Dɛnnda cɔɔmuanndan 21:10 - BII BILA

¹⁰ Mó kɔa a ya o kɔllo nin o pembii bɛndui vilɛi-vilɛiye pum coo. Mó cɔm ya Kobi diandaa, Yerusalɛm pɛɛn, o va fulaa coocoo o Hala lo.

Dɛnnda cɔɔmuanndan 21:10 Referans Kwoze

Dɛnnda cɔɔmuanndan 21:2

Mí ca kobi diandaa, Yerusalɛm sɛnɛiyo tolɔɔ fulaa o halataala o Hala lo, o va o bɛɛndiaa mɛɛ nda bɛɛndiaa vanalanɔɔ le ndu yɔɔ o nɔu o pɔnɔ ndɔ lo nuaa yɛ.

Esekiɛl 11:24

Mí kɔl Mɛlɛka-o cua ya, mó yaa ya o vanaa co o biyɔɔ nin-nda lo. Mí vundule ya va len cɔu len le faŋan ya, mí le lo ya o hɔl.

Dɛnnda cɔɔmuanndan 17:3

O kon mó kɔa a ya o kɔllo nin o lɛŋnde veselɛilen nin. Mí ca vanalanɔɔ pum icali o visi siaŋa sɔɔtɔtɔɔ coo, kɔɔle visi kon le va le pooɲɛilen poosoo a sɔɔn tanan, ndóò nɔ bolle ndii ŋɔmmɛw a leelan tɔ́.

Dɛnnda cɔɔmuanndan 1:10

Mí Kɔl-Diandaa cua ya o paale Mɛlɛka len coo, mí tuɛinun diom bɛndoo kɔɔli maa diom bulu,

Dɛnnda kiilaa 8:39

Ndáà fulaa o peelo, mí Kɔl-Hala-o cua Filipe o lepilɔɔ kpé, langbanɔɔ ci lɛ ndu le. Kɛ mó hiaw laci, mó va kɔlan a kɔlkɛndɔɔ.

Esekiɛl 11:1

Mí kɔl Hala-o cua ya, mó kɔa a ya o dio Cɛi-Mɛlɛka-o sondoo, dio co a ba paalen le can-ndo-o, o muli hɔlla a kpengii paalen le can-ndo-o pɛɛn. Tofa vɔ, vanpiaandua bidiin a à ŋuɛɛnu a va o dio kon sondoo, mí ca Yaasania po Asur-o nda Pelatia po Benaya-o, a va simlacia vannda-a o vanaa kan tɛɛn.

Esekiɛl 8:3

Mí ɲɛ kon siɛndi ɲɔɔ maa ba vanaciee, mó bii ya yiinde o lebol. Mí kɔl Hala-o faŋa ya o lɛŋnden coo, mí va lɛŋnden a halataalaa tɛɛn. Mó kɔa a ya Yerusalɛm o vunduma yilɛnndan nin, mó kɔa a ya háá o dio luɛyaa co lenin-ndo ikɛi, a kpengii ba luaŋ-ndo, nɛɛ piɔm paŋalaa va-a, o kpeeŋiaa paŋala Mɛlɛka-o-o pɛɛn.

Dɛnnda cɔɔmuanndan 4:2

Fɔ́ɔ́fɔ̀, mí Kɔl-Diandaa cua ya. Kpɛŋɛ lemasaa va o halataala, vanndo va icali o kpɛŋɛ kalaa nin.

Esekiɛl 3:14

Mí Kɔl Hala heelu ya-o kɔa a ya. I va kɔlan a kɔltuwvo a sɔɛi nɛyɛi, mí ba Mɛlɛka-o toal-la coo a kpaaya bɛndoo.

1Masaa 18:12

Nduyɛ, te i faŋan pɛ dɔ́ɔ́ nɔm ikɛi, kɔl Mɛlɛka-o co nɔm koma cua, mò yɛɛ nɔm nɛɛ ya sina le-a. Akab hin pɛ mò ci nɔm te, vɛ̀ɛ̀ diyɔɔ le o diinin ya le? Nduyɛ, kabi i va vɔ felengi, mí ke Mɛlɛka bɛɛlen.

2Masaa 2:16

Má dimul ndu aa: «Tofa vɔ, n nɔ vanpiaandua dialun fulaa beleŋuɛɛnu. N co nda vomɔɔ mà kɔ nuwviaa vana nɔm bɛndoo. Bɔɔle kɔl Mɛlɛka-o cua ndu ni mó kɔ mal ndu o pembei pum coo, te kon te o bóllo pum nin.» Mó mulul nda aa: «La viam vana le!»

Kalatea 4:26

Kɛ Yerusalɛm co coocoo-o, ndu co o ba ndɔɔ coo, ndu co kala naa ni.

Dɛnnda cɔɔmuanndan 3:12

Vana nɔlanin-ndo, i siinguunin ndu sungbulen o Cɛi-Hala nuu nin, o fula lɛnin lɔ́ɔ́-lɔ́ɔ̀ le. I sɛvanin diola Hala nuu a diola kobi Hala nuu, Yerusalɛm sɛnɛi co fula o halataala o Hala nuu lo-o a diola nila sɛnɛilan ndu coo.

Dɛnnda cɔɔmuanndan 11:2

Kɛ tongo Cɛi-Hala-o ndu, mɛi ndu lende, tuu ndu le, kani ndu yɔngun vanaa-mangalaa-isɔɔa niɛwnin kobi diandaa o paangon belehiɔɔlu a n'miuun bɛngu-a ni.