Dɛnnda cɔɔmuanndan 20:6 - BII BILA

⁶ Dɛnɛ kɛndɔɔ co le vanaa tendul tendul tase kon, má muungu yoomu-a. Vanaa diandaa nda co ni. Piɔ́m diinndɔɔ nɔ lɛ nda kpaaya coo le. Nda vanin vanaa-solia-lasálàá le Hala a le Krista ni. A tosanin masalen nda ndaa latulu o vɔsila vaa pilɛlan bɛngu.

Dɛnnda cɔɔmuanndan 20:6 Referans Kwoze

Dɛnnda cɔɔmuanndan 1:6

o siinguu naa kunda lemasaa a vanaa-solia-lasálàá le Hala Fuɲa ndɔ-o pɛɛn. Màá biiloo a kpaayaa va le ndu le fɛɛn a fɛɛn! Amiina.

Dɛnnda cɔɔmuanndan 2:11

Vana nɔ pɛ nilan, mɛɛ ndú tuéi ɲɛ mɛlɛkanɔɔ co vanaa laalannda dimullo-o. Piɔ́m diinndɔɔ pilannin vana nɔlanin-ndo le.›»

Dɛnnda cɔɔmuanndan 20:14

Mí piɔ́m a ciee-piɔ́m sɔla viovɔɔ o dala leyinndo nin. Dala leyin kon co piɔ́m diinndɔɔ ni.

Dɛnnda cɔɔmuanndan 5:10

A siinguu nda masalen a kunda vanaa-solia-lasálàá le Hala naa, nduyɛ a tosanin masalen o lɛŋnden coo.»

1Piɛr 2:9

Kɛ niaa, vanaa Hala hɛli-a niaa co ni, vanaa-solia-lasálàá lemasaa, kunda diandaa, haliko mi la yonda dɛnnda kɛndɛla vana soli niaa o ɲumndan nin, mó cuu niaa o ɲɛ-tengaa ndɔ sɔvɛɔ-o nin-ndo lan.

2Timote 2:12

Te n biwnun pɛ, n tosanin vɛlɛ masalen naa ndaa. Te n kɛɛ pɛ ndu, ndu bɛɛ kɛɛnin naa.

Rɔmnda 8:17

Nduyɛ, te cuavaa ndɔa naa n co ni, mɛɛ vanaa cuaa kɛ-a naa n co ni, vanaa cua kɛ Hala-o-a pɛɛn. Naa Krista-aa n cuanin ndu latulu ni, te n sanga pɛ naa ndaa latulu, haliko mi n sɔla biiloo naa ndaa latulu.

Daniɛl 12:12

Dɛnɛ kɛndɔɔ co le vana kon, vana lonin lecoo mò bii kpáŋ mì palɛi tiiya vàá pilɛ kɛmɛ leyáá beleyaa a iŋuɛɛnu-o.

Dɛnnda cɔɔmuanndan 22:7

Mí Yeesu dimi aa: «Yaŋ nilan, i co hunɔɔ sunsun! Dɛnɛ kɛndɔɔ co le vanaa co sɔɔn Hala-n co o sɛbɔɔ ho nin-ndon biyɔɔ balan tan tiɔn-nda!»

Dɛnnda cɔɔmuanndan 14:13

O kon mí tuɛi diomndo pum fulaa o halataala aa: «Sɛva aa: ‹Dɛnɛ kɛndɔɔ co kandɔn sisa le vanaa vi o Maalii nin-nda!› Kɔl-Diandaa dimi aa: ‹Dɛnɛ kɛndɔɔ co le nda. A sɔlanin pɛngio le baala nda co-o, kani dɛnnda kɛndɛla nda co tosaa lan ka kɔanin nda kɔɔli ni.›»

Rɔmnda 12:1

Puapilɛa nia, le mɛɛ Hala co naa ɲííye tuinɔnndo yɛ, i co niaa yoomuan luei mì niaa pila solin sálà kiyɛiyo, o dendu mo hɛnan Hala-o, kaannde kpeekpeile niaa bɛnda mì la tosa len le co len ni.

Dɛnnda cɔɔmuanndan 21:8

Kɛ vanaa isiòònda, vanaa laalan te-a, vanaa tosa mààlan-nda, vanaa diw vannda-a, vanaa tosa dɛnnda laasiɛilan-nda, vanaa mangalaa, vanaa soolaa n'piɔmnda a vanaa lacòòvaa kpede, o dala bɛndu leyin fungoo vanin ŋɔu nin-ndo nin fonda ndaa vanin ni, piɔ́m diinndɔɔ co kon ni.»

1Piɛr 2:5

Niaa bɛɛ, la va maa powta kiyɛi, mì la sɔla luɛyɔɔ o tangul cɛi Kɔl-Diandaa nin, mì la va vanaa-solia-lasálàá diandaa, le sálàla kɔltan solio, la hɛnan Hala o Yeesu Krista nin-ndan,

Luke 14:15

Vanaa nda va dioo-a o pilɛ tueyɔɔ sɔɔn mun, mó dimul Yeesu aa: «Dɛnɛ kɛndɔɔ vanin le vana dianin o Masale Hala len nin-ndo!»

Esai 61:6

Kɛ niaa niaa, a veelunin niaa aa vanaa-solia-lasálàá Mɛlɛka-a. Vannda diminin aa la co o vali Hala niaa nin. La dianin ɲɛ-sɔlaa vanaa-mangalaa-isɔɔa, mì la cal o bolofaa ndaa coo.

Esai 4:3

Vanaa lonin yoomuu Siɔn-nda, vanaa lonin kan Yerusalɛm-nda a sɔlanin veeloo aa vanaa diandaa, vanaa diola ndalan la sɛvannin Yerusalɛm-nda lonin yoomu.

Dɛnnda cɔɔmuanndan 3:21

Vana nɔlanin-ndo, i kɛsinnin ndu ikɛi o kpɛŋɛ ni lemasaa coo maa mɛɛ ya nɔla, mí n kɔ cal naa Fuɲa nuu o kpɛŋɛ ndɔ lemasaa coo yɛ.

Dɛnnda cɔɔmuanndan 22:5

Ɲumma ve lɛnin te, a nɔ lɛnin mako a ɲɛ-tengaa fitina le, a nɔ lɛnin mako a ɲɛ-tengaa lepaa le, kani Mɛlɛka Hala teengiaanin nda ni, mà tosa masalen le fɛɛn a fɛɛn.