Dɛnnda cɔɔmuanndan 21:1 - BII BILA

¹ Mí ca halataala sɛnɛiyo a lɛŋnde sɛnɛilen, kani halataala tasoo a lɛŋnde taselen le ve lɛ le, mɛmma ihɛllan bɛɛ ma ve lɛ le.

Dɛnnda cɔɔmuanndan 21:1 Referans Kwoze

2Piɛr 3:13

Kɛ maa mɛɛ Hala dimul naa yɛ, n co halataala sɛnɛiyo a lɛŋnde sɛnɛilen cumndo, nɛɛ dɛnɛ sandaa vanin-nda.

Esai 66:22

Kani maa mɛɛ halataala sɛnɛiyo a lɛŋnde sɛnɛile ya co toosiaa len le viawnin ya o hɔl-lɛ, lende koni cuavaa niaa a diola niaalan bɛɛ la viawnin ya o hɔl ni. Mɛlɛka soo nuaa ni.

Dɛnnda cɔɔmuanndan 21:5

O kon mí vana va icali o kpɛŋɛ lemasaa coo-o dimi aa: «I co ɲɔɔn kpow mingi n'sɛnɛi.» O kon mó dimi aa: «Sɛva sɔɔn mun, kani sɔɔn vana bɛnda le laalanndo-on a sɔɔn toɲan n co ni.»

2Piɛr 3:10

Paale Maalii hunnin-nden le komalnin naa maa vui. Paale len, halataalaa hiawnin a diom bɛndoo, mì ɲɛm co o halataala-on tambu a yinnden, o kon mì lɛŋnden a ɲɛm co lecoo-on ŋɔɛ.

Dɛnnda cɔɔmuanndan 20:11

O kon mí ca kpɛŋɛ lemasa bɛndu humboo pum a vana va icali lenin-ndo. Mí lɛŋnden a halataalaa ɲaanun ndu, má kɔannun polon, vanaa ci lɛ foofo ndaa le.

Esai 27:1

Paale len, Mɛlɛka cuanin mɔɛi ndɔɛi cɔvii luɛyɛi, mɔɛi ndɔɛi bɛnduei, mɔɛi ndɔɛi mayoomui ken, mo lɔva N'Yalɛ́iyo, kɛw ɲaanan kon, ɲina-kɛw hiŋnun kon taw-taw-vo. O diinin ɲɛ yoomaa vɔɔn kɔndɔfili co kon o mɛmma ihɛllan nin-ndo.

Daniɛl 7:3

O kon, mí visia tɔɔmaa bɛndua fula nda hiɔɔlu o mɛnndan nin. O kɛ́-kɛ̀ va tengeen.

Dɛnnda cɔɔmuanndan 13:1

Mí ca visi tɔɔma bɛndoo pum fulaa o mɛmma ihɛllan nin, ndóò nɔ leelan tɔ́ a bolle ndii ŋɔmmɛw. Mɔsilta lemasalan tɔ́ la va o leela lan coo, mí diolan lapum la va lasɛwviaalan o bolii ken coo le Hala yiowlan.

Esai 57:20

Kɛ vanaa kɔlvesɛiya nda nda, maa mɛmma ihɛlma co hiilɔnndo, mà nɔla simndan yili le-an nda co ni, maa mɛmma ihɛlma co yeelioo a loolio kaaliaa-an.

Esai 51:11

A toɲa, vanaa sɔla malɔɔ-a muungunin, a muungunin Siɔn a kponyoo a kɔlkɛndɔɔ. Kɔlkɛndɛ fɛɛn-fɛɛndo vanin nda coo, ɲaaloo a ɲɛ hɛnanndo hunnin sumialii nda. Kɔl tambɛiyo a somisominndan la kɔanin nda polon.

Rɔmnda 8:21

Ɲɛm mun bɛɛ n co hunɔɔ fula o cɛle len nin, n si lɛnin te. Mì mun bɛɛ n sɔla naŋɔɔ bɛndu cuavaa Hala-a sɔlanin-ndo.

Dɛnnda cɔɔmuanndan 6:14

Mí halataalaa hiaw a simbulɔnndo maa mɛɛ vana simbul sɛbɔɔ nuaa yɛ, mí pembon kpow a tiŋndan la faŋan o fondala ndalan.