Dɛnnda cɔɔmuanndan 22:11 - BII BILA

¹¹ Vana vɔɔndo ndu hiow laci a dɛnɛ vɔɔndo tosaa tuŋ, mì vana co o nɔɔlɛiyo-o hiow laci a nɔɔlianndo, mì vana sandaa hiow laci a sandei, mì vana diandaa ndu hiow laci a dindinndo.

Dɛnnda cɔɔmuanndan 22:11 Referans Kwoze

Daniɛl 12:10

Vannda taw a tɔaanunnin, mà siŋnun a humbu, mà dendu mɛɛ yinnden le dindi ɲɔɔ yɛ. Vanaa kɔlvesɛiya biinin ɲɛ-ɲɛ bila le, a vanin hiovɔɔ laci a yɔŋ vɔɔndo tosaa. Kɛ vanaa hiow kɔlkaloo-a biinin bila.

Talelan 4:18

Maa ɲɛ-tengaa vavonndo nɛila vanaa sandaa la co ni. Ɲɛ-tengaa ndaa lo tengaa háá a paale kalalen.

Esekiɛl 3:27

Kɛ telen ya soaanin o nɔm ndo-o, i kumbinin nɔm sondoo, haliko ma dimul nda aa: «Lende Maalii Hala soo ni!» Vana yeemanin le nilan yaŋɔɔ-o ndu yaŋ nilan. Vana vownin sondo le, mɛɛ ndu meinun, kani vanaa nila kalua nda co súú ni.

2Timote 3:13

Kɛ vanaa vɔɔnda a vanaa leyalaa hiawnin laci a dɛnɛ vɔɔndo tosaa, a huinin caanda, mì caanda bɛɛ a hui nda.

Matie 15:14

Lelan la mɛi nda lon, vanaa sumɛyaa co kɔlan a vanaa sumɛyaa celen-nda nda co ni. Te vana sumɛiyo see yɛ pɛ vana sumɛiyo tindaa, nda ŋiɔn kpow a kɔ del o soondo nin.»

Matie 5:6

Dɛnɛ kɛndɔɔ co le vanaa yeemɛi bii le dɛnɛ sandaa mɛɛ yiaan a kolɔɔ bii vana nuaa yɛ-a, kani a pumnin.

SƐBƐ YƆB-O 17:9

Vana lo o lediom coo-o sim yili o nɛi ndɔɔ coo, vanaa nɔ bala diandaalan-nda cɔɔlunin yoomuan sɔlaa.

Yude 1:24

Biiloo co le Vana nɔla niaa kandaa la del too, haliko mi la hun fula ndu o hɔl a ɲaaloo, la sɔla yaalaa loo,

Matie 25:10

Telen nda va kon kɔlan man piondɔɔ-o, mí vana lanɔ sɛnɛiyo tiiya. Mí felengia ŋuɛɛnua va a bɛɛndiannda-a luɛi nda ndaa latulu o ciɛi kafo liilaa lanɔ sɛnɛi kon nin, mí vannda kinda dioo.

Talelan 14:32

Dɛnɛ vɔɔn vana kɔlvesɛiyo tosa-o tɛɛmbuu ndu ni, kɛ vana sandaa ndu nɔ kɔlkɛsiaa hali o piɔ́mndo hɔl-ndɔ.

Efɛsea 5:27

Kani ndu pila ndóò yeema mì ndóò ce kunda vanaa laalannda o diandaa, o biilu ndɔ bɛndoo nin, o ve a isɔw le, o ve a sɔŋ te, o ve o ɲɔfɔliaa le, te kon te tambii súú oo súù.

Matie 21:19

Mó ca voosu tumndo o nɛiyo lekɔɔ, mó sɔɔnguu, kɛ o komal ɲɛ-ɲɛ lecoo le, fɔ pei daama. O kon mó dimul ndu aa: «Nɔm a kum-ndɛ fɛɛn a fɛɛn te!» Fɔ́ɔ́fɔ̀, mí voosu kon vesa.

Condii lisai 81:12

Kɛ niaa yungu nuu, la tui ya diom te, Israɛlla yeema ya le.

Nsaŋ 8:21

Mí Yeesu dimul nda vɛlɛ aa: «I co lakɔnnɔn mì la koma nuwviaa ya, mì la vi o haki niaa nin. La nɔla kɔlan nɛɛ ya co kɔlan-nda le.»

Dɛnnda cɔɔmuanndan 16:21

Mí loeon bɛndu-bɛndon can o halataala, mí n deli vanndacieea coo. Mí vannda va sɔɔn tanan dimio a Hala le kpundɛ loeon deliaa kon, kani sangaa pila nda sɔla o dɛnɛ kon nin ni.

Vana Kɔlkaloo 11:3

Yumbuyumboo pɛ̀ pɛ a mɛnndan, piɔɔ tol o lɛŋnden coo. Nɛɛ-nɛɛ yɔmndo del pɛ, o va a ba too, o va a ba luaŋ-ndo, fonda o del coo-o, lon o lo ihini ni.

Dɛnnda cɔɔmuanndan 22:3

Danga ve lɛnin te. Kpɛŋɛ lemasa Hala-o nda Saa téndóó vanin o kobio nin. Vanaa ndɔa baalaa biilunin ndu.

Kolɔsea 1:22

Kɛ nihau, o piɔ́m Po ndɔɔ sɔla o falon nin-ndo kɔɔli Hala mingi bɛndaa niaa ndaa tɛɛn ni, haliko mi la fula Hala o hɔl a sɛyannda a ɲɛm celen, a diandaa, la nɔ́ sɔŋ te.

Matie 5:45

O kon, la vanin cuavaa fuɲa niaa co o halataala-o-a. Kani o soli paalen le vanaa vɔɔnda a le vanaa kɛndɛa, mó tuisi piɔɔ le vanaa sandaa a le vanaa sendu le-a.