Biblia Todo Logo
Bib sou entènèt

- Piblisite -




Dɛnnda cɔɔmuanndan 20:9 - BII BILA

9 Má fula o lɛŋnden coo ba-ba fee, má tiila dɔ́ɔ́ngɔ́ vanaa diandaa a kobi Hala kaola taw-vo. Kɛ mí yinnden lepum le toal fulaa o halataala, mí le cii nda.

Gade chapit la Kopi




Dɛnnda cɔɔmuanndan 20:9
33 Referans Kwoze  

A heelunin mà kuel, vanaa nia, Israɛlla maa yumbuyumbu co kɔlan lɛŋnden kumbɔɔ mɔku-mɔku-o. O telenndan mɛɛlulan ken tosannin ni. I yaanin nɔm le kɔlan lɛŋnde nilen delɔɔ coo, haliko mi vanaa-mangalaa-isɔɔa sina ya, lɔ́ɔ́ ya cɔmnin nda diondɔɔ nuu a nɔm o kɔɔ-o, nɔm Kɔk pɛɛn!›


I yaanin yinnden o tàndá Makɔk-o nin, a vanaa co icali nila ɲulu o lɛŋii co o mɛnndan tɛɛn-nde nin-nda coo. Nda bɛɛ sinanin o kon maa ya co Mɛlɛka ni.


I kialunin yamɛi ndɔɛi, mì tuisi ndu nàà n'kɔnyaa coo, mì diw vanaa ndɔa. I tuisinin piɔɔ pɔ̀lɔ̀-pɔ̀lɔ̀ɔ́, loeon delian, yinnden a fungoo ndu pila coo, vanaa ndɔa cɔwva coo a vanaa sɛ́lɛ́ bɛndua vanin a ndu latulu-a kpow coo.


Nɔm pila a vanaa nɔmaa cɔwva, la heelunin maa hoeyii fùkù-fùkù, la kuelnin nda maa yumbuyumbu kumbu lɛŋnden mɔku-mɔku-o.»


O tuisinin vanaa sínà ndu Hala le-a a vanaa kɛɛ Yoongu kɛndɛ Maalii naa Yeesu-o biyɔɔ-a sangaa coo.


Mí yinnden le loam vanaa va nda kɔɔli-a, mí le cuulu vanaa yɔŋ vɔɔŋaa kan mungén.


Yinnden le co ndu kɔlan laci, le co yaamɔa balu ndu-a lomɔɔ.


Mɛɛ o tosa dɛnnda kaamaala bɛndulan tei, mó tuisi yinnden o lɛŋnden coo fulaa o halataala vannda kpede o hɔl.


Te vanndo yeema pɛ le nda saangiaa, yinnden le fula nda o lasondo, le lom yaamɔaa ndaa. Vana-vana tɔɔndan pɛ le nda saangiaa, mɛɛ mo sɔla piɔ́mndo lende.


kɛ paale Lɔt faŋan Sodɔm-nden, mí Hala soli yinnden a powta leyinndan coocoo maa piɔɔ, mí le diw nda kpow.


Mɛɛ kaandeŋaa ndɔa Nsaki nda Nsaŋ a ce kon, má ɲuna aa: «Maalii, vɛ̀ɛ̀ a yeema mì n tuisi yinnden fulaa o halataala mì le lom vannda ha?»


O kon mí mɛlɛkanɔ Hala-o kɔa o dɔ́ɔ́ngɔ́ɔ̀ Asiriia nin, mó kɔ dii vanpiaandua vaalan kɛmɛ belaŋɔmaa a laŋuɛɛnu. Diimandɔɔ idiiyo, telen nda tendu-o, má ca dɔ́ɔ́ngɔ́ɔ̀ o piaa a vanvílɛ́yaa kan.


Mí yinnden le fula nɛɛ Mɛlɛka va-a, mí le loam n'van kɛmɛ lediin a beleŋuɛɛnua va ansan lomɔɔ-a.


Paale pilɛ, mí Israɛlla cɛɛŋun Mɛlɛka o lani. Mɛɛ Mɛlɛka tuei nda cɛɛŋɔn kon, mó tuulu kɔl a nda, mó tuisi yinnden nda coo, mí le loam dɔ́ɔ́ngɔ́ɔ̀ o yondoo dangalaa.


Mɛɛ n kɔnnun o ndu lo o dɔ́ɔ́ngɔ́ɔ̀ kɔɔli, mì n cɛlnun sɔɔlɛmaa maa ndu.


I co vannda vomɔɔ fulaa Babilɔn, kani nda nɔ iɲíí le, a nɛi vɛlɛ kɔl fula le. A kei kan vannda delɔɔ coo, mà poondiaa ɲɛm ndan-nda pɛɛn.


Vana co niaa nɛiyo bulullo-o co kɔlan niaa laci. La sɔla baŋaa, la co tɛɛngei bulio, mì la va keiyo lon, mì la va fulaa. Masa niaa co kɔlan niaa laci, Mɛlɛka pɛɛn, o co simndan niaa laci-o.»


Kabi lɔ́ɔ́ levil nin, bémbé iyɔmndo cuu toosiaa le ndu lomɔɔ, bémbé iyɔm kon toosian le masaa, o fonda tiilanndo nin nda ciiŋiaa bémbé iyɔm kon ni. Yɔmnde co lon taw-taw, yinnden le co nin lebɛɛndiaa len. Hoeyii fula Mɛlɛka o milin-nde mɛndulnin yinnde len mi le bii maa pee pɔmbɔ fungoo co ŋɔu nin-ndo.


Idiiyo púŋ, mí buɛi Elise vana-tɛɛngaa-diom Hala-o can le fulaa o kobio kɔɔli, kɛ o komal vanaa cɔwva hin kunda bɛndoo ma balu kobio sɔ́ a soa a á ɲɛla ɲaanannda soa nan-ndan. Mó kɔ dimul Elise vana-tɛɛngaa-diom Hala-o aa: «Éé vana ni bɛndoo! Vɛ̀ɛ̀ naa n tosa yɛnin kpeekpei?»


O kon mí Mɛlɛka tuisi fungoo a yinnde bɛndu-bɛndulen o kobio Sodɔm a o kobio Komɔr coo, mí yinnde len le va fulaa o Mɛlɛka lo, o halataala, mí le va siaa nda coo maa piɔɔ.


«Telen niaa canin mì vanaa cɔwva balu Yerusalɛm-ndo, la sinanin o kon maa tambii ndɔɛi sɔɔnguu.


Palɛi dɛnɛ palɛi co niaa laci, yaamɔaa niaa co niaa hinul, mà tiila niaa, mà luei niaa o píŋndo nin, mà balu niaa nɛɛ-nɛɛ ka.


Vana cɔw oo vana cɔw bɛnda mò nɔ dɛndɛ pɔmbɔɔ o pilɛ o volɔɔla ndɔla cɔwlan nin. O kon, te solɔɔ bii ndu pɛ, o kɔ tow soondo o fondokpa kon a dɛndɛ kon, o sol lenin. O cii pɛ, o mingi poola lan kumbɔɔ.


Kobi kon o hiow yeema a kobila tɔ̀la co o lɛŋnde Yakɔb len nin-ndan kpow.


A dɔw nin pá taasi mɛɛ kpɛ́ lɛŋnden le co lebɔɔ yɛ? Dimul-lɔ ya taa sina pɛ sɔɔn mun.


Swiv nou:

Piblisite


Piblisite