Dɛnnda cɔɔmuanndan 21:12 - BII BILA

¹² O va o kpaki vilɛi-vilɛi bɛndoo pum nin. Ndóò nɔ diola luɛyaalan tɔ́ a latiɔn, a mɛlɛkaa tɔ́ a à ŋiɔn o diola luɛyaala lan coo. Diolan lapum la va lasɛvaalan lecoo, diola polama tɔ́ a mamiɔmma cuavaa Israɛl-la.

Dɛnnda cɔɔmuanndan 21:12 Referans Kwoze

Dɛnnda cɔɔmuanndan 21:25

Niinoo kpɛŋ vana kindanin diola kobi kalaa le, kani ɲumma venin te.

Esai 54:12

I toosiaanin fondala cumulaala nɔmndan a powta kɛndɛla siaŋalan, I cɔawnin diola luɛyaala nɔmndan a powta humbulan. I balunin nɔm cɔvɔɔ pindo a powta kɛndɛ-kɛndɛlan.

Condii lisai 122:7

Màá kɔlɲuloo va o nɔm ndo cɛinin, mì kɔlkɛsiaa va o cɛila lemasala nɔmndan nin!

Esai 60:18

Vana tui lɛnin dɛnɛ kɔlvesɛiyo tɔ́ɔ́ o lɛŋnde nɔmnde nin te, vana tui lɛnin dɛnɛ tambɛiyo a ɲɛ puusiɛiyo tɔ́ɔ́ o pɛɛngula lɛŋnde nɔmnden te, a kenin kpakila nɔmndan diolan aa «Cindaa» mà ke diola luɛyaala nɔmndan diolan aa: «Lisaa.»

Condii lisai 51:18

Kani o co sálàlan te la tosa ma hini kɔl te. Te ndóò va pɛ lende, i va nɔm sálàlan solul. O co sálàla loamaalan te la hɛnan nɔm te.

Nehemi 12:27

«Mɛɛ nda cii kpakio Yerusalɛm cɔvɔɔ, má veelu leviia kpow fulaa o fondala yɛ́-yɛ́la nda va icali lan le hunɔɔ kafo bɛndoo tosaa Yerusalɛm le kpakio kumbio a ɲaale bɛndoo, a condun biilan a kɛŋun comulan, a bangalan a á bɔ̀mbillon.

Dɛnnda kiilaa 26:7

Vanaa fula o polama tɔ́ a mamiɔmma yungu naa nin-nda bɛɛ a nɔ tiindanndo maa Hala nda co kon biiloo idii a icɔl-lo co sɔɔn mun peelu. Ɛ̀ɛ̀ nduyɛ, masaa Akripa, le tiindan ya nɔ kon-ndo Yuifia co ya sɔɔn mun hɛɛnduuo coo nuaa ni.

Ɛsdras 9:9

Kani cɛa naa n co ni, kɛ o cɛle naale len nin, nɔm Hala, a mel naa le few. Má luei masaa Pɛrsea kɔl iɲííyo nin a naa, haliko ma ce naa ɲia. Má cɛl vɛlɛ naa le Cɛi biilaa nɔmndo mingio tangullo, o ndóò del nin-ndo pɛɛn, haliko mi n sɔla caltan Yerusalɛm a o tàndá Yuda-o nin.

Hebreea 1:14

Mɛlɛkaa nda co macoaa maa kiilaa Hala-a, nda Hala viam le kɔlan vanaa sɔlanin cindaa-a sɔɔn dimullo ni.

Luke 16:22

Paale pilɛ, mí vana bala fondo kon vu. Mí mɛlɛkaa yaa ndu Abraham ikɛi. Mí vana bolofaa bɛɛ vu, má kumbu ndu.

Luke 15:10

Mì dimul niaa, lende koni mɛlɛkaa Hala-a a dɔawnun ɲaale le vana yɔŋ vɔɔn mal yɔŋ ndɔ vɔɔndo, mò mangalan-ndo ni.»

Matie 18:10

La mandan le cuaambɔa pɔmbɔa vaa nuaa o pilɛ pɛɛsaa. Kani i co niaa dimul, mɛlɛkaa ndaa co Fuɲa ni co o halataala-o hɔlla tofaa o halataala tuŋ-tuŋ.

Fulaa 28:21

Mì diola poaa tɔ́ a à ŋiɔŋaa Israɛl-la la va lasialaa lecoo mɛɛ nda sial sɛvaa o powvo le ndu siinguuo tampɔnndo nuaa yɛ. Mì pow oo pow nɔ diola vana pilɛ o poaa tɔ́ a à ŋiɔŋaa Israɛl-laa kan tɛɛn.

Dɛnnda cɔɔmuanndan 21:13

Diola luɛyaalan tan yáá la va o ikpengu oo ikpengu coo ni: diolan layàá a ba paalen le can-ndo, layàá a ba luaŋ-ndo, layàá a ba too a layàá a ba paalen le del-lo.

Dɛnnda cɔɔmuanndan 21:15

Vana va sɔɛi o ya lo-o ndóò nɔ ɲɛ tuvaa pum, kpɛ̀ndɛ̀le n'sianilen, le kobio, diola ndɔla luɛyaalan a kpaki ndɔɔ tuuvo.

Dɛnnda cɔɔmuanndan 22:14

Dɛnɛ kɛndɔɔ co le vanaa co domala ndala bɛndulan tɔ́ɔ́-a. A sɔlanin dio le kɔmnde yɔm yoomaa sɔlaa, o kon mà kei o diola kobio le luɛyɔɔ lenin.

2Dɛnnda lemasalan 9:19

Má tuuliaa vɛlɛ yàlàá tɔ́ a à ŋiɔn o helɔɔlan coo, kpengei a ŋɔmpum, kpengei pilɛi a ŋɔmpum. Dɛnɛ súú vaa lende ndóò tosan ndɔ o lemasa oo lemasa nin te.