Dɛnnda cɔɔmuanndan 2:23 - BII BILA

²³ I tuisinin cuavaa ndɔa piɔ́mndo coo. O kon, kundala vanaa laalannda kpow a sinanin maa ya co vana yaasiaa yiyanndan a kɔltan-ndo ni. I mingulnin vana-vana o niaa tɛɛn mɛɛ dɛnnda ndɔlan la co yɛ.

Dɛnnda cɔɔmuanndan 2:23 Referans Kwoze

Matie 16:27

Kani Po vanacieo co hunɔ̀ɔ̀ o biilu Fuɲa ndɔ-o nin a mɛlɛkaa ndɔa, o kon o dɔawnin vana-vana vɔ́ngɔ̀ mɛɛ dɛnnda ndɔlan la co yɛ.

Condii lisai 7:9

Nɔm Mɛlɛka kialu yamɛi vannda súúlan kpow ni. Kiolu yamɛi toɲɛi mɛɛ dɛnɛ ni sandaa a kela ni kɛndɔɔ co yɛ.

Rɔmnda 8:27

Hala ca o kɔltan nin di-o sinà yiyan Kɔl-Diandaa. Kani mɛɛ hɛnan Hala-o co yɛ Kɔl-Diandaa piɛi le vanaa diandaa ni.

Dɛnnda kiilaa 1:24

O kon kɔɔli, má piɛi Hala aa: «Maalii, a sínà yiyannda vannda kpow, cɔm vana n hɛli o vanaa ŋiɔnda ha tɛɛn

1Piɛr 1:17

La co Vana hiyan vana o yamɛi kiolɔɔ nin too veeloo o piɛile niaalen nin aa Pua, ó kialu yamɛi vannda mɛɛ dɛnnda vana-vana la co yɛ-o pɛɛn, lelan la kela a siòònde telen niaa co o lɛŋnden coo-o.

Yeremi 11:20

Kɛ nɔm Mɛlɛka-Nɔ-Kpaayaa-Kpow-vo, nɔm co vana kialaa n'yama sandaa ni, nɔm sina yeemɛi a yiyanndan kpow ni. I canin mɛɛ n mingulnin nda maa yɛ, kani nɔm ya tiindan ni.»

Yeremi 17:10

Mí ya Mɛlɛka dimi aa: Ya co vana ca o kɔllo nin di-o ni, i sina yiyannda viannannda co o kɔltan nin-ndan. Le hee, i tiwba mi bii vana-vana mɛɛ kela ndɔɔ co yɛ, mɛɛ dɛnnda vana-vana la co yɛ.

Yeremi 20:12

Nɔm Mɛlɛka-Nɔ-Kpaayaa-Kpow-vo, a sinà vana sandu a nɔm-ndo. A sinà yeemɛi nɛi a yiyannda naalan. Nɔm ya dimul le ya kandaa ni, i canin mɛɛ n solinin ya mɔnɛi yɛ.

Condii lisai 62:12

Ɲɛ Hala dimi mì tuɛi ndu lɔ́ɔ́-lɔ́ɔ̀-o co ni aa: «Hala nɔ kpaayaa ni.»

Condii lisai 44:21

Te náà n pɔɛɛnun pɛ diola Hala naa, te náà n sooluu pɛ hala celenndo,

2Dɛnnda lemasalan 6:30

nɔm Mɛlɛka, mulul nda nɛɛ n co icali o halataala-a. Mal nda haki ma mingul vana-vana mɛɛ kela ndɔɔ co yɛ, kani a sina yiyan vana-vana nɔ o kɔl-lo. Nduyɛ, nɔm pilɛ kpé sina yiyannda co vanndacieea o kɔl-tan ni.

1Samiɛl 16:7

Kɛ mí Mɛlɛka dimul Samiɛl aa: «Ɛ-ɛ, tofa ndu le tùú o naŋ hɔlla mó caa simndan-ndo le, o co ndu le ya hɛli le. Kani ya-ya, yiyan nuu co maa yiyan vanaciee le. Diallon kínɛí vanacieo ndu tofa ni, kɛ ya ya, ɲɛ co o kɔllo nin di-o ya ca ni.»

Dɛnnda cɔɔmuanndan 20:12

Mí ca vanvílɛ́iya, kaasonnda a cuaambɔa, a va isisi o kpɛŋɛ lemasaa hɔl-ndɔ. Mí sɛbɛlan la kumbin, mí sɛbɛ celen kumbin, sɛbɛ cindaa va kon ni. Mí yamɛi vanvílɛ́iya kiolu, maa mɛɛ sɔɔn va n sɛvaa o sɛbɛla lan nin-ndon va yɛ, maa mɛɛ dɛnnda vana-vana la va yɛ.

Hebreea 4:13

Ɲɛ-ɲɛ co o viannan Hala o hɔl te. Ɲɛm o toosiaa-on kpow n co ndu o hɔl vakpa. O kei dɔ́ɔ́ pɛ hɔlten, o ce kpede. Nduyɛ, o ndu lo naa n dɔawnun kona ni.

2Korɛntea 5:10

Kani naa kpow, mɛɛ mì n kɔ sim kpendekele o fonda kialaa n'yama Krista-o, haliko mo kelu naa iyama a pilɛn-pilɛnnda, mì n sɔla o vana-vana nɔ le sɔlaa-o, o va o kɛndɛ, o va o vɔɔn, mɛɛ naa n kela o ceendo coo yɛ.

Condii lisai 26:2

Mɛlɛka, dɔw ya taasi, ma fɛfɛla ya, tosa fula makɔɔ ma yaasiaa kɔl nuu.

1Dɛnnda lemasalan 29:17

Éé Hala nuu! I sina maa o kɔltan nin di n tofa vana ni, a yeema vɛlɛ dɛnɛ sandaa. Nduyɛ, a kɔl ni sandaa ya yɔngu nɔm ɲɛm-kéan mun kpow ni. I co nihau cɔu mɛɛ vanaa nɔmaa co haa nanu-a co nɔm ɲɛm-kéan yɔngoo a ɲaaloo yɛ.

1Dɛnnda lemasalan 28:9

Nɔm Salomɔn po ni yɛ, sina Hala fuɲa nɔmndo. Tosal ndu baalaa a kɔl nɔmndo a á yoomu nɔmndo kpow, kani ɲɛ co vanacieo o kɔllo nin di-o Mɛlɛka tofa ni. O sina yiyannda vannda kpow. Taa nuwviaa ndu pɛ, o cɔmnunnin nɔm, kɛ taa mulul ndu pɛ kɔɔ, o malnin nɔm le lɔ́ɔ́-lɔ́ɔ̀.

Dɛnnda cɔɔmuanndan 2:11

Vana nɔ pɛ nilan, mɛɛ ndú tuéi ɲɛ mɛlɛkanɔɔ co vanaa laalannda dimullo-o. Piɔ́m diinndɔɔ pilannin vana nɔlanin-ndo le.›»

Dɛnnda cɔɔmuanndan 2:7

Vana nɔ pɛ nilan, mɛɛ ndú tuéi ɲɛ Kɔl-Diandaa co kundala vanaa laalannda dimullo-o. Vana nɔlanin-ndo, i kenin ndu kɔmnde yɔm ciindaa le dioo, yɔm cindaa co o nakɔ Hala-o nin-ndo pɛɛn.›»

Rɔmnda 14:12

O kon vana-vana o naa tɛɛn dɔawnunnin kona o Hala lo le ndu pila.

Nsaŋ 21:17

Mó ɲuna ndu o yàándɔɔ aa: «Simɔn po Yonas-o, vɛ̀ɛ̀ a kaola ya pá?» Mí kɔllo tambu Piɛr le peelu Yeesu peelu ndu sɔɛi ken ɲunaa bɛmbɛ leyáá-o. O kon mó mulul ndu aa: «Maalii, a sínà dɛnndan kpow, a sínà maa i kaola nɔm.» Mí Yeesu dimul ndu aa: «Landu hɔlla saa niaa coo.

Tɔŋ miingua 19:20

Siòònde biinin vanaa tɔ̀a tuɛinin sɔɛi ken-nda, o kon vana-vana tɔɔndan ndɛnin le dɛnɛ kɔlvesɛi vaa lende tosaa niaa tɛɛn te.

Tɔŋ miingua 17:13

Te vanaa tɔ̀a tuei pɛ lende, siòònde bii nda taw. O kon, vana-vana tosa lɛnin dɛnɔɔ a yongaa lende le.»

Tɔŋ miingua 13:11

A powtan n lonin ndu viiyo ni háá mo vi, kani ndóò yeema le nɔm faŋaa o nɛi Mɛlɛka Hala nɔmndo coo, o soli nɔm Esipte nɛɛ n va o cɛlen nin-nda-o.

Dɛnnda cɔɔmuanndan 6:8

Mí mɛɛndan, mí ca so pupulaao. Vana va lecoo-o diolan aa Piɔ́mndo, ciee-piɔ́m va ndu kɔlan kɔɔli. Mí dio kennun nda le masalen tosaa o bungɛi pilɛ, o bungan hiɔɔlun lelɛŋndon coo le vannda diwvo a mɔɛi cɔwve, a yima fofolan, a nàà halimaa a á visia biyaa co o lɛŋnden coo-a.

Tɔŋ miingua 21:21

O kon, vanpiaandua co o kobi kon nin-nda kpow a vii ndu a powtan háá o vi. Lende niaa solinin dɛnɛ vɔɔndo niaa tɛɛn ni. Israɛlla kpede a tuɛinin sɔɛi ken, mì siòònde bii nda.»

Kalatea 6:5

Kani vana-vana cuanin volɔɔ ndɔ.

Sofoni 1:11

Niaa vanaa co Maktɛs-a, la hiiliaa, kani yulaa niaa kpow co hunɔɔ vu, vanaa co lusul n'volio tuuvo-a kpede a cuunin!

Condii lisai 139:1

Condii David-e, í fula o condun simlacinɔ vanaa n'condua nin-nde. Éé Mɛlɛka! A cii ya taasi dɔvɔɔ, a sinà yiyan co ya o kɔl nin di-o.

Luke 16:15

Mí Yeesu dimul nda aa: «La co cɔnɔnndo maa vanaa sandaa niaa co vannda o hɔl ni, kɛ Hala sina kɔlta niaalan. Kani ɲɛ vannda ca o sɔvɛɔ-o, ndu nɛinun Hala ni.

Dɛnnda cɔɔmuanndan 20:13

Mí mɛmma ihɛllan ma soli vanvílɛ́yaa va lenin-nda, mí piɔ́m a ciee-piɔ́m-ndo soli vanvílɛ́yaa va lon-nda, mí yamɛi ndɛi kiolu mɛɛ dɛnnda ndalan la va yɛ.

Dɛnnda cɔɔmuanndan 22:12

Tofa vɔ, i co hunɔɔ sunsun, i co hunɔɔ a vɔ̀ngɔ̀la nilan, le vana-vana mingullo mɛɛ dɛnnda ndɔlan la co yɛ.

1Dɛnnda lemasalan 17:18

Yɛɛ ya David tiw yɛnin ba le nɔm dimullo handɔɔ o bɛɛle n ke ya len-nden coo? A sina ya, ya vana nɔm baalaa pɛɛn.

SƐBƐ YƆB-O 24:23

O ke nda kɔlkɛsiaa a nda pila o kɔɔ, kɛ, o nɔ hɔlten o nɛila ndalan coo.

Nsaŋ 4:16

Mí Yeesu dimul ndu aa: «Kɔ veelu pɔnɔ nɔm mà muungu nanu.»