Dɛnnda cɔɔmuanndan 20:12 - BII BILA

¹² Mí ca vanvílɛ́iya, kaasonnda a cuaambɔa, a va isisi o kpɛŋɛ lemasaa hɔl-ndɔ. Mí sɛbɛlan la kumbin, mí sɛbɛ celen kumbin, sɛbɛ cindaa va kon ni. Mí yamɛi vanvílɛ́iya kiolu, maa mɛɛ sɔɔn va n sɛvaa o sɛbɛla lan nin-ndon va yɛ, maa mɛɛ dɛnnda vana-vana la va yɛ.

Dɛnnda cɔɔmuanndan 20:12 Referans Kwoze

2Korɛntea 5:10

Kani naa kpow, mɛɛ mì n kɔ sim kpendekele o fonda kialaa n'yama Krista-o, haliko mo kelu naa iyama a pilɛn-pilɛnnda, mì n sɔla o vana-vana nɔ le sɔlaa-o, o va o kɛndɛ, o va o vɔɔn, mɛɛ naa n kela o ceendo coo yɛ.

Matie 16:27

Kani Po vanacieo co hunɔ̀ɔ̀ o biilu Fuɲa ndɔ-o nin a mɛlɛkaa ndɔa, o kon o dɔawnin vana-vana vɔ́ngɔ̀ mɛɛ dɛnnda ndɔlan la co yɛ.

Daniɛl 7:10

Pee bɛndu leyinndo va fulaa mó va hiovɔɔ ndu laci. Mí sɛ́lɛ́ bɛndu-bɛndoo va ndu baalaa tosallo. Mí sɛ́lɛ́ bɛndu cuu cɔm too va isisi ndu laci. Mí vanaa kialaa n'yamaa cal, mí sɛbɛlan la kumbin.

Vana Kɔlkaloo 12:14

Kani Hala co hunɔɔ yamɛi dɛnndan kpow kiolɔɔ. Hali dɛnnda viannanndan o, la va lakɛndɛ, la va lavɔɔn.»

Dɛnnda cɔɔmuanndan 22:12

Tofa vɔ, i co hunɔɔ sunsun, i co hunɔɔ a vɔ̀ngɔ̀la nilan, le vana-vana mingullo mɛɛ dɛnnda ndɔlan la co yɛ.

Dɛnnda cɔɔmuanndan 2:23

I tuisinin cuavaa ndɔa piɔ́mndo coo. O kon, kundala vanaa laalannda kpow a sinanin maa ya co vana yaasiaa yiyanndan a kɔltan-ndo ni. I mingulnin vana-vana o niaa tɛɛn mɛɛ dɛnnda ndɔlan la co yɛ.

Dɛnnda cɔɔmuanndan 11:18

Vanaa-mangalaa-isɔɔa ndáà cɛn a yolɛi, mì kɔltuw nɔmndo cɔmnun, mì telenndo tiiya le yamɛi vanvílɛ́iya kiolɔɔ, le vanaa baalaa nɔmnda, vanaa-tɛɛngaa-diom Hala-a, vanaa diandaa a vanaa vo diola nɔmndan-nda, cuaambɔa a kaasonnda salaa, le vanaa co lɛŋnden tɛɛmbuuo-a tɛɛmbuuo.»

Yeremi 17:10

Mí ya Mɛlɛka dimi aa: Ya co vana ca o kɔllo nin di-o ni, i sina yiyannda viannannda co o kɔltan nin-ndan. Le hee, i tiwba mi bii vana-vana mɛɛ kela ndɔɔ co yɛ, mɛɛ dɛnnda vana-vana la co yɛ.

Dɛnnda cɔɔmuanndan 3:5

O kon vana nɔlanin-ndo vownunnin volɔɔla humbulan, i vɔɔsuunin diola ndɔlan o sɛbɛ yoomaa nin te, i pialnin diola ndɔlan Fuɲa nuu a mɛlɛkaa ndɔa o hɔl.

Dɛnnda cɔɔmuanndan 20:13

Mí mɛmma ihɛllan ma soli vanvílɛ́yaa va lenin-nda, mí piɔ́m a ciee-piɔ́m-ndo soli vanvílɛ́yaa va lon-nda, mí yamɛi ndɛi kiolu mɛɛ dɛnnda ndalan la va yɛ.

Dɛnnda cɔɔmuanndan 21:27

Ɲɛ-ɲɛ nɔɔlɛi lueinin ndon te, vana lamàà a vana lacòòvaa lueinin ndon te, fɔ vanaa diola ndalan la sɛvan o sɛbɛ yoomaa Saa téndóó nin-nda kínɛí.

Dɛnnda kiilaa 24:15

Tiindan nda tiindan Hala ndaa-o koni ya bɛɛ nɔ ni, maa vanaa sandaa a vanaa sendu le-a kpow a muungunin yoomu.

Condii lisai 62:12

Ɲɛ Hala dimi mì tuɛi ndu lɔ́ɔ́-lɔ́ɔ̀-o co ni aa: «Hala nɔ kpaayaa ni.»

Condii lisai 28:4

Mingul nda mɛɛ kela ndaa co yɛ, bii nda mɛɛ dɛnnda nda vɔɔnndan la co yɛ. A toɲa, tosal nda mɛɛ dɛnnda ndalan la co yɛ, ma mingul nda ɲɛ nda tosa-o.

Dɛnnda cɔɔmuanndan 20:11

O kon mí ca kpɛŋɛ lemasa bɛndu humboo pum a vana va icali lenin-ndo. Mí lɛŋnden a halataalaa ɲaanun ndu, má kɔannun polon, vanaa ci lɛ foofo ndaa le.

Dɛnnda cɔɔmuanndan 19:5

Mí diomndo pum fula a ba kpɛŋɛ lemasaa aa: «La lisà Hala naa, niaa kɛ́-kɛ̀ co vanaa ndɔa baalaa, niaa vanaa co ndu bɛɛlen keu-va, cuaambɔa a kaasonnda.»

Filipea 4:3

Nɔm vana naa n co baalaa latulu ɲɛkɛndɛi-yo bɛɛ, i co nɔm dimul mà mala vanlaandua ŋiɔŋaa kan. Kindinndo pila nda co le Yoongu kɛndɔɔ yondaa naa ndaa a Kileman a caaŋaa naa tɔ̀a naa n va vallo latulu-a ni. Caaŋaa naa diola ndalan la co lasɛvaalan o sɛbɛ cindaa nin-nda pɛɛn.

Luke 10:20

Kɛ nduyɛ, la naŋ kɔl le tùú ɲinaa vɔɔnda co niaa diom tueyɔɔ-o le, kɛ la naŋ kɔl le tùú diola niaalan la co lasɛvaalan o halataala-o.»

Talelan 24:12

Bɔɔle ma dimi aa: «I ve sina le». Kɛ vɛ̀ɛ̀ vana sinà kɔltan-ndo ndu sinà masinaa le? Bàà vana co nɔm mandaa-o sinà le? O mingulnin vana-vana mɛɛ dɛnnda ndɔlan la co yɛ.

Dɛnnda cɔɔmuanndan 13:8

Vanndacieea co o lɛŋnden coo-a kpow a baŋnin ndu vulan o labɛngunin, vanaa diola ndalan láà sɛvan kabi o ceendo kilaa o sɛbɛ cindaa saa téndé nda dii-o nin te-a pɛɛn!

Rɔmnda 2:6

O salanin vana-vana mɛɛ dɛnnda ndɔlan la co yɛ.

Yeremi 32:19

A nɔ bɔɔ tuula bɛndulan, la n peelu a kpaaya bɛndoo lan pɛɛn! A nɔ hɔlten o kelala vanndacieea coo. Mɛɛ kela vana-vana co yɛ n bii vanndacieea ni, mɛɛ kɔmnde dɛnnda ndalan le co yɛ.

Dɛnnda cɔɔmuanndan 17:8

Visi n ce hoo-o va paandu, kɛ o co lɛ le. O co helɔɔ mò fula o soondo nin, mò kɔɛnnun o ɲánndávàà. Mì vanaa co o lɛŋnden coo, diola ndalan la sɛvan o sɛbɛ yoomaa nin kabi o ceendo kandɔnndo le-a dɔwnun kɔndɔfili le visi kalaa cɔu, kani o va paandu yoomu, kɛ o co lɛ le, o kon kɔɔli mì fula vɛlɛ.

1Korɛntea 4:5

Lelan, la kialu vɔ ɲɛ-ɲɛ iyama le, háá mì telen kelun-ndo tiiya. Maalii hin pɛ, o solinin dɛnnda co o ɲumndan nin-ndan ceen, mò cɔm yiyannda co vannda o lakɔltan. O kon vana-vana sɔlanin biilu ndɔɔ fulaa Hala o ba.

Talelan 24:29

Dimi le aa: «Mɛɛ mì tosal ndu ɲɛ ndu tosal-la-o, mì mingul ndu màá o puu ya-o.»

Condii lisai 69:28

Hala, cɔm haki nda kon o hakila ndala tɔ̀lan coo. Tuinun nda iɲii le few.

Matie 11:22

Lelan mì dimul niaa, paale kialaa iyamalen, sɔɛi niɛi hiawnin ikalu a sɔɛi vannda Tir a haa Sidɔn.

Dɛnnda cɔɔmuanndan 20:15

Vana-vana diola ndɔlan la ve lasɛvaa o sɛbɛ cindaa nin te, má viaw nda o dala leyin kon nin.