Dɛnnda cɔɔmuanndan 21:23 - BII BILA

²³ Kobi kalaa ndóò nɔ mako a lepaa te kon te a ipaangu le tengaa le, kani biilu Hala-o va ndu teengiaa, Saa téndóó va fitina ndɔɔ ni.

Dɛnnda cɔɔmuanndan 21:23 Referans Kwoze

Dɛnnda cɔɔmuanndan 22:5

Ɲumma ve lɛnin te, a nɔ lɛnin mako a ɲɛ-tengaa fitina le, a nɔ lɛnin mako a ɲɛ-tengaa lepaa le, kani Mɛlɛka Hala teengiaanin nda ni, mà tosa masalen le fɛɛn a fɛɛn.

Dɛnnda cɔɔmuanndan 21:11

O va volio a biilu Hala-o, o va volio vanáà ca ko aa pow báà kala bɛndoo ni, yaspe, o co maa tofan-ndo.

Nsaŋ 1:9

Ɲɛ-tengaa kpeekpeiyo o va ni, le vanndacieea kpow teengiaa o hin o ceendo coo ni.

Esai 24:23

Siɛmbulan la biinin paangei, paalen le tambunin labɛɛ, kani Mɛlɛka-Nɔ-Kpaayaa-Kpow-vo tosanin masalen o pembei Siɔn coo a o kobio Yerusalɛm coo. O tosanin mi biilu ndɔɔ va tengaa kaasoŋaa kɔlkalua ndɔa coo.

Dɛnnda cɔɔmuanndan 18:1

O kon kɔɔli, mí ca mɛlɛkanɔ celen tolɔɔ fulaa o halataala, ndóò nɔ kpaaya lemasaa taw, mí lɛŋnden le tenga a biilu ndɔɔ.

Luke 2:32

ndu co ɲɛ-tengaa cɔmnin vannda kpow sɔɛi nɔmnde-o ni, ndu vanin vɛlɛ biiloo le Israɛlla ni, vanaa nɔmnda.»

Dɛnnda cɔɔmuanndan 21:25

Niinoo kpɛŋ vana kindanin diola kobi kalaa le, kani ɲumma venin te.

Nsaŋ 5:23

haliko mi vannda kpow a biilu Poo mɛɛ nda co Fuɲaa biiloo yɛ. Vana biilu Poo le, mɛɛ o biilu Fuɲa vem ndu-o le.»

Nsaŋ 1:18

Vana-vana ci vɔ Hala le, Hala Po pilɔɔ, o co o Fuɲaa nin-ndo, ndu cɔm vana ndu ni.

Nsaŋ 1:14

Mí Sɔɛi siŋnun falon, mí i va naa tɛɛn. I co i piaa a kɛndɛi a á toɲaa. Mí n mɛɛndan biilu ndɔɔ, biilu ndɔ kon co maa o Po pilɔɔ sɔla fulaa Fuɲa ndɔ o ba-o.

Nsaŋ 1:4

O ndi nin yoomoo co ni, yoomu kon co ɲɛ-tengaa le vanndacieea ni.

Habakuk 3:3

Hala co fulaa Teman mò va hunɔɔ. O-Diandaa co fulaa o pembei Paran coo mò va hunɔɔ. Bɔɔbɔɔyɛi ndɔɛi tiw o halataala sɔ́ mí lɛŋnden le pia a biilu ndɔɔ.

Dɛnnda kiilaa 22:11

Mɛɛ pangele bɛndu kon suumiaa ya, mí vanaa va ya kɔɔli-a bii ya baa, má kɔa a ya Damas.

Marke 8:38

Kani vana tosa pɛ siɛmbulan le ya a le sɔɔn nun dimio vanndacieea co haa vaalio ho tɛɛn, a sina haa Hala le-a, a co haa hakilan tosaa-a, Po vanacieo bɛɛ tosanin siɛmbulan a vana kon telen o hunnin o biilu Fuɲa ndɔ-o nin a mɛlɛkaa ndɔa diandaa-o.»

Matie 16:27

Kani Po vanacieo co hunɔ̀ɔ̀ o biilu Fuɲa ndɔ-o nin a mɛlɛkaa ndɔa, o kon o dɔawnin vana-vana vɔ́ngɔ̀ mɛɛ dɛnnda ndɔlan la co yɛ.

Nsaŋ 17:24

Pua, i yeema mì vanaa n ke ya-a bɛɛ va naa ndaa latulu nɛɛ ya co-a, haliko ma mɛɛndian biilu nuu, o n ke ya-o pɛɛn, kani lɔ́ɔ́ pá mì ceendo cɔawnun, nɔm óò kaola nin ya.

Esai 2:21

Mì nda pila luɛi o tɛɛngun powta kpovalan nin a o tɛɛngun lapowvon nin, yɔŋii kɔltuw Mɛlɛka-o a ɲɛ-tengaa vanin fulaa o vanabɛnduyɛi ndɔɛi nin-ndo tol nda coo telen Mɛlɛka cannin le lɛŋnden vueinɔnndo-o!

Esai 2:19

Paale Mɛlɛka cannin le lɛŋnden vueinɔnndo len, ɲɛ-tengaa bɛndoo vanin fulaa o vanabɛnduyɛi ndɔɛi nin. Paale len, vannda luɛinin o buulula powta kpowa lan nin, mì a tiŋ luɛi o lɛŋnden bɛngu a siòònde.

Esai 2:10

La luɛi o powta kpovalan bɛngu, la vionnun o lɛŋnden bɛngu, yɔŋii kɔltuw Mɛlɛka-o a ɲɛ-tengaa ŋuanndi-ŋuanndi co fulaa o vanabɛnduyɛi ndɔɛi nin-ndo tol niaa coo!

Condii lisai 84:11

Paalen ten pilɛ tosaa o cɛi nɔmndo nin co fisa a palɛi vàá pilɛ tosaa nɛɛ celen. Éé Hala, o co fisa mì va vana mandaa cɛi nɔmndo a calle o cɛila-kolala-toandaala vanaa yɔŋ vɔɔnda ha nin.

Esai 30:26

Ɲɛ-tengaa ipaangoo vanin diondɔɔ maa ɲɛ-tengaa lepala. Kɛ ɲɛ-tengaa lepalaa ndu cɔɔlunin diondɔɔ bɛmbɛ leŋɔmmɛw hiovɔɔ o paandoo coo. O diandunin mɛɛ vana cuungiaa ɲɛ-tengaa lepala diandu palɛi ndii ŋɔmmɛw-vo nɛɛ pilɛ nuaa yɛ. Kon tosannin telen Mɛlɛka holnin paw vanaa ndɔa mò singi pavii o soli nda o n'dial a lɔɔ-e o.

Dɛnnda cɔɔmuanndan 5:6

O kon mí ca saa téndóó isisi o ɲɛ-calaa lemasaa, ɲaa yoomaa hiɔɔlua a bɛndua yuuvɛiya tɛɛn, vanáà ce ndu pɛ aa bololan ndáà kelu ndu ni. Ndóò nɔ leelan tan ŋɔmmɛw a hɔltan tan ŋɔmmɛw, lan la va kɔlta ŋɔmmɛwla Hala lan ni, la o vem o lɛŋnden kpow coo lan.

Dɛnnda cɔɔmuanndan 7:17

Kani Saa téndé co o kpɛŋɛ lemasaa tɛɛn-ndo nɔnin nda hɔlten coo. O simnin nda laci le nda yɔɔ o soonnda kólaala mɛmma yoomaalan. Hala vɔɔsuunin nda mɛmɛan kpow o lahɔl.»

Dɛnnda cɔɔmuanndan 14:4

Nda yɔŋnun vanaa nɔɔlian a vanlaandua le-a ni, kani a síná dɛnɛ vanalanɔ le. A co kɔlan Saa téndóó kɔɔli nɛɛ-nɛɛ ka-a. Kan sɔla baŋaa vanndacieea tɛɛn ni, nda yɔŋnun vanaa tasea le hɛlio sɔlaa le Hala a le Saa téndóó ni.