Dɛnnda cɔɔmuanndan 20:8 - BII BILA

⁸ mò fula le vanaa-mangalaa-isɔɔa co o lɛŋnden kpengun hiɔɔlon-nda lueiyo o pɔwlan nin, Kɔk a Makɔk pɛɛn, haliko mo mɔɔsiaa nda le cɔwvo tosaa. A vanin sɛ́lɛ́ maa sióóndon o mɛmma ihɛllan nin.

Dɛnnda cɔɔmuanndan 20:8 Referans Kwoze

Dɛnnda cɔɔmuanndan 16:14

Ɲinaa vɔɔŋaa tosa dɛnnda kɔndɔfiltan-nda co kan ni, a co kɔlan o masaa co o lɛŋnden kpow coo-a lo, haliko ma mɔɔsiaa nda le cɔlɔbaa o paale bɛndule Vana-kpaayaa-Kpow len coo.

Esekiɛl 38:1

Mí Mɛlɛka soaa o ya lo, mó dimul-la aa:

Dɛnnda cɔɔmuanndan 20:10

Má viaw masa ɲinaa vɔɔnda, ó va kon vannda lueiyo o pɔwlan nin-ndo o dala leyinndo nin, nɛɛ fungoo va ŋɔu-va, nɛɛ visio a vana-tɛɛngaa-diom hala lacòòvaa va-a. Lon nda vanin yɛɛvɔɔ dɔwnɔnndo paalen a ɲumndan le fɛɛn a fɛɛn ni.

Dɛnnda cɔɔmuanndan 20:3

Mó viaw ndu o soon yingilaa nɔ kon lamɛɛlu loo nin, mó kinda sondoo, mó baŋul ndu kɔɔli, haliko o luei lɛ vanaa-mangalaa-isɔɔa o pɔwlan nin te, háá mi vɔsila vaa pilɛlan la sul. O kon kɔɔli, mò sɔla timbio le telen bingi.

Hebreea 11:12

Lelan fuɲa-mama pilɔɔ, Abraham ndóò nɔla lɛ hoo hɔ́ɔ́ violɔɔ loo, mó vialu cuawva sɛ́lɛ́ bɛndoo maa loeon o halataala, te kon te maa siòònndon o mɛmma ihɛllan kɔngɔ, vana nɔla nda cɔm te.

Yeremi 33:22

Vana nɔla loeon co o halataala-on cɔm te, vana nɔla vɛlɛ sióóŋun co o mɛmma ihɛllan kɔngɔ-on cɔm te. Kani n co bɔɔ sɛ́lɛ́. Lende ya kuinin cuavaa-imamaa David-a a cuavaa-imamaa Levii-a ni, vanaa-solia-lasálàà niaa pɛɛn.

Esai 10:22

Kpòkóó Israɛl! Hali vanaa nɔmnda va bɛɛ sɛ́lɛ́ maa sióónndon o mɛmma ihɛlla kɔngɔ, a tɔ̀a daama muungunin ni, kani tambii ndɛi cuu kiolɔn, tambii ken tuisinin dɛnɛ sandaa taw-taw nda coo ni.

1Samiɛl 13:5

Mí Filistia bɛɛ cuungian le Israɛlla cɔlɔbaa. Ndáà nɔ ɲɛla ɲaanannda soa nan-ndan vaalan beleyaa, vanaa ɲaanun o soa coo-a vàálan tan ŋɔmpum a vanaa cɔwva sɛ́lɛ́ bɛndoo mɛɛ sióónndon và o mɛmma ihɛllan kɔngɔ nuaa yɛ. Má hun kila dɔ́ɔ́ngɔ́ ndaa Mikmas, Bɛt-Avɛn, a ba paalen le can-ndo.

Masaa kialaa n'yamaa 7:12

Madiannda, Amalɛkea a vanaa kelaa fula a ba paalen le can-ndo-a va a tivaa sɔ́ o dɛɛlaa nin, vanáà ce nda pɛ aa sóónɔa kunda bɛndua ni. Ɲɔɔmɛɛa ndaa ndáà cuu cɔm te, nda va sɛ́lɛ́ maa sióónndon o mɛmma ihɛllan kɔngɔ.

1Masaa 4:20

Vannda Yuda a vannda Israɛl a va sɛ́lɔ́ɔ́ taw maa mɛɛ sióónndon co o mɛmma ihɛllan kɔngɔ nuaa yɛ. A va dioo, a va kolɔɔ, a va ɲaaloo dɔwnɔnndo taw.

Esekiɛl 7:2

«Nɔm Po vanacieo sei, nuaa Maalii, o co Mɛlɛka-o soo o vanaa co o lɛŋnde Israɛl-ten coo-a ni aa: ‹Mɛɛlulan la tiiya fɔ́! Mɛɛlulan la tiiya o kpengun hiɔɔlun lelɛŋndon coo!

Esekiɛl 38:2

«Po vanacieo sei, muli hɔlla o masaa Kɔk lo, o lɛŋnde Makɔk len nin, Kɔk kon pɛɛn, o co simlacinɔ lebollo le vannda Mesɛk a haa Tubal-lo, mà tɛɛngul ndu diom Hala-o a tambii o hun tambunin-nde o kɔɔ.

Esekiɛl 39:1

Nɔm Po vanacieo sei, tɛɛngul Kɔk diom Hala-o a dɛnɛ palaa toalnin ndu coo-o. Dimul ndu aa: Nuaa Maalii, o co Mɛlɛka-o dimi ni aa: «Má cè ya nɔm cɔlɔbaa, nɔm Kɔk, nɔm simlacinɔ lebollo le Mesɛk a Tubal!

Esekiɛl 39:6

I yaanin yinnden o tàndá Makɔk-o nin, a vanaa co icali nila ɲulu o lɛŋii co o mɛnndan tɛɛn-nde nin-nda coo. Nda bɛɛ sinanin o kon maa ya co Mɛlɛka ni.

Dɛnnda cɔɔmuanndan 7:1

O ken kɔɔli, mí ca mɛlɛkaa nda hiɔɔlu isisi o kpengun hiɔɔlun ceendo. Hoyun hiɔɔlun ceendo va n biyaa nda o ba, haliko hoeyii ndíì hɔŋ o lɛŋnden coo, o mɛmma ihɛllan coo a o yɔm oo yɔm coo le.

Dɛnnda cɔɔmuanndan 12:9

Má viaw ndu tambálaká bɛndu kon, ndu kɛwvo sindɛ pɛɛn, o nda veelu aa masa ɲinaa vɔɔnda te kon te Setana-o. O hiŋ vanaa co icali o lɛŋnden coo-a kpow hɔlla-o, má viaw mɛlɛkaa ndɔa a ndu latulu o lɛŋnden coo.

2Dɛnnda lemasalan 18:21

Mí yiyan kalaa muli aa: ‹I co lakɔ, mì kɔ siŋnun yiyan lacòòvaa, mì còòlan la luɛi vanaa-tɛɛngaa-diom Hala-a masaa kpow o lasondo.› O kon mí Mɛlɛka mulul ndu aa: ‹Mɛɛ a nɔlanin ndu dɛɛniaa lekɛ́ndɛi, fula ma kɔɛ, ma kɔ tosa mɛɛ n dimi nuaa yɛ!›