Dɛnnda cɔɔmuanndan 21:22 - BII BILA

²² I ci Cɛi-Hala o kobi kalaa nin te, kani Mɛlɛka Hala nɔ kpaayaa kpow-vo a Saa téndóó va Cɛi-Hala ndɔɔ ni.

Dɛnnda cɔɔmuanndan 21:22 Referans Kwoze

Nsaŋ 4:23

Kɛ telen co tiiya, o cuu yɛ nin bɛɛ tiiya, mì vanaa biilaa kpeekpeiya biilu Pua o kɔllo a o toɲaa nin, kani vanaa biilaa vaa lende Pua co nuwviaa ni.

2Dɛnnda lemasalan 2:6

Lelan, vim ya vana caa sianion, volion, daɲan a cilinndon baalaa-o, o caa kolala keeselan yinɔɔ siaŋaa vólotótoo, yinɔɔ siaŋaa sɔɔtɔtɔɔ a yinɔɔ makaa-o, mò caa vɛlɛ tuuliaalan kɛmikɛmiaa-o, haliko mo tosa baalaa nda langbaa nia caa baalaa-a latulu, á co ya ikɛi Yerusalɛm o tàndá Yuda-o nin-nda, a David fuɲa ni ndóò hɛli-a pɛɛn.

1Masaa 8:27

Kɛ nduyɛ, vɛ̀ɛ̀ Hala nɔla pá calle o lɛŋnden coo? Tofa vɔ mɛɛ halataalaa pɛngɛlan mó tiw tɛngɛ̀-tɛngɛ̀ yɛ, a kon kpow Hala sul o halataala le, o co vɔ le sulɔɔ o Cɛile ya tengul ndu len-nden nin te!

Dɛnnda cɔɔmuanndan 1:8

Maalii, Hala-Nɔ-Kpaayaa-Kpow-vo dimi aa: «Ya co Alfa a Omeka ni, vana co-o, ó va-o a o co hunɔɔ-o.»

Dɛnnda cɔɔmuanndan 16:7

O kon mí tuɛi diomndo fulaa o fonda-loamaa-lasálàá aa: «Oi, Mɛlɛka Hala Vana-Kpaayaa-Kpow, toɲaa yaman nɔmndon co ni, n sandu.»

Dɛnnda cɔɔmuanndan 5:6

O kon mí ca saa téndóó isisi o ɲɛ-calaa lemasaa, ɲaa yoomaa hiɔɔlua a bɛndua yuuvɛiya tɛɛn, vanáà ce ndu pɛ aa bololan ndáà kelu ndu ni. Ndóò nɔ leelan tan ŋɔmmɛw a hɔltan tan ŋɔmmɛw, lan la va kɔlta ŋɔmmɛwla Hala lan ni, la o vem o lɛŋnden kpow coo lan.

Kolɔsea 2:9

Kani ɲɛ-ɲɛ co o Hala nin, mí kon cua diallon Krista-on, nduyɛ o co ndu nin o peelan ca.

Nsaŋ 4:21

Mí Yeesu dimul ndu aa: «Vuɛɛndo laalan ya, telenndo co tiiya, la biilu lɛnin Pua o pembei he coo te kon te Yerusalɛm te.

Esai 66:1

Nuaa Mɛlɛka dimi ni aa: «Halataalaa co kpɛŋɛ ni lemasaa ni, lɛŋnden le co ɲɛ ni kɛsiaa n'peloo ni. Cɛi súú yɛɛ nɛ niaa nɔla yɛnin ya tengullo? Fonda nɛ va yɛnin fonda ni pɛngiaa kpeekpei?

Dɛnnda cɔɔmuanndan 15:3

A va condii Moise vana baala Hala-o a condii saa téndóó solio aa: «Mɛlɛka Hala nɔ kpaayaa kpow-vo, dɛnnda nɔmndan la co dɛnnda kɔndɔfilta bɛndu, nɔm Masa vanaa-mangalaa-isɔɔa, tuula nɔmndan la sandu, la co toɲa!

Dɛnnda cɔɔmuanndan 11:17

Má va dimio aa: «N mel nɔm balika, Mɛlɛka Hala nɔ kpaayaa kpow-vo, nɔm co-o, nɔm va-o, le tùú n cɛn a kpaaya nɔm bɛndoo, má cua masalen-ndo.

Dɛnnda cɔɔmuanndan 4:8

Ɲaa yoomaa hiɔɔlua kan kpow, o kɛ́-kɛ̀ ndóò nɔ kumbanndan tan ŋɔmpum, nda kpow ndáà nɔ hɔltan lativaa nda lekɔɔ sɔ́. Paalen a ɲumndan a ve pɛngi dimio le aa: «O-Diandaa, O-Diandaa, O-Diandaa Mɛlɛka Hala, Vana-Kpaayaa-Kpow co ni, o va-o, o co-o a o co hunɔɔ-o.»

Kolɔsea 1:19

Kani mí ɲɔɔ hɛnan Hala le vaa o peelanndo o Po ndɔɔ nin,

Nsaŋ 10:30

Naa Pua, ɲɔɔ ndu pilɛ kpé naa n co ni.»

2Dɛnnda lemasalan 6:18

Kɛ vɛ̀ɛ̀ Hala tiw yɛnin ba le calle lekɛ́ndɛi nda vanndacieea o lɛŋnden coo? Tofa vɔ mɛɛ halataala co o bɔɔ yɛ, kɛ hali a kon kpede nɔm Hala, a nɔla sulɔɔ lon te. Vɛɛ n tiw yɛnin ba sulɔɔ o cɛile pɔmbɔle ya tangul len-nden nin?

Dɛnnda cɔɔmuanndan 19:15

Mɔɛi cɔvii luɛyɛi va fulaa ndu o sondo le vanaa-mangalaa-isɔɔa diwvo a ndi. O tosanin nda masalen coo a sionnde icilinnden, mó vayia rɛsɛnndon o doola kɔltuw bɛndu Hala, Vana-Kpaayaa-Kpow-vo nin.

Dɛnnda cɔɔmuanndan 16:14

Ɲinaa vɔɔŋaa tosa dɛnnda kɔndɔfiltan-nda co kan ni, a co kɔlan o masaa co o lɛŋnden kpow coo-a lo, haliko ma mɔɔsiaa nda le cɔlɔbaa o paale bɛndule Vana-kpaayaa-Kpow len coo.

Matie 24:2

Kɛ mó dimul nda aa: «La ce mɛɛ o co kpede yɛ le? I co niaa toɲaa dimul, powvo pilɛ bɛɛ lonin o powvo coo le, la co koombiaa kpow.»

Dɛnnda cɔɔmuanndan 7:15

Lelan nda co o kpɛŋɛ lemasa Hala-o hɔl-ndɔ ni, mà va ndu biiloo paalen a ɲumndan o cɛi ndɔɔ biilaa nin. Vana co o kpɛŋɛ lemasaa nin-ndo co nda cɛi-kola-toandaa ndɔɔ tondɔɔ coo.

Dɛnnda cɔɔmuanndan 7:17

Kani Saa téndé co o kpɛŋɛ lemasaa tɛɛn-ndo nɔnin nda hɔlten coo. O simnin nda laci le nda yɔɔ o soonnda kólaala mɛmma yoomaalan. Hala vɔɔsuunin nda mɛmɛan kpow o lahɔl.»

Dɛnnda cɔɔmuanndan 14:4

Nda yɔŋnun vanaa nɔɔlian a vanlaandua le-a ni, kani a síná dɛnɛ vanalanɔ le. A co kɔlan Saa téndóó kɔɔli nɛɛ-nɛɛ ka-a. Kan sɔla baŋaa vanndacieea tɛɛn ni, nda yɔŋnun vanaa tasea le hɛlio sɔlaa le Hala a le Saa téndóó ni.

Nsaŋ 13:32

Ɛ̀ɛ̀ nduyɛ, te biilu Hala-o cɔmnun pɛ o ndu nin, mɛɛ Hala cɔmnin biilu Poo o ndu pila nin, mò cɔm biilu ndɔɔ fɔ́ɔ́fɔ̀,.