Dɛnnda cɔɔmuanndan 20:15 - BII BILA

¹⁵ Vana-vana diola ndɔlan la ve lasɛvaa o sɛbɛ cindaa nin te, má viaw nda o dala leyin kon nin.

Dɛnnda cɔɔmuanndan 20:15 Referans Kwoze

Nsaŋ 3:36

Vana laalan pɛ Poo, ndu sɔla yoomu fɛɛn-fɛɛndo. Vana kɛɛ pɛ le Poo laalanndo, ndu sɔlanin yoomu kon te, kɛ kɔltuw Hala-o vanin vana kon coo.»

Dɛnnda kiilaa 4:12

Cindaa sɔlan o vana celen nin te, kani o ceendo coo, diola kɛ́-kɛ̀ la yɔngun vanndacieea tɛɛn te, la naa n sɔla cindaa kɔɔli lan.»

Nsaŋ 14:6

Mí Yeesu dimul ndu aa: «Ya co nɛiyo, toɲaa a cindaa ni. Vana-vana kue o Pua lo le, te o co mò kei a ya le.

Matie 13:50

mà viow nda o tóndó leyinndo nin, nɛɛ caŋndan a ciŋndon sɔmndo vanin-nda.»

Matie 25:41

O kon kɔɔli, o dimulnin a vanin ndu o ba mɛllo coo-a aa: ‹La faŋan ya, niaa vanaa dangaa. La kɔ o yinnde fɛɛn-fɛɛnnden nin, le toosian le masa ɲinaa vɔɔnda a le mɛlɛkaa ndɔa len pɛɛn!

Dɛnnda cɔɔmuanndan 20:12

Mí ca vanvílɛ́iya, kaasonnda a cuaambɔa, a va isisi o kpɛŋɛ lemasaa hɔl-ndɔ. Mí sɛbɛlan la kumbin, mí sɛbɛ celen kumbin, sɛbɛ cindaa va kon ni. Mí yamɛi vanvílɛ́iya kiolu, maa mɛɛ sɔɔn va n sɛvaa o sɛbɛla lan nin-ndon va yɛ, maa mɛɛ dɛnnda vana-vana la va yɛ.

Dɛnnda cɔɔmuanndan 19:20

Má bii visi kon a vana-tɛɛngaa-diom hala lacòòva tosa ndu dɛnnda kaamaalan o hɔl-lo. A dɛnnda kaamaala lan vana-tɛɛngaa-diom hala kon luei vanaa sɔla pondale visi kon-nda a vanaa baŋ vulan tuula ndɔɔ o hɔl-la o pɔwlan nin ni. Mí visi kon a vana-tɛɛngaa-diom hala kon viawnun o dala leyinndo nin, nɛɛ fungoo co ŋɔu-va.

Hebreea 12:25

La caa dɛ! La kɛɛ diom vana co sɔɛi o niaa lo-o le. Kani vanaa kɛɛ sɔɛi vana va nda kanalanndo o lɛŋnden coo-o-a helun dɛnɛ palaa ndóò bɛnda le nda delɔɔ coo-o le. Konin te naa, vɛ̀ɛ̀ naa n hialun yɛnin, te n mulul pɛ diom vana fula o halataala le naa kanalanndo-o kɔɔ?

Hebreea 2:3

Nduyɛ, vɛ̀ɛ̀ naa naa n fula yɛnin o ken nin, te n luei sɔɛi cinda bɛndoo ho yii le? Maalii pila kandu sɔɛi ndɔɛi dimio ni, o kon kɔɔli, mí vanaa tuei sɔɛi cinda kon-nda peelul naa diomnde len.

Marke 16:16

Vana-vana laalan pɛ mò sɔla yinɔɔ, ndu sɔlanin cindaa, kɛ vana laalan te, ndu sɔlanin yaalaa.

Matie 13:42

mà viow nda o tóndó leyinndo nin, nɛɛ caŋndan a ciŋndon sɔmndo vanin-nda.

Condii lisai 69:28

Hala, cɔm haki nda kon o hakila ndala tɔ̀lan coo. Tuinun nda iɲii le few.

Luke 10:20

Kɛ nduyɛ, la naŋ kɔl le tùú ɲinaa vɔɔnda co niaa diom tueyɔɔ-o le, kɛ la naŋ kɔl le tùú diola niaalan la co lasɛvaalan o halataala-o.»

Dɛnnda cɔɔmuanndan 3:5

O kon vana nɔlanin-ndo vownunnin volɔɔla humbulan, i vɔɔsuunin diola ndɔlan o sɛbɛ yoomaa nin te, i pialnin diola ndɔlan Fuɲa nuu a mɛlɛkaa ndɔa o hɔl.

Dɛnnda cɔɔmuanndan 20:10

Má viaw masa ɲinaa vɔɔnda, ó va kon vannda lueiyo o pɔwlan nin-ndo o dala leyinndo nin, nɛɛ fungoo va ŋɔu-va, nɛɛ visio a vana-tɛɛngaa-diom hala lacòòvaa va-a. Lon nda vanin yɛɛvɔɔ dɔwnɔnndo paalen a ɲumndan le fɛɛn a fɛɛn ni.

Dɛnnda cɔɔmuanndan 20:14

Mí piɔ́m a ciee-piɔ́m sɔla viovɔɔ o dala leyinndo nin. Dala leyin kon co piɔ́m diinndɔɔ ni.