Dɛnnda cɔɔmuanndan 21:24 - BII BILA

²⁴ O ɲɛ-tengaa ndɔɔ vanaa-mangalaa-isɔɔa vanin kelaa ni, mì masaa co o lɛŋnden coo-a hin a sul ndaa lon.

Dɛnnda cɔɔmuanndan 21:24 Referans Kwoze

Dɛnnda cɔɔmuanndan 22:2

Yɔm yoomaa va o falii kobio tɛɛn a o kɔngɔla tiɔnnda pee kon coo, tɔ́ a lediin yɔm kon koam ni, ipaangu oo ipaangu o kom lepilɛ. A pei yɔm kon vanaa-mangalaa-isɔɔa sɔ̀la siongɔɔ ni.

Dɛnnda cɔɔmuanndan 21:26

A vanin hunɔɔ lon a sul vanaa-mangalaa-isɔɔa a á bɛɛle ndalen.

Sakari 2:11

Niaa vannda Siɔn sei, niaa co icali Babilɔn ciee-a, la ɲaanun mì la faŋan ndon cɔ́-cɔ́!

Esai 66:18

Kani ya, i sina dɛnnda ndalan a yiyannda ndalan. Telenndo tiiya le vanaa-mangalaa-isɔɔa a vannda súúlan kpede cuungiaa. A hunnin nanu mà ce biilu nuu.

Esai 60:16

A vɔɛinin mɛɛma vanaa-mangalaa-isɔɔa, a vɔɛinin vɛlɛ mɛɛma masaa, a sinanin o kon maa ya co Mɛlɛka ni, vana ciindiaa nɔmndo a vana baŋaa nɔmndo, vana kpaayaa Yakɔb-o pɛɛn:

Esai 55:5

Tofa vɔ: a veelunin vanaa-mangalaa-isɔɔa n sina le-a. Vanaa-mangalaa-isɔɔa sina nɔm te-a hunnin o nɔm ndo a kiltan bilika-bilika, le Mɛlɛka, Hala nɔmndo, O-Diandaa Israɛlla pɛɛn, o co nɔm bɛɛlen yɔngoo-o.

Esai 52:15

Lende koni o dindinin vanaa-mangalaa-isɔɔa taw o nda vesullo ni. Masaa nɔnin mɛɛ dimia ndu o hɔl te, kani a canin ɲɛ ndóò dimul nda loo, a biinin ɲɛ ndáà tui-yɔ loo bila.

Rɔmnda 15:16

haliko mi va vana baala Yeesu Krista-o vanaa co n'yuif le-a tɛɛn. Kɛndɛi yɔngun ya le vannda Yoongu kɛndɔɔ tiiyallo, haliko mi vanaa co n'yuif le-a siŋnun sálà hɛnan Hala-o, sálà Kɔl-Diandaa dindi-o.

Condii lisai 22:27

Vanaa bala fondoa dianin mà pim, vanaa co Mɛlɛka nuwviaa-a sangalanin ndu. Màá la viow yoomu!

Rɔmnda 15:26

Kani vanaa laalannda Maseduan a haa Akaii a dimi le malaa biyɔɔ, le vanaa bala fondoa co vanaa laalannda tɛɛn Yerusalɛm-nda mala kon yɔŋndo.

Yeremi 4:2

Taa mɛnan pɛ aa: «Le Mɛlɛka yoomaa», mò va mɛnan toɲaa, sandei a dɛnɛ sandaa, o kon vanaa-mangalaa-isɔɔa sɔlanin duaa ya o ba, mà lisan o ya nin.

Esai 2:2

Ɲɔɔ yɔŋnunnin o palɛi co hunɔɔ siɔdii laci-e nin, mì pembii Cɛi-Mɛlɛka-o co coo-e sim o pembun bɛndon kpow bollen, mì i bandu háá mì i hiow pembun pɔmbɔn. O kon, vanaa-mangalaa-isɔɔa kɔanin ndon sɛ́lɛ́ bɛndoo taw.

Esai 60:13

Naŋɔɔ Liban-ndo hunnin o nɔm ndo, yɔmii siprɛs, ɔrme a buis hunnin kpow, le nɛɛ cɛi-kola-toandaa diandaa nuu co-a nɛŋio. Nduyɛ, i siinguunin fonda pelun nun co coo-o fonda biilaa.

Esai 55:10

Piɔɔ a mɛmma n'kpungban ma cɛn pɛ coocoo mi ma tol, ma muungu fúú le fɔ mi ma pɔɔliaa lɛŋnden, mi ma yɔwviaa len, mi ma tosa mi tɔlɔɔlan la vil lecoo. Fɔ mi ma yɔngu vana saŋaa kɔmnde ɲɛ o saŋ-ndo, mi ma yɔngu vana co dioo-o ɲɛdiaa.

Esai 2:5

Niaa cuavaa Yakɔb-a, la hun mì n kɔɛnnun o ɲɛ-tengaa Mɛlɛka-o nin!

Tɔŋ miingua 32:43

Niaa vanaa-mangalaa-isɔaa, la tem vanaa ndɔa balan a ɲaaloo. Niaa halaa kpow, la baŋ vulan Hala o labɛngunin. Kani Mɛlɛka co màá mingi le vanaa ndɔa baalaa nda diw-va. O tuisin yaamɔaa ndɔa sanga bɛnda a nda-o coo, o salanin vanaa nɔ nɛyɔn ndɔɔ-a. Kɛ o tosa faleŋii dindiannde le lɛŋnde ndɔlen a le vanaa ndɔa ni›».

Esai 49:23

Masaa vanin vanaa dɔavaa baloa nɔmnda ni, cuavaa ndaa laandua vanin vanaa mandaa n'cuavaa nɔmnda ni, a baŋnin vulan nɔm o labɛngunin mà deli a kuumbuan o kɔl coo nɔm o labɛngunin. A deembuunin cundu vanin nɔm o n'pelu-o. O kon nɔm pila sinanin maa ya co Mɛlɛka ni, maa siɛmbula biinin vanaa tiindan ya-a le.