Dɛnnda cɔɔmuanndan 21:8 - BII BILA

⁸ Kɛ vanaa isiòònda, vanaa laalan te-a, vanaa tosa mààlan-nda, vanaa diw vannda-a, vanaa tosa dɛnnda laasiɛilan-nda, vanaa mangalaa, vanaa soolaa n'piɔmnda a vanaa lacòòvaa kpede, o dala bɛndu leyin fungoo vanin ŋɔu nin-ndo nin fonda ndaa vanin ni, piɔ́m diinndɔɔ co kon ni.»

Dɛnnda cɔɔmuanndan 21:8 Referans Kwoze

Dɛnnda cɔɔmuanndan 2:11

Vana nɔ pɛ nilan, mɛɛ ndú tuéi ɲɛ mɛlɛkanɔɔ co vanaa laalannda dimullo-o. Piɔ́m diinndɔɔ pilannin vana nɔlanin-ndo le.›»

Dɛnnda cɔɔmuanndan 22:15

Kɛ nduyɛ vanaa tosaa dɛnnda vɔɔnda, vanaa mangalaa, vanaa tosaa dɛnnda nɔɔlɛiya, vanaa diuvaa n'vannda, vanaa soolaa n'piɔmnda a vana-vana kaola còòlan mo co lan dimio, nda lueinin te few.

Talelan 19:9

Sei lacòòvaa lonin lende mò kɛɛ sangaa sɔla le. Vana dimia lacòòvaa tambunin.

1Nsaŋ 3:15

Vana-vana nɔ pɛ nɛyɔn puapilɛ ndɔɔ, mɛɛ ndu vana diuvaa n'vanndo o co ni, la sínà yɛ maa vana diuvaa n'van kɛ́-kɛ̀ nɔ yoomu fɛɛn-fɛɛndo ndu nin te.

Malasi 3:5

I sɔɔnguunin niaa ikɛi le yamɛi kiolɔɔ, i keleŋanin mì kɔ tɛndal vanaa viamaa yavaa a vanaa suundɛiya seilen. I tɛndalnin vanaa mɛɛnian mɛɛniannda fondolan-nda seilen, mì tɛndal vɛlɛ vanaa kɛɛ le sala vanaa baalaa yɔngoo-a seilen. Nda koni kuunan ɲɛm vííya a ɲɛm vanlaandua piandaa ndaa vi-a coo ni. Nda kan koni yii mialla dúmbú le nda palaa ni. A nɔ isiòòn a ya le. Ya Mɛlɛka-Nɔ-Kpaayaa-Kpow-vo dimi lende ni.»

Dɛnnda cɔɔmuanndan 19:20

Má bii visi kon a vana-tɛɛngaa-diom hala lacòòva tosa ndu dɛnnda kaamaalan o hɔl-lo. A dɛnnda kaamaala lan vana-tɛɛngaa-diom hala kon luei vanaa sɔla pondale visi kon-nda a vanaa baŋ vulan tuula ndɔɔ o hɔl-la o pɔwlan nin ni. Mí visi kon a vana-tɛɛngaa-diom hala kon viawnun o dala leyinndo nin, nɛɛ fungoo co ŋɔu-va.

Hebreea 13:4

Vannda kpede bɛnda mà ke nɔu bɛɛlen, mì vanaa co o nɔ̀u nin-nda, vana-vana lo o lediom coo a vanndo pilɔɔ vellaa-velle. Kani Hala kialunin yamɛi vanaa laasiannda a vanaa suundaa.

1Timote 4:2

A delnin vanaa muuluannda a vanaa lacòòvaa kɔɔli, mà laasian. Vanaa kan yɛ, yiyannda ndalan la co maa mɛɛ ciliŋii tuwve i tɛɛmbuu ɲɔɔ nuaa yɛ.

Matie 8:26

Mó dimul nda aa: «Le yɛɛ niaa co yɛ a siòònde? Laalan niaa dɔɔnan dɛ!» O kon, mó can, mó kpaa hoeiye a mɛnndan, mí ɲɔɔ mei o lepilɔɔ doŋ.

Dɛnnda cɔɔmuanndan 9:21

A mangalan mà mal vanndacieea diwvo le, a mel kueilen fulaa le, a mel laasian ndaa a vuile nda va tosaa len te.

Nsaŋ 8:44

Masa ɲinaa vɔɔnda co fuɲa nia ni, nduyɛ hɛnan fuɲa niaa-o niaa yeema tosaa ni. Kabi o tasendɔ, vana diuvaa n'vanndo o yɔŋnun ni, o sim lɔ́ɔ́-lɔ́ɔ̀ o toɲaa coo le, kani toɲa co ndu nin te. O va pɛ keiyo còòlan dimio, ken vil vana celen te, kani vana lacòòvaa a fuɲaa còòlan o co ni.

Matie 10:28

La vò vanaa dii diallon kɛ a nɔla kɔllo diyɔɔ le-a le. Kɛ o niaa vo-o co Vana tosà mì kɔllo a diallon kɔɛ o ɲánndávàà-o ni.

Talelan 19:5

Sei lacòòvaa lonin lende mò kɛɛ sangaa sɔla le. Vana dimia lacòòvaa bɛɛ helunnin sanga kelun le ndu-o le.

Tɔŋ miingua 20:8

O kon, vanaa bɛndua kan cɔɔlu vɛlɛ vanaa cɔwva ɲuna aa: ‹Vɛ̀ɛ̀ vana pum co niaa tɛɛn o nɔ siòònde-o, o vesa lahɔl too? Vana kon muungu o ndu lo, yɔŋii o soli puapilɛa ndɔa yoomuan mɛɛ ndu fula yoomuan yɛ.›

1Nsaŋ 2:22

Nɛ̀ɛ́ co yɛ vana lacòòvaa, o faŋan pɛ o vana co sɛɛngiaa maa Yeesu co Krista loo kɔɔli? Ndu co yaamɔɔ Krista-o ni, o kɛɛ Poo a Fuɲaa-o pɛɛn.

Esai 9:15

Vanaa co vanaa Hala-a simndan laci-a co nda lueiyo o pɔwlan nin, vanaa co yɛ cɛlɔɔ mi vannda va nda simndan laci-a co nda pila laasianndo.

1Nsaŋ 5:10

Vana laalan pɛ Po Hala-o, ndu nɔ seile len ndu o kɔl. Vana laalan yɛ Hala le, mɛɛ o siinguu ndu vana lacòòvaa, kani o kɛɛ seile Hala co tɛndaa a Po ndɔɔ o kɔɔ len laalanndo.

Esai 57:11

Nɛ̀ɛ́-nɛ̀ va yɛ niaa vueinɔnndo? A Nɛ̀ɛ́ niaa va yɛ siòònde yɔŋndo, mí la va còòlan dimio, la ve vɛlɛ loonɔn a ya o kɔɔ le. La ve yiyan o dɛnɛ nuu coo le? Vɛ̀ɛ̀ le mɛɛ ya co o meiyo nin kabi lɔ́ɔ́ levil lɛ niaa kɛɛ le siòòŋii nii nɔu ni?

Masaa kialaa n'yamaa 7:3

Lelan, yondal nda sɔɛi he, ma dimul nda maa vana-vana simul kɔl te, ndu faŋan o pembei Kalaad ikɛi few, mò muungu o ndu lo.» Mí vannda vaalan bidiin a latiɔn a muungu o la nda lo, má lo vaalan tɔ́.

Dɛnnda cɔɔmuanndan 2:2

‹I sínà dɛnnda nɔmndan, baala nɔmndo a biuvɔn nɔmndo. I sínà maa a cɛl vanaa vɔɔnda le. A soli vanaa co nda pila veelɔnndo aa kilaa kɛ nduyɛ a co n'kiila le kɔlɔ, mà ca maa vanaa lacòòvaa nda co ni.

Esai 51:12

Ya ni, ya co niaa ɲɔɔloo ni! Nɛ̀ɛ́-nɛ̀ nɔm co yɛ? Le yɛɛ nɛ n co yɛ siòònde yɔŋndo a vanaciee co vuo nɛ? Le yɛɛ n co yɛ siòònde a pulun Adam-ndon? Maa bil daama dɛnɛ vanacieo co ni.

2Tesalonikea 2:9

Vana kɔlvesɛiyo hunnin a kpaaya Setana-o, mò tosa dɛnnda kpaayala súú-súù ka, kaamaalan a kɔndɔfilta lacòòvalan.

Hebreea 12:24

Mí la sɔɔnguu Yeesu ikɛi, o co kpema sɛnɛiyo a kooma ndɔma fasaŋan-ndan tɛɛn-ndo, má co sɔɛi hiovɔɔ kooma Abɛl-lan coo-an.

Tite 1:16

Vanaa kan a tiwba mà dimi maa a sínà Hala, kɛ mà kɛɛ ndu o dɛnnda ndalan nin. A nɛinun bɔɔ vannda, vanaa nila kalua nda co ni, a tiwba dɛnɛ kɛndɛ kɛ́-kɛ̀ tosaa le.

Dɛnnda cɔɔmuanndan 9:17

O kon mí ca soa a vanaa va lecoo-a. Ndáà nɔ domala cɔwla siaŋalan maa leyin, la yinɔɔ makaalan a la co layinaalan maa kolo mayéndi lan-ndan. Bolii soa va maa bolii n'yàlà, ɲɛ va nda fulaa o sodo-o va yinnden, kumnde a fungoo ni.

Dɛnnda cɔɔmuanndan 14:10

ndu bɛɛ kolnin mɔima kɔltuwma Hala-an, ma nda bingulan te-an, má vow man o taala kólaa kɔltuw ndɔɔ nin. O dɔawnunnin yɛɛvɛ o fungu leyinndo nin mɛlɛkaa diandaa a saa téndóó o hɔl.

Dɛnnda cɔɔmuanndan 21:27

Ɲɛ-ɲɛ nɔɔlɛi lueinin ndon te, vana lamàà a vana lacòòvaa lueinin ndon te, fɔ vanaa diola ndalan la sɛvan o sɛbɛ yoomaa Saa téndóó nin-nda kínɛí.

Matie 25:25

Siòònde bii ya ni, mí kɔ vian sianin nɔmndon lɛŋ. Má cè mun! Bii ɲɛ co le nɔm-ndo.›

Marke 9:44

[Lon ndu, dɛlua vanin nda dioo-a vinin te, yinnde nda vanin nin-nden le ɲumnin te].