Dɛnnda cɔɔmuanndan 21:2 - BII BILA

² Mí ca kobi diandaa, Yerusalɛm sɛnɛiyo tolɔɔ fulaa o halataala o Hala lo, o va o bɛɛndiaa mɛɛ nda bɛɛndiaa vanalanɔɔ le ndu yɔɔ o nɔu o pɔnɔ ndɔ lo nuaa yɛ.

Dɛnnda cɔɔmuanndan 21:2 Referans Kwoze

Hebreea 11:10

Kani Abraham va cumndo le kɔlan o kobi nda caa kila ɲɛkɛndɛi-yo nin, o Hala pila tuu mó tangul-lo.

Dɛnnda cɔɔmuanndan 3:12

Vana nɔlanin-ndo, i siinguunin ndu sungbulen o Cɛi-Hala nuu nin, o fula lɛnin lɔ́ɔ́-lɔ́ɔ̀ le. I sɛvanin diola Hala nuu a diola kobi Hala nuu, Yerusalɛm sɛnɛi co fula o halataala o Hala nuu lo-o a diola nila sɛnɛilan ndu coo.

Dɛnnda cɔɔmuanndan 21:10

Mó kɔa a ya o kɔllo nin o pembii bɛndui vilɛi-vilɛiye pum coo. Mó cɔm ya Kobi diandaa, Yerusalɛm pɛɛn, o va fulaa coocoo o Hala lo.

Esai 61:10

I dɔawnunnin ɲaale taw o Mɛlɛka nin, yoomu nuu vanin o piaa a kɔlkɛndɔɔ o Hala nuu nin, kani o vow ya volɔɔla cuɛinannda cindaalan mó kuumbuu ya a doma lecoo dɛnɛ sandaa, mɛɛ vana co lanɔɔ cuaa-o vownun mɔsil kɛndɔɔ o lebol nuaa yɛ, mɛɛ vanalanɔ co calle o nɔu-vo vownun kelan kɛndɛ-kɛndɔn nuaa yɛ.

Hebreea 13:14

Kani n nɔ calta fɛɛn-fɛɛn o ceendo coo nanu le, ciee bɛndu co naa laci-o naa n co nuwviaa ni.

Hebreea 12:22

Kɛ mí la sɔɔnguu o pembei Siɔn a o kobi Hala nɔ yoomoo o ba-o ikɛi, Yerusalɛm co o halataala-o, nɛɛ mɛlɛkaa co sɛ́lɛ́ a cuu cɔm te-a co-a.

Dɛnnda cɔɔmuanndan 22:19

Te vanndo faŋa yɛ pɛ ɲɛ-ɲɛ o sɔɔn Hala dimi mun mì n va n sɛvaa o sɛbɔɔ ho nin-ndon coo, Hala faŋanin kulun yɔm yoomaa vana kon a tɔnɔ o nɔ o kobi diandaa nin-ndo lecoo, yɔm yoomaa a kobi diandaa sɔɛi ndɔɛi sɛvan o sɛbɔɔ ho nin-ndo pɛɛn.

2Korɛntea 11:2

I kaola niaa mì va paŋalaa le niaa, Hala o ba kon co fulaa ni. Kani i dɔw niaa fulu le vanapɔnɔɔ ndu pilɛ kpé, Krista pɛɛn, haliko mi la kɔ fula ndu o hɔl maa felengi sina vɔ dɛnɛ vanapɔnɔ loo, o dendu Mɛlɛka o hɔl-lo pɛɛn.

Esai 54:5

Kani vana cɔw nɔmndo ndu co pɔnɔ nɔm ni, diola ndɔlan aa Mɛlɛka-Nɔ-Kpaayaa-Kpow-vo. Vana nɔm baŋaa ndu co O-Diandaa Israɛlla ni. A veelu ndu aa Hala co lɛŋnden kpow bollen-ndo.

Esai 52:1

«Tiondu! Tiondu! Cɔn a mayoomu, nɔm Siɔn! Vownun volɔɔla nɔmnda sɔvɛ-sɔvɛlan, nɔm kobi diandaa Yerusalɛm! Kani kɔ̀ndénɔ piaandu luei lɛnin o nɔm ndo le, vana nɔɔlɛi luei lɛnin o nɔm ndo le.

Esai 62:4

Vana ke lɛnin nɔm ladio aa: «Vana malnanndo» le. Vana veelu lɛnin lɛŋnde nɔmnden aa: «Lɛŋnde siɔŋɛilen» te. Kɛ a veelunin nɔm aa: «Kɔl Mɛlɛka-o», a veelunin lɛŋnde nɔmnden aa: «Vana co o nɔu-vo», kani Mɛlɛka naŋnin kɔl a nɔm, lɛŋnde nɔmnden le calnin o nɔu.

Condii lisai 87:3

Nɔm kobi Hala-o ho sei! Vannda co sɔɔn kɛndɔn dimio a nɔm o kɔɔ aa:

Dɛnnda cɔɔmuanndan 11:2

Kɛ tongo Cɛi-Hala-o ndu, mɛi ndu lende, tuu ndu le, kani ndu yɔngun vanaa-mangalaa-isɔɔa niɛwnin kobi diandaa o paangon belehiɔɔlu a n'miuun bɛngu-a ni.

Dɛnnda cɔɔmuanndan 1:9

«Ya co Nsaŋ ni, puapilɛ niaa co o dɛnɛ palaa pilɔɔ nin, o masale pilɛlen nin a o biuvɔn pilɔɔ nin a niaa o Yeesu nin-ndo. Le sɔɛi Hala-e a le seile Yeesu len, i va o ɲaanɔnndo nin o lɛŋnde co o mɛnndan tɛɛn-nden nin Patmɔs .

Dɛnnda cɔɔmuanndan 1:4

Ya Nsaŋ co vanaa laalaŋaa co o kobila ŋɔmmɛwla co o tàndá Asii-o nin-ndan sɛvallo ni: Màá kɛndɛi a kɔlɲuloo yɔngun niaa fulaa vana co-o, ó va-o a vana co hunɔɔ-o o ba, fulaa kɔlta ŋɔmmɛwla co o kpɛŋɛ ndɔ lemasaa hɔl-ndɔ lan,

Dɛnnda cɔɔmuanndan 1:1

Dɛnnda viannannda cɔmnun Yeesu kpendekele lan la co o sɛbɔɔ ho nin ni. Hala cɔm ndu lan haliko mo cɔm buɛyaa ndɔa dɛnnda co hunɔɔ tosan o telen bingi bɛngu lan. Mí Krista viam mɛlɛkanɔ ndɔɔ o Nsaŋ buɛi ndɔ lo, haliko mo kɔ cɔm ndu lan.

Nsaŋ 3:29

Vana co lanɔɔ cuaa sɛnɛi-yo, le ndu lanɔ sɛnɛi kon co ni. Kɛ te caaŋoo vana co lanɔɔ cuaa sɛnɛi-yo tuei pɛ ndu vana co kon lanɔɔ cuaa-o sɔɛi, ɲɔɔ hɛnan ndu taw. Lende koni ɲaale bɛndoo co ya o kɔl ni.

Yeremi 31:23

O Mɛlɛka-Nɔ-Kpaayaa-Kpow-vo, Hala Israɛl-lo dimi-o co hoo ni aa: «Telen ya minginin tàndá Yuda-o a kobila ndɔlan maa paandu-o, vannda diminin vɛlɛ aa: ‹Màá Mɛlɛka dɔw nɔm duaa, calta dɛnɛ sandaa, pembii diandɛi!›

Esai 1:21

Kpòkóó dɛnɛ! Kobi vannun hoo sakpo-o siŋnun kobi suunda leyulaa fɔ́! Kobio ho vannun paandu o piaa cá a sandei, dɛnɛ sandaa va o tɔalaa lenin pí! Kɛ sisa, vanaa diuvaa n'vannda kposon co lenin ni.

Hebreea 11:16

Kɛ o kpeekpeiyo nin, a lɛŋnde hiow lɛŋnde len naŋɔɔ len o kɔɔ nda va sɔɛi ni, halataala pɛɛn. Lelan siɛmbula bii Hala le ndu veeloo aa Hala ndaa le, kani mó toosial nda kobio.

Dɛnnda cɔɔmuanndan 21:9

O kon mí mɛlɛkanɔɔ pilɛ o mɛlɛkaa ŋɔmmɛvaa ndáà nɔ taalala kólaala ŋɔmmɛwla va lapiaalan a dɛnnda palaala ŋɔmmɛwla mɛɛlaalan-nda hun soaa o ya lo, mó dimi aa: «Hun i cɔm nɔm lanɔ co kɔlan Saa téndóó o ba o nɔu-vo.»

Dɛnnda cɔɔmuanndan 22:17

Mí Kɔl Hala-o a lanɔɔ Saa téndóó va dimio aa: «Hun!». Vana tuei pɛ ndu bɛɛ veelu aa: «Hun!». Vana kolɔɔ bii pɛ, o hun. Vana yeema pɛ, o hun kɔndu mɛmma yooman, o co a vɔngu le.