Dɛnnda cɔɔmuanndan 22:12 - BII BILA

¹² Tofa vɔ, i co hunɔɔ sunsun, i co hunɔɔ a vɔ̀ngɔ̀la nilan, le vana-vana mingullo mɛɛ dɛnnda ndɔlan la co yɛ.

Dɛnnda cɔɔmuanndan 22:12 Referans Kwoze

Matie 16:27

Kani Po vanacieo co hunɔ̀ɔ̀ o biilu Fuɲa ndɔ-o nin a mɛlɛkaa ndɔa, o kon o dɔawnin vana-vana vɔ́ngɔ̀ mɛɛ dɛnnda ndɔlan la co yɛ.

Esai 62:11

La tuei-yɔ Mɛlɛka, o co sɔɛi he yondaa háá nɛɛ lɛŋnden le mɛɛlu-a aa: «La dimul vannda Siɔn aa ‹La tofa vɔ vana ciindiaa niaa hunɔɔ. Salaa co ndu o ba, vɔ̀ngɔ̀ ndɔɔ co ndu laci.

Esai 40:10

La tofa vɔ, Maalii Hala co hunɔɔ a kpaayaa, ba ndɔɔ co vanabɛnduyɛi ndɔɛi cɔmndo, la tofa vɔ ndu hunɔɔ a sala ndɔɔ o ba, vɔ̀ngɔ̀la ndɔlan la co ndu laci.

1Korɛntea 3:14

Vana baŋɔɔ ndɔɔ lo pɛ o cɛi nda kila-o coo, mò simul yinnden, mɛɛ vana baŋ o cɛi-kilaa kon coo-o sɔlanin vɔ̀ngɔ̀ɔ́.

1Korɛntea 3:8

Kpen-kpen vana tɔl-lo nda vana pɔɔlia-o co ni, Hala dɔawnin vana-vana vɔ́ngɔ̀ mɛɛ baala ndɔɔ co yɛ.

Dɛnnda cɔɔmuanndan 22:7

Mí Yeesu dimi aa: «Yaŋ nilan, i co hunɔɔ sunsun! Dɛnɛ kɛndɔɔ co le vanaa co sɔɔn Hala-n co o sɛbɔɔ ho nin-ndon biyɔɔ balan tan tiɔn-nda!»

Rɔmnda 14:12

O kon vana-vana o naa tɛɛn dɔawnunnin kona o Hala lo le ndu pila.

Dɛnnda cɔɔmuanndan 11:18

Vanaa-mangalaa-isɔɔa ndáà cɛn a yolɛi, mì kɔltuw nɔmndo cɔmnun, mì telenndo tiiya le yamɛi vanvílɛ́iya kiolɔɔ, le vanaa baalaa nɔmnda, vanaa-tɛɛngaa-diom Hala-a, vanaa diandaa a vanaa vo diola nɔmndan-nda, cuaambɔa a kaasonnda salaa, le vanaa co lɛŋnden tɛɛmbuuo-a tɛɛmbuuo.»

Dɛnnda cɔɔmuanndan 20:12

Mí ca vanvílɛ́iya, kaasonnda a cuaambɔa, a va isisi o kpɛŋɛ lemasaa hɔl-ndɔ. Mí sɛbɛlan la kumbin, mí sɛbɛ celen kumbin, sɛbɛ cindaa va kon ni. Mí yamɛi vanvílɛ́iya kiolu, maa mɛɛ sɔɔn va n sɛvaa o sɛbɛla lan nin-ndon va yɛ, maa mɛɛ dɛnnda vana-vana la va yɛ.

Dɛnnda cɔɔmuanndan 22:20

Vana cɔm maa toɲaa sɔɔn mun co ni-o dimi aa: «A toɲa, i co hunɔɔ sunsun!» Amiina! Hun, Maalii Yeesu!

Sofoni 1:14

«La tofa vɔ! Paale bɛndule len le co le tiiyaa. Paale Mɛlɛka len le co nin kpɛɛlun. Vana tuɛinin somisominndo a caŋndo o paale Mɛlɛka len coo. Kuubaa hiow cɔwvo caa-a bɛɛ a koŋulnin.

SƐBƐ YƆB-O 34:11

Mɛɛ vanacieo tosa dɛnndan yɛ, lende o sala ndu ni, mɛɛ vana-vana kela yɛ, lende o mingul ndu ni.

Condii lisai 28:4

Mingul nda mɛɛ kela ndaa co yɛ, bii nda mɛɛ dɛnnda nda vɔɔnndan la co yɛ. A toɲa, tosal nda mɛɛ dɛnnda ndalan la co yɛ, ma mingul nda ɲɛ nda tosa-o.

Yeremi 17:10

Mí ya Mɛlɛka dimi aa: Ya co vana ca o kɔllo nin di-o ni, i sina yiyannda viannannda co o kɔltan nin-ndan. Le hee, i tiwba mi bii vana-vana mɛɛ kela ndɔɔ co yɛ, mɛɛ dɛnnda vana-vana la co yɛ.

Dɛnnda cɔɔmuanndan 2:23

I tuisinin cuavaa ndɔa piɔ́mndo coo. O kon, kundala vanaa laalannda kpow a sinanin maa ya co vana yaasiaa yiyanndan a kɔltan-ndo ni. I mingulnin vana-vana o niaa tɛɛn mɛɛ dɛnnda ndɔlan la co yɛ.

Dɛnnda cɔɔmuanndan 3:11

I co hunɔɔ sunsun. Bii ɲɛ n nɔ-o kpáŋ, haliko vana cua mɔsil lemasa nɔmndo le.