Biblia Todo Logo
Bib sou entènèt

- Piblisite -




Dɛnnda cɔɔmuanndan 2:17 - BII BILA

17 Vana nɔ pɛ nilan, mɛɛ ndú tuéi ɲɛ Kɔl-Diandaa co vanaa laalannda dimullo-o. Vana nɔlanin-nda, i kenin ndu manne vianaa a pow humboo, pow diola sɛnɛila lasɛvaa coo-o, vana-vana sina diola lan te fɔ vana sɔla lan-ndo.›»

Gade chapit la Kopi




Dɛnnda cɔɔmuanndan 2:17
24 Referans Kwoze  

O kon, vanaa-mangalaa-isɔɔa a canin dɛnɛ nɔm sandaa, masaa kpow a canin biilu nɔmndo. A veelunin nɔm a diola sɛnɛila Mɛlɛka solinnin o sondo mò yɔngu nɔmndan.


Diola niaalan la lonin vanaa niaa ya hɛli-a o lasondo o mɛɛniaalan nin, mà va dimio aa: «Màá Maalii, o co Mɛlɛka-o cua nɔm mà sɔla piɔ́mndo lende fɔ́!» Kɛ o kenin vanaa ndɔa baalaa diola celen.


Vana nɔ pɛ nilan, mɛɛ ndú tuéi ɲɛ mɛlɛkanɔɔ co vanaa laalannda dimullo-o. Piɔ́m diinndɔɔ pilannin vana nɔlanin-ndo le.›»


Vana nɔ pɛ nilan, mɛɛ ndú tuéi ɲɛ Kɔl-Diandaa co kundala vanaa laalannda dimullo-o. Vana nɔlanin-ndo, i kenin ndu kɔmnde yɔm ciindaa le dioo, yɔm cindaa co o nakɔ Hala-o nin-ndo pɛɛn.›»


A va condii sɛnɛiye solio o kpɛŋɛ lemasaa, ɲaa yoomaa hiɔɔlua a bɛndua yuuvɛiya o hɔl. Vana-vana celen ndóò nɔla condii kalɛi pɛiyo le, fɔ vanaa vaala kɛmɛ belehiɔɔlu a lahiɔɔlua (144 000) sɔla baŋaa o lɛŋnden coo-a.


Vana nɔ pɛ nilan, mɛɛ ndú tuéi ɲɛ Kɔl-Diandaa co kundala vanaa laalannda dimullo-o.›»


Vana nɔ pɛ nilan, mɛɛ ndú tuéi ɲɛ Kɔl-Diandaa co kundala vanaa laalannda dimullo-o.»


Kani la vi, mí yoomu niaa va o vianaa a Krista latulu o Hala nin.


Vanaciee nɔ Hala Kɔl-Diandaa loo nɔla mò cɛl sɔɔn Hala Kɔl-Diandaa le, kani sɔɔn ndiɔmndon n co ndu o hɔl ni. Mɛɛ mì Hala Kɔl-Diandaa va vanndo nin malan o sínà mun kɔlɔlan.


Mí Yeesu mulul nda aa: «Niaa, la sɔla sinapɛngoo le dɛnnda viannanndan bilaa biyɔɔ a masale halataala len o kɔɔ, kɛ nda sɔla sinapɛngu vaa lende le.


Lelan, nuaa Maalii Hala soo ni aa: La tuei-yɔ, vanaa niaa baalaa vanin ɲɛdiaa dioo, niaa niaa, yiaan ma vanin niaa nɛiyo, vanaa niaa baalaa vanin kolɔɔ. Kɛ niaa, la vanin a bolola vesɛilan, vanaa niaa baalaa nda vanin ɲaaloo dɔwnɔnndo, kɛ niaa niaa, siɛmbulan la vanin niaa coo.


Kani vana kɔlvesɛiyo nɛinun bɔɔ Mɛlɛka, kɛ ò cɔ̀m vanaa sandaa kɔl ndɔɔ.


Kɛndɛi nɔmnde co bɔɔ isɔvɛ, Hala! Vanndacieea co vionnɔnndo nɔm o ba bɛngu, o vunduma kumbannda nɔmndan bɛngu.


Vanaa nɔ siòòŋii Mɛlɛka-e-a, nda Mɛlɛka cɔm sɔɔn ndɔn viannanndon ni, le nda kpema ndɔɔ cɔmndo.


Kɛ mó dimul nda aa: «I nɔ ɲɛdiaa nuu, o niaa sina loo.»


Kani nuaa Mɛlɛka dimi ni aa: «Vanpiaandua nda tɛnda bosio-a, a kenin palɛi pɛngiɛi nii bɛɛlen-nda, a hɛlinin hɛnan nuu le tosaa-a a lonin isisi yili o kpema nuu nin-nda,


Mɔnɛi co vanndo o kɔl-le, ndu pilɛ kpé sina ndi ni. Ndu pilɛ kpé sina vɛlɛ kɔlkɛndɛ co ndu o kɔl-lo ni, vana celen nɔla dɛnnda lan sinanndo maa ndu pila le.


Mí Moise dimul vɛlɛ Aarɔn aa: «Cua bonyei ma vow manne lenin letilio lehiɔɔlu, mà kɛsi ndu Mɛlɛka o hɔl, haliko mo va o mandaa kpáŋ le cuavaa niaa imamaa.»


i yɔngunin nda pow sálàá a diolan tɔ́ɔ́lan o cɛi nuu nin, o kpakila nilan nin pɛɛn, mò hiow poaa a cuavaa laandua vaa fisa, I yɔngunin nda diola fɛɛn-fɛɛnndan, la ɲumnin lɔ́ɔ́-lɔ́ɔ̀ le lan.


Diolan lapum la va lasɛvaalan ndu o doma bɛndoo coo a ndu o lɔloo coo aa: «Masa hiow masaa-o a Vana bɛndu hiow vanaa bɛndua-o.»


Vana nɔ pɛ nilan le tueyɔɔ, mɛɛ ndu tuei.»


Swiv nou:

Piblisite


Piblisite