Dɛnnda cɔɔmuanndan 22:10 - BII BILA

¹⁰ O kon mó dimul-la aa: «Viaŋ sɔɔn Hala cɔm nɔm mun, mí n va o sɛbɔɔ ho nin-ndon te. Kani telenndo cuu nin sɔɔnguu.

Dɛnnda cɔɔmuanndan 22:10 Referans Kwoze

Daniɛl 8:26

Vundule n ce o telenndan, icɔl a idii, coo len, toɲaa le co ni. Kɛ nɔm, vion vundule len kpíŋ o kɔl nɔmndo nin, dimul vana-vana le. Kani telen ndɔɔ bandu vɔ taw.›

Dɛnnda cɔɔmuanndan 1:3

Dɛnɛ kɛndɔɔ co le vana co sɛbɔɔ ho dimio-o, a le vanaa co sɔɔn fula mun Hala o ba, mì n va n sɛvaa o sɛbɔɔ ho nin-ndon tueyɔɔ ma va mun biyɔɔ-a. Kani telenndo sɔɔnguu kpɛɛlun.

1Piɛr 4:7

Mɛɛlula ɲɛ-ɲɛ la co nin kpɛɛlun. Lelan, la kiondu kɔltan mì la va lahɔl le piɛilen.

Dɛnnda cɔɔmuanndan 10:4

Mɛɛ taŋma ŋɔmmɛwma man ma deŋi, i va le ɲɛ ma dimi-o sɛvaa, kɛ mí tuɛi diomndo pum dimio o halataala aa: «Mandan sɔɔn taŋndan man ma dimi-on o kɔl, sɛva mun te.»

Matie 10:27

O ya co niaa dimullo o ɲumndan nin-ndo, la dimi ndu ipala déŋ. O niaa co tueinɔnndo o lani ɲiimu-ɲiimu-o, la yonda ndu o cɛilan coo.

Daniɛl 12:9

Mó mulul-la aa: ‹Daniɛl, kɔ! Sɔɔn mun n lonin n'viannanndon háá o telen mɛɛlaa.

Daniɛl 12:4

Nɔm Daniɛl-lɛ, mandan sɔɔn mun o kɔl kpíŋ mà kinda sɛbɔɔ, mà yikpa ndu kpiliki háá o palɛi mɛɛlɛi. Vannda taw a pɛɛkunin ndu, mì dɛnɛ nda sinaa kui taw.»

Esekiɛl 12:23

Le hee dimul nda aa: ‹Nuaa Maalii Hala dimi ni aa i ɲumi tale kon, vana dimi lɛnin ndu Israɛl te!» Dimul nda aa palɛi tiiya, vunduan kpow ma co peelɔn.

Rɔmnda 13:12

Ɲumndan ma co cuvɔɔ, ɲɔɔ co le tengaa. Lelan n malnun dɛnnda maɲumndan, mì n cuannun volɔɔla cɔwla ɲɛ-tengaalan.

Dɛnnda cɔɔmuanndan 22:16

Ya Yeesu, i vim niaa mɛlɛkanɔ nuu le niaa sɔɔn mun cɔmndo kundala vanaa laalannda tɛɛn. Ya co pulun David-on ni, o polale ndɔlen coo ya fula ni, ya co loei tenga idii-ye ni.»

Dɛnnda cɔɔmuanndan 5:1

O kon kɔɔli, mí ca vana va icali o kpɛŋɛ lemasaa coo-o sɛbɔɔ pum o ba kɛndɔɔ, sɛbɛ kalaa va o sɛvaa lenin a o kɔɔ, o va o kindaa a tɔɔmaselelan tan ŋɔmmɛw.

2Tesalonikea 2:3

La cɛ̀l mì vana-vana hui niaa o nɛi oo nɛi coo le. Kani fɔ mì vannda kɛɛ laalanndo malan paale len le tiiya. O kon mì vana tɛɛmbua fula, o bɛnda le lou o ɲánndávàà-o pɛɛn.

Esai 13:6

Lelan la ŋɔɔcian! Kani paale Mɛlɛka len le co le tiiyaa. Paale len le co hunɔɔ maa kpundɛ. Mɛlɛka Vana-Kpaayaa-Kpow tuisinin len lende ni.

Esai 8:16

Bii sɔɔn mun ma manda dɛnnda cɔɔmuanndan ndan vanaa co kaandeŋaa niaa-a tɛɛn.

Dɛnnda cɔɔmuanndan 22:20

Vana cɔm maa toɲaa sɔɔn mun co ni-o dimi aa: «A toɲa, i co hunɔɔ sunsun!» Amiina! Hun, Maalii Yeesu!

Rɔmnda 13:11

La cua sɔɛi he bala tiɔn mì la sina maa telen naa n co hoo-o, telen niaa bɛnda le tiondɔɔ o lɔan-ndo tiiya, kani sunsun cindaa sɔɔnguu niaa macɛlu hiovɔɔ telen naa n laalan-ndo.

Dɛnnda cɔɔmuanndan 1:11

mo va ya dimullo aa: ‹Sɛva ɲɛ n co cɔw-vo o sɛbɔɔ nin, mà yoo kundala ŋɔmmɛwlan ndan: Efɛs, Smirne, Pɛrkam, Tiatir, Sarde, Filadɛlfii a Laodisee.›

Dɛnnda cɔɔmuanndan 22:7

Mí Yeesu dimi aa: «Yaŋ nilan, i co hunɔɔ sunsun! Dɛnɛ kɛndɔɔ co le vanaa co sɔɔn Hala-n co o sɛbɔɔ ho nin-ndon biyɔɔ balan tan tiɔn-nda!»

Dɛnnda cɔɔmuanndan 22:9

Kɛ mó dimul-la aa: «Tosa lende le! Caan nɔm niaa co baala pilɔɔ tosaa-o ya co ni, caaŋoo puapilɛa nɔmnda, vanaa-tɛɛngaa-diom Hala-a pɛɛn, a vanaa co sɔɔn sɛbɔɔ ho biyɔɔ-a. Hala n bɛnda le vulan baŋɔɔ o labɛngunin ni.»

Dɛnnda cɔɔmuanndan 22:18

Ya Nsaŋ, i kanalan vana-vana tuei pɛ sɔɛi Hala dimi hee, mí i sɛvan o sɛbɔɔ ho nin-nde: Te vanndo handu pɛ ɲɛ-ɲɛ lecoo, Hala handunin vana kon dɛnnda palaala sɛvan o sɛbɔɔ ho nin-ndan coo.