuɛɛnu-o.

O Kandɔɔ 2:9

Mó soli yɔmnde súúlan kpow o nakɔ kon nin, í naŋ o tofaa mi ì yeela o dioo-e. Mó soli yɔm cindaa o nakɔɔ tɛɛn déŋ, mó soli vɛlɛ yɔm tosa mì vana siná dɛnɛ kɛndɔɔ a dɛnɛ vɔɔndo-o.

O Kandɔɔ 3:22

Mó dimi aa: «Mɛɛ vanacieo siŋnun maa naa le dɛnɛ kɛndɔɔ a dɛnɛ vɔɔndo sinaa yɛ, naa bɛɛ n kùùnan ndu le tiiyaa o yɔm cindaa. Kani te o de pɛ kɔmnde yɔm kon, o co vannɔn yoomu le fɛɛn a fɛɛn.»

Fulaa 19:10

Mí Mɛlɛka dimul Moise aa: «Kɔ ma kɔ dimul Israɛlla aa a bɛnda mà dindin kandɔɔ hau háá siɔdii, mà tɔ́ɔ́ vɛlɛ volɔɔla ndala cuɛinanndan.

Condii lisai 118:20

La tofa vɔ diola luɛyaala Mɛlɛka lan, lon vanaa sandaa luɛi ni.