Dɛnnda cɔɔmuanndan 21:15 - BII BILA

¹⁵ Vana va sɔɛi o ya lo-o ndóò nɔ ɲɛ tuvaa pum, kpɛ̀ndɛ̀le n'sianilen, le kobio, diola ndɔla luɛyaalan a kpaki ndɔɔ tuuvo.

Dɛnnda cɔɔmuanndan 21:15 Referans Kwoze

Sakari 2:1

«Mí heelu hɔlla, mí tofa, mí ca leelan tan hiɔɔlu.

Esekiɛl 40:3

Mɛɛ o kɔɛ a ya a ba too lon, mí ca langbanɔɔ pum lon, hɔlla va ndu maa idaɲa, kɛi kola keesoo pilɛ a tindaa o pilɛ va ndu o ba le tuuvo, o va isisi o dio kobi kon ikɛi.

Sakari 2:2

Mí ɲuna mɛlɛkanɔ va suukanndo a ya-o aa: ‹Kɔlɔ yɛɛ nɛ leelan ndan la co yɛ?› Mó mulul la aa: ‹Leelan ndan la co tɔɔmasele vanaa-mangalaa-isɔaa kpaayaa puusiaa tàndá Yuda-o, lɛŋnde Israɛl-ten a Yerusalɛm, mí vannda saŋnun-nda-o ni.›

Dɛnnda cɔɔmuanndan 21:12

O va o kpaki vilɛi-vilɛi bɛndoo pum nin. Ndóò nɔ diola luɛyaalan tɔ́ a latiɔn, a mɛlɛkaa tɔ́ a à ŋiɔn o diola luɛyaala lan coo. Diolan lapum la va lasɛvaalan lecoo, diola polama tɔ́ a mamiɔmma cuavaa Israɛl-la.

Dɛnnda cɔɔmuanndan 21:16

Maa kpakpa kobi kalaa va ni, bu ndɔɔ a bandii ndɔɛi va kpen-kpen. Mó tuu kobi kalaa a kpɛ̀ndɛ̀le len: mó fula bandei kpɛ̀ndɛ̀le len vaalan tɔ́ a latiɔn, lende koni helɔɔ ndɔɔ a bu ndɔɔ va ni.

Dɛnnda cɔɔmuanndan 21:21

Diola luɛyaala tɔ́ a latiɔnndan la va yɔɔvala baala kalala tɔ́ a latiɔnndan ni. Falii kobi kalaa ndi, a sianin diandan i va ni, maa tofan vana tofa ma ce lekɔɔli-o.

Dɛnnda cɔɔmuanndan 21:25

Niinoo kpɛŋ vana kindanin diola kobi kalaa le, kani ɲumma venin te.