Dɛnnda cɔɔmuanndan 2:26 - BII BILA

^26-28 Vana nɔlanin-ndo, vana mandanin dɛnnda nilan háá mi hin-ndo, i kenin ndu kpaaya ya pila sɔla Fuɲa nuu o ba-o. I yɔngunin vana kon kpaayaa vanaa-mangalaa-isɔɔa coo, mò tosa masalen nda coo a kpaayaa, mò pesipesi nda maa kpɛɛnɛi puulu. I kenin ndu vɛlɛ loei idii-ye.

Dɛnnda cɔɔmuanndan 2:26 Referans Kwoze

Dɛnnda cɔɔmuanndan 3:21

Vana nɔlanin-ndo, i kɛsinnin ndu ikɛi o kpɛŋɛ ni lemasaa coo maa mɛɛ ya nɔla, mí n kɔ cal naa Fuɲa nuu o kpɛŋɛ ndɔ lemasaa coo yɛ.

Daniɛl 7:27

Masalen, vanabɛnduyɛi a bɔɔbɔɔyɛi lemasɛi o lɛŋnden kpow coo yɔngunnin kunda vanaa diandaa Ó-Hiow-Ɲɔɔn-Kpow-vo-a. Masale ndalen le co le fɛɛn a fɛɛn. Vanaa co masalen tosaa-a kpow a tosalnin nda baalaa, mà bii sɔɛi ndɛi.›

Dɛnnda cɔɔmuanndan 20:4

Mí ca kpɛŋɛla lemasalan, mí vannda cal lecoo. Mí dio kennun nda le yamɛi kiolɔɔ. Mí ca kɔlta vanaa nda kili bolle le seile Yeesu len a le sɔɛi Hala-e-a, a vanaa ndáà beŋ vulan visio a tuula ndɔɔ o labɛngunin te-a, a ndáà sui pondalen o itendu a o baa le-a pɛɛn. Má muungu yoomu, má tosa masalen nda Krista-a latulu le vɔsilan vàá pilɛ.

Dɛnnda cɔɔmuanndan 2:7

Vana nɔ pɛ nilan, mɛɛ ndú tuéi ɲɛ Kɔl-Diandaa co kundala vanaa laalannda dimullo-o. Vana nɔlanin-ndo, i kenin ndu kɔmnde yɔm ciindaa le dioo, yɔm cindaa co o nakɔ Hala-o nin-ndo pɛɛn.›»

Condii lisai 2:8

Ɲuna ya, mì yɔngu nɔm vanaa-mangalaa-isɔɔa kpede kɛ́ɔ, mì ke nɔm lɛŋnden háá o mɛɛlula ndɔlan, mì le va ɲɛ nɔm pɛ́-pɛ́.

Dɛnnda cɔɔmuanndan 22:5

Ɲumma ve lɛnin te, a nɔ lɛnin mako a ɲɛ-tengaa fitina le, a nɔ lɛnin mako a ɲɛ-tengaa lepaa le, kani Mɛlɛka Hala teengiaanin nda ni, mà tosa masalen le fɛɛn a fɛɛn.

1Nsaŋ 5:5

Ɔ́ɔ̀ vana nɔla ceendo-o, te o faŋan pɛ o vana laalan maa Yeesu co Po Hala-o ni-o kɔɔli?

Nsaŋ 6:29

Mí Yeesu mulul nda aa: «Baala Hala-o co ni, mì la laalan vana o vem-ndo.»

Matie 24:13

Kɛ vana lonin biuvɔnndo háá o mɛɛlulan-ndo, ndu sɔlanin cindaa.

Daniɛl 7:22

háá telen Bɛndu Yuu Masindɛ-Sindɔɔ hin le yamɛi kiolɔɔ-o, mó ke vanaa diandaa Ó-Hiow-Ɲɔɔn-Kpow-vo-a di. Mɛɛ telenndo tiiya, mí vanaa diandaa sɔla masalen.

Dɛnnda cɔɔmuanndan 2:11

Vana nɔ pɛ nilan, mɛɛ ndú tuéi ɲɛ mɛlɛkanɔɔ co vanaa laalannda dimullo-o. Piɔ́m diinndɔɔ pilannin vana nɔlanin-ndo le.›»

Dɛnnda cɔɔmuanndan 3:12

Vana nɔlanin-ndo, i siinguunin ndu sungbulen o Cɛi-Hala nuu nin, o fula lɛnin lɔ́ɔ́-lɔ́ɔ̀ le. I sɛvanin diola Hala nuu a diola kobi Hala nuu, Yerusalɛm sɛnɛi co fula o halataala o Hala nuu lo-o a diola nila sɛnɛilan ndu coo.

Dɛnnda cɔɔmuanndan 2:17

Vana nɔ pɛ nilan, mɛɛ ndú tuéi ɲɛ Kɔl-Diandaa co vanaa laalannda dimullo-o. Vana nɔlanin-nda, i kenin ndu manne vianaa a pow humboo, pow diola sɛnɛila lasɛvaa coo-o, vana-vana sina diola lan te fɔ vana sɔla lan-ndo.›»

1Nsaŋ 3:23

Tɔŋ ndɔ kon co yɛ hoo ni: n laalan o diola Yeesu Krista Po ndɔ lan, mì n kaolian vellaa-velle maa mɛɛ sɔɛi o dimul naa-e co yɛ.

Nsaki 2:20

Nɔm diɔmndo ho, a yeema lekɛ́ndɛi ma sina maa laalan dɛnndan la co nin too nɛŋi mako le?

Rɔmnda 8:37

Kɛ o dɛnnda lan nin kpow, vana kaola naa-o tosa ni mí n va caanda tiwvo ba.

Rɔmnda 2:7

O kenin vanaa co biuvɔnndo le dɛnɛ kɛndɔɔ tosaa-a yoomu fɛɛn-fɛɛndo, a co kindinndo le biiloo, bɛɛlen a si lɔ́ɔ́-lɔ́ɔ̀-o sɔlaa-a pɛɛn.

Daniɛl 7:18

Kɛ vanaa diandaa Ó-Hiow-Ɲɔɔn-Kpow-vo-a sɔlanin masalen, mì le va le nda le fɛɛn a fɛɛn.›

Dɛnnda cɔɔmuanndan 21:7

Ɲɛ vana nɔlanin-ndo sɔlanin kɛ́ɔ-vo co hoo ni: I vanin Hala ndɔɔ, mì ndu va po nuu.

Hebreea 3:6

Kɛ sunsun, Krista yɔŋnun po tosa vallo o sandei nin-ndo, ndu co Cɛi-Hala-o bollen ni. Te n lo pɛ kɔllo kɛsio o laalan naa n tiindan-ndo coo, mɛɛ naa n co cɛi ndɔ kon ni.

Matie 19:28

Mí Yeesu mulul nda aa: «Mì dimul niaa toɲaa, telen dɛnndan kpow la muungunin lasɛnɛi, mì Po vanacieo va icali o kpɛŋɛ ndɔ lemasa biilaa nin-ndo, niaa vanaa del-la kɔɔli-a bɛɛ, la vanin icali o kpɛŋɛla lemasalan tɔ́ a latiɔn nin le yamɛi polama tɔ́ a mamiɔmma Israɛlla kiolɔɔ.

Condii lisai 49:14

Tofa vɔ ɲɛ co le vanaa co nda pila tiindanndo-a-o, siɔdii laci vanaa yeema mì vannda yaŋ nda nilan-nda pɛɛn:

Dɛnnda cɔɔmuanndan 3:5

O kon vana nɔlanin-ndo vownunnin volɔɔla humbulan, i vɔɔsuunin diola ndɔlan o sɛbɛ yoomaa nin te, i pialnin diola ndɔlan Fuɲa nuu a mɛlɛkaa ndɔa o hɔl.

1Nsaŋ 2:19

Naa n tɛɛn nda fula ni, kɛ a ve vanaa naa le, kani te ndáà va pɛ vanaa naa, a va lo latulu naa ndaa. Kɛ i tósan lende haliko mi n sínà maa vana-vana o nda tɛɛn co o naa le.

1Tesalonikea 3:5

Lelan, le mɛɛ yáà tiw lɛ ba cum kon yulɔɔ le yɛ, mí viam Timote le kɔlan sɔɔn ɲuuniaa a laalan niaa o kɔɔ. I va buulanndo yɔŋii ɲina vɔɔndo ndóò tɔɔndan niaa, mì vali naa ndóò siŋnun fúú.

Condii lisai 2:9

Ma tosa nda masalen coo a tinda icilinndo, ma pesipesi nda maa kpɛɛnɛi pulu.»

Matie 10:22

Vannda kpow nɔnin nɛyɔn niaa le diola nilan. Kɛ vana lonin lecoo háá o mɛɛlulan-ndo, ndu sɔlanin cindaa.