Dɛnnda cɔɔmuanndan 20:1 - BII BILA

¹ O kon mí ca mɛlɛkanɔɔ tolɔɔ fulaa o halataala, kii soon yingilaa nɔ lamɛɛlu loo a yɔlɔn bɛndon pum va ndu o ba.

Dɛnnda cɔɔmuanndan 20:1 Referans Kwoze

Dɛnnda cɔɔmuanndan 1:18

I co yoomu. Yáà vi, kɛ tofa vɔ, i co yoomu le fɛɛn a fɛɛn. Kiin piɔ́mndo co ya o ba, kiin ciee-piɔ́mndo pɛɛn.

2Piɛr 2:4

Kani Hala mɛi mɛlɛkaa tosa hakio-a lon te, kɛ mó ɲindu nda o soonnda maɲumndan nin, nɛɛ nda co a mandaa le telen kialaa iyamaa-a.

Yude 1:6

La yiyan-ndɔ sɔɛi mɛlɛkaa cɛl le lou o fonda ndaa le-a, kɛ má faŋan o calta ndalan, mí Hala bii nda o yɔlɔn le fɛɛn a fɛɛn. A co cumndo o ɲumma bɛnduan nin le paale bɛndule yamɛi kialunnin-nden.

Dɛnnda cɔɔmuanndan 18:1

O kon kɔɔli, mí ca mɛlɛkanɔ celen tolɔɔ fulaa o halataala, ndóò nɔ kpaaya lemasaa taw, mí lɛŋnden le tenga a biilu ndɔɔ.

Dɛnnda cɔɔmuanndan 10:1

Mí ca mɛlɛkanɔ celen tolɔɔ fulaa o halataala, ndóò nɔ kpaayaa. Yumbuyumboo va ndu o balaa sɔ́. Ninginangaa ndóò kilan ndu yɛwve o lebol pindo, hɔlla va ndu maa lepala, mí pelun ndɔn va maa sungbuma leyin.

Luke 8:31

Mí ɲinaa kan a tɛɛlun Yeesu yɔŋii ndóò yɔɔ nda o soon nɔ lamɛɛlu loo nin.

Dɛnnda cɔɔmuanndan 20:3

Mó viaw ndu o soon yingilaa nɔ kon lamɛɛlu loo nin, mó kinda sondoo, mó baŋul ndu kɔɔli, haliko o luei lɛ vanaa-mangalaa-isɔɔa o pɔwlan nin te, háá mi vɔsila vaa pilɛlan la sul. O kon kɔɔli, mò sɔla timbio le telen bingi.