Dɛnnda cɔɔmuanndan 21:5 - BII BILA

⁵ O kon mí vana va icali o kpɛŋɛ lemasaa coo-o dimi aa: «I co ɲɔɔn kpow mingi n'sɛnɛi.» O kon mó dimi aa: «Sɛva sɔɔn mun, kani sɔɔn vana bɛnda le laalanndo-on a sɔɔn toɲan n co ni.»

Dɛnnda cɔɔmuanndan 21:5 Referans Kwoze

2Korɛntea 5:17

Te vanndo va pɛ o Krista nin, vana kon siŋnun vana sɛnɛi. Vanacieeyɛi ndɔɛi paanduei i hiow, vanacieeyɛi sɛnɛiye muungu.

Esai 42:9

Tofa vɔ, sɔɔn tason peelun, n sɛnɛiyon ya co vɛlɛ niaa dimullo nuaa ni. Tuma pá mì dɛnnda lan la hun tiiya, i co niaa pɔɔ dimul maa la hun yɔŋnunnin.

Esai 43:19

La tofa vɔ, i co hunɔɔ ɲɛ sɛnɛiyo pum tosa, ɲɛ kon co nin le tosan. Vɛ̀ɛ̀ la co ɲɛ kon sina le? I co hunɔɔ nɛi bɛndoo busa o lɛŋnde veselɛilen nin, mì soli peela bɛndulan o fondala vesɛila kékélélan nin.

Dɛnnda cɔɔmuanndan 19:9

Mí mɛlɛkanɔɔ dimul-la aa: «Sɛva aa: ‹Dɛnɛ kɛndɔɔ co le nda, vanaa sɔla veeloo le ɲɛdiaa kafo yiyaa nɔ Saa téndóó-a.› O kon mó dimul-la aa: ‹Sɔɔn toɲan Hala-on co mun ni.›»

Dɛnnda cɔɔmuanndan 22:6

Mí mɛlɛkanɔ kon dimul-la aa: «Sɔɔn vana bɛnda le laalanndo-on a sɔɔn toɲan sɔɔn mun co ni. Mɛlɛka, o nɔ kɔlta vanaa-tɛɛngaa-diom Hala-a o ba-o vem mɛlɛkanɔ ndɔɔ le vanaa ndɔa baalaa ɲɛ yɔŋnunnin nanu a telen bingi-o cɔmndo.»

Dɛnnda cɔɔmuanndan 20:11

O kon mí ca kpɛŋɛ lemasa bɛndu humboo pum a vana va icali lenin-ndo. Mí lɛŋnden a halataalaa ɲaanun ndu, má kɔannun polon, vanaa ci lɛ foofo ndaa le.

Dɛnnda cɔɔmuanndan 4:2

Fɔ́ɔ́fɔ̀, mí Kɔl-Diandaa cua ya. Kpɛŋɛ lemasaa va o halataala, vanndo va icali o kpɛŋɛ kalaa nin.

Dɛnnda cɔɔmuanndan 4:9

Telen oo telen ɲaa yoomaa kan va pɛ vana co icali o kpɛŋɛ lemasaa coo-o, o co kon yoomu le fɛɛn a fɛɛn-ndo biiloo, ma va ndu bɛɛlen keo a ndu balikaa mello,

Dɛnnda cɔɔmuanndan 1:19

Lelan sɛva ɲɛ n ce-o, o n co cɔu-vo a ɲɛ hun yɔŋnunnin o kon kɔɔli-o.

Dɛnnda cɔɔmuanndan 1:11

mo va ya dimullo aa: ‹Sɛva ɲɛ n co cɔw-vo o sɛbɔɔ nin, mà yoo kundala ŋɔmmɛwlan ndan: Efɛs, Smirne, Pɛrkam, Tiatir, Sarde, Filadɛlfii a Laodisee.›

Dɛnnda cɔɔmuanndan 5:1

O kon kɔɔli, mí ca vana va icali o kpɛŋɛ lemasaa coo-o sɛbɔɔ pum o ba kɛndɔɔ, sɛbɛ kalaa va o sɛvaa lenin a o kɔɔ, o va o kindaa a tɔɔmaselelan tan ŋɔmmɛw.

Hebreea 12:27

Dimi kon lende aa: «vɛlɛ» kon co dimio ni maa ɲɛm cɔwnun-ndon, n nɔla tambeiyon, mun hiawnin. O kon mì ɲɛm nɔla itambu loon mun lo.

Dɛnnda cɔɔmuanndan 22:19

Te vanndo faŋa yɛ pɛ ɲɛ-ɲɛ o sɔɔn Hala dimi mun mì n va n sɛvaa o sɛbɔɔ ho nin-ndon coo, Hala faŋanin kulun yɔm yoomaa vana kon a tɔnɔ o nɔ o kobi diandaa nin-ndo lecoo, yɔm yoomaa a kobi diandaa sɔɛi ndɔɛi sɛvan o sɛbɔɔ ho nin-ndo pɛɛn.

Luke 5:38

Kɛ o bɔlɔla yáwla sɛnɛilan nin vana vow man ni.