Dɛnnda cɔɔmuanndan 2:3 - BII BILA

³ Vana biwnanndo n co ni, a yulu sangaa le diola nilan, a vi n'dial te.

Dɛnnda cɔɔmuanndan 2:3 Referans Kwoze

Hebreea 10:36

La hiow laci a biuvɔnndo le hɛnan Hala-o tosaa, mì la sɔla ɲɛm o dimi-on.

Hebreea 12:1

Seiya balu naa sɛ́lɔ́ɔ́, lelan n viòwnún ɲɛ co naa kuunaa kɔlan-ndo a haki simbulun naa-o, mì n ɲaanun háá o kilta naalan mɛɛlulan.

Kalatea 6:9

N sangan le dɛnɛ kɛndɔɔ tosaa le, kani n koawnin a telen bɛnda-o, te n mel te.

Kolɔsea 1:11

N co ndu ɲunaa o nɛi oo nɛi coo le niaa yoomuan lueiyo a kpaaya ndɔ biilaa, o kon mì la va vanaa biuvannda o dɛnndan kpow nin.

Nsaŋ 15:21

Kɛ ken kpow niaa tosallo, le diola nilan, kani a sinà vana vem ya-o le.

1Korɛntea 13:7

Dɛnndan kpow kaolaa mal haki ni, mò laalan ndan kpow, mò tiindan ndan kpow, mò yulu kpow.

Dɛnnda cɔɔmuanndan 3:10

Le mɛɛ n bii sɔɛi nii má yɔŋnun vana biuvanndo yɛ, ya bɛɛ i kandanin nɔm o paale dɛnɛ palaale co hunɔɔ o ceendo kpow coo le vanndacieea o lɛŋnden coo kɔlɔɔ solio.

Hebreea 6:15

Mí Abraham biwnun, mó cum, o kon mó sɔla ɲɛ Hala ndóò dimul ndu le ndu yɔngoo-o.

Hebreea 6:12

La vá vanaa dialun vílɛ́i le, kɛ la vá velan vanaa laalaŋaa kindin má lo lecoo-a, a sɔlá ɲɛm Hala yii kpemaa-on kɛ́ɔ-va pɛɛn.

Hebreea 6:10

Hala co vana kɛɛ isandu le. O pɔɛɛnun ɲɛ niaa co tosaa-o a kaola niaa cɔm le ndu le, o pɔɛɛnun kpekula niaa co vanaa Hala-a solio lan te.

1Timote 4:10

Lelan, te n co pɛ baalaa mì n va sangaa taw, le tùú naa n tiindan Hala nɔ yoomoo o ba-o ni, o co vana ciindiaa le vannda kpow-vo, kɛ taama-taama vanaa laalannda.

2Tesalonikea 3:13

Niaa yɛ puapilɛa naa, la sangà a dɛnɛ kɛndɔɔ tosaa le.

2Korɛntea 4:16

Lelan, n vunnun n'dial te. Dialun naan ivanacieeyan n va bɛɛ tambei o pɔm-pɔmbɔ, kɔl naa ndu bɛnda mò va muungoo o sɛnɛi lepalaa-lepala.

2Korɛntea 4:1

Lelan, le tùú Mɛlɛka tuinun naa iɲíí, mó ke naa vallo ho le tosaa-o, n vunnun n'dial te.

Rɔmnda 12:12

La dɔwnun ɲaale o kɔlkɛsiaa niaa nɔ-o nin. La va vanaa yulu dɛnɛ palaa-a, mì la biwnun o piɛilen nin.

Rɔmnda 8:25

Kɛ te n kɛsi pɛ kɔllo ɲɛ naa n co cɔ loo coo, n cum ndu a biuvɔnndo.

Luke 14:27

Vana-vana cue yɔm singafilaa ndɔɔ mò del-la kɔɔle le, mɛɛ ndu bɛnda mò siŋnun kaandennɔ nuu le.»

Condii lisai 37:7

Biwnun ma cum Mɛlɛka o meiyo nin. Tambu kɔllo le vanaa dɛnndan la co bɛndaa o ba-a le, tuulu kɔllo a vanaa co dɛnndan tosaa a kɔlkalu vɔɔndo-a le.

Dɛnnda cɔɔmuanndan 1:9

«Ya co Nsaŋ ni, puapilɛ niaa co o dɛnɛ palaa pilɔɔ nin, o masale pilɛlen nin a o biuvɔn pilɔɔ nin a niaa o Yeesu nin-ndo. Le sɔɛi Hala-e a le seile Yeesu len, i va o ɲaanɔnndo nin o lɛŋnde co o mɛnndan tɛɛn-nden nin Patmɔs .

2Piɛr 1:6

mì la tiw niaa pila ba handɔɔ o dɛnɛ niaa sina-o coo, mì la va vanaa biwnannda handɔɔ o tiw niaa tiw niaa pila ba-o coo, mì la handu ɲííye o biuvɔn niaa coo,

1Tesalonikea 1:3

Nduyɛ, n co loonɔnndo lɔ́ɔ́-lɔ́ɔ̀ a laalan niaa laalan Hala Fuɲa naa-o, o niaa co cɔmndo o dɛnndan nin mì la va baalaa tosaa o kaolaa nin-ndo pɛɛn, a le tiindan kpeekpei niaa tiindan Maalii Yeesu Krista-o.

2Korɛntea 11:23

Hee ndi maa vana seemɛi kpeekpei ya co ndi dimi ni. Vɛ̀ɛ̀ vanaa baalaa Krista-a nda co ni? Ya, i hiow nda o nɛi kon coo, kani i kei o sangalan taw nin mí hiaw nda, a mal-la o kaasoolan taw mí hiaw nda, i sɔla lɔɔ hiovɔɔ o nda sɔla-o. Mbɔ̀ piɔ́mndo bindibindi ya bɔɔ!

2Korɛntea 5:9

Kɛ ɲɛ tase naa n yeema-o co ni, mì hɛnan Mɛlɛka, n va o dialun ivanacieeyan mun nin, n va lenin te.

Rɔmnda 2:7

O kenin vanaa co biuvɔnndo le dɛnɛ kɛndɔɔ tosaa-a yoomu fɛɛn-fɛɛndo, a co kindinndo le biiloo, bɛɛlen a si lɔ́ɔ́-lɔ́ɔ̀-o sɔlaa-a pɛɛn.

Luke 18:1

Mí Yeesu dimul kaandeŋaa ndɔa taloo le nda cɔmndo maa o bɛnda mà va Hala piɛiyo lɔ́ɔ́-lɔ́ɔ̀, maa a vu n'dial te.

Luke 8:15

Yɛi del o lɛŋnde kɛndɛlen-ndo, ndu co vanaa tuɛi sɔɛi Hala-e, má bii ndi a kɔlkɛndɔɔ a á kɔlta ndalan kpow-va ni, má lo lecoo háá má koam komɔɔ kɛndɔɔ.»

Hebreea 13:13

Mɛɛ n kɔnnun o ndu lo o dɔ́ɔ́ngɔ́ɔ̀ kɔɔli, mì n cɛlnun sɔɔlɛmaa maa ndu.

1Timote 5:17

Kaasoŋaa kɔlkalua co sɔɔn vanaa laalannda simndan laci ɲɛkɛndɛi-ya a nɔ bɛɛlen sala tiɔn, kɛ taama-taama a co diom Hala-o dimio mà va ndu vannda pɛɛkoo-a.

2Tesalonikea 3:8

Vana-vana dow naa balo fúú le, kɛ mí n fafala o baalaa nin, mí n sanga taw. N va baalaa idii a icɔl yɔŋii náà n va o ba vana bɛngu niaa tɛɛn.

2Tesalonikea 3:5

Màá Mɛlɛka cɛl mì la handu kɔltan o kaola Hala-o a o biwnɔn Krista-o coo!

1Tesalonikea 2:9

Puapilɛa naa, la yiyan ndɔ mɛɛ naa n tosa baalaa mí n sanga taw yɛ: n va vallo idii a icɔl telen naa n va niaa Yoongu kɛndɛ fula Hala o ba-o tiiyallo-o yɔŋii naa n va o ba pila bɛngu.

Filipea 4:3

Nɔm vana naa n co baalaa latulu ɲɛkɛndɛi-yo bɛɛ, i co nɔm dimul mà mala vanlaandua ŋiɔŋaa kan. Kindinndo pila nda co le Yoongu kɛndɔɔ yondaa naa ndaa a Kileman a caaŋaa naa tɔ̀a naa n va vallo latulu-a ni. Caaŋaa naa diola ndalan la co lasɛvaalan o sɛbɛ cindaa nin-nda pɛɛn.

Filipea 2:16

kani la nɔ sɔɛi yoomuɛi. Lelan siɛmbula biinin ya paale Krista hunnin-nden te, kani i ɲeenun ɲaanɔn fondo le, i sanga sanga fondo le.

Kalatea 6:2

La maalian o sangalan nin vellaa-velle, tɔŋ Krista-o peeloo co kon ni.

2Korɛntea 10:15

Lelan n kilu yonga mì n hiow ba a baala caanda tosa-o le. Kɛ n nɔ tiindanndo maa laalan niaa cɔɔlunnin, o kon mì fonda vali naa n tosa niaa tɛɛn-ndo hiow laci, nduyɛ, n hiwnin pɛɛngula hendulun naa lan coo le.

2Korɛntea 6:5

Vannda lɔɔ naa, má mal naa o kaasoolan. Mí vanaa pum a del naa coo. N tosa baalala kálà-kálàlan, má lɔli naa lahɔl, má tuŋ naa ɲɛdiaa.

Rɔmnda 16:12

La yil-la Trifɛn nda Trifos. Baalaa pila nda co tosaa le Maalii ni. Mì la yil-la Pɛrside, o ya kaola taw-vo, baalaa pila ndu bɛɛ tosa le Maalii ni.

Luke 21:19

Lelan la ló biuvɔnndo, mì la sɔla cindaa.»

Marke 15:21

Mɛɛ nda va kɔlan le ndu baŋɔɔ o yɔm singafilaa coo, má bɔŋan a langbanɔɔ pum fulaa Sirɛne. O va cɔnɔnndo o ciɛɔn nin, mó kei a lon, diolan ndu Simɔn, fuɲa Alɛksandre nda Rufis. Mí vanaa cɔwva baŋ ndu kangalan le kɔlan a yɔm singafilaa Yeesu-o.

Misee 7:9

Fɔ mì biwnun kɔltuw Mɛlɛka-o, kani hakio ya cua a ndu ni. Telen co tiiya, o soaanin le ya, mò ke ya dí nuu. O solinin ya o ɲɛ-tengaa, mò tosal-la dɛnɛ kɛndɔɔ.

Condii lisai 69:7

Maalii, Mɛlɛka-Nɔ-Kpaayaa-Kpow-vo, màá siɛmbulan la bíì vanaa tiindan nɔm-nda le dɛnɛ nuu le! Nɔm Hala Israɛlla, màá siɛmbulan la toal vanaa co nɔm nuwviaa-a le dɛnɛ nuu le!

1Tesalonikea 5:12

Puapilɛa naa, n co niaa tɛɛlɔn, la ke vanaa co niaa baalaa tɛɛn-nda bɛɛlen, vanaa Hala vem le niaa simndan laci ma vá niaa pɛɛkoo-a pɛɛn.

1Korɛntea 16:16

haliko mi la tuei vanaa vaa lende a vana-vana nda co vallo tosaa nda ndaa diom.

Luke 5:5

Mí Simɔn mulul ndu aa: «Vana bɛndoo, ciɛi icɔl pii sangaa naa n lɔl ni, n cue ɲɛ-ɲɛ le. Kɛ le mɛɛ n dimi yɛ, i co yalalan vuu.»