Dɛnnda cɔɔmuanndan 2:14 - BII BILA

¹⁴ Kɛ nduyɛ, i nɔ ɲɛ pum o kɔl a nɔm: A nɔ vɔ vannda pum, a co a yiinannda a pɛɛku Balaam-ndo-a. Ndu pɛɛku Balak ni maa o tosà o nɛi oo nɛi coo mì cuavaa Israɛlla mal nɛiyo, mà de visin nda solul piɔmnda sálàá-on, mà tosa dɛnnda laasiɛilan.

Dɛnnda cɔɔmuanndan 2:14 Referans Kwoze

2Piɛr 2:15

A faŋan o nɛi sandaa coo, má del Balaam po Bosɔr-o kɔɔli, mí ndu fula sala dɛnɛ vɔɔndo hɔlten,

Kundalan 31:16

La loonun maa nda Balaam yɔngu silala vɔɔnndan ni ma tosa mí Israɛlla del kasi a Mɛlɛka o dɛnɛ Peɔr-o nin. Nduyɛ kon tosa ni mí nàà halimaa toal kunda Mɛlɛka-o coo.

Dɛnnda cɔɔmuanndan 2:20

Kɛ sɔɛi ya hini kɔl a nɔm tei co hee ni: a co Yesabɛl, cua co veelɔnndo aa vana-tɛɛngaa-diom Hala-o-o malɔɔ vannda pɛɛkoo, mò va vanaa nia baalaa faŋaa o nɛi, haliko ma luɛi laasianndo, mà luɛi vɛlɛ visin nda solul piɔmnda sálàá-on dioo.

Yude 1:11

Dɛnɛ palaa co le nda! Kani o nɛi Kaɛn-ndo coo nda co kɔlan ni, maa mɛɛ Balaam luɛi o pɔwlan nin le tɔnɔɔ sɔlaa yɛ koni nda tosaa ni. Má sɔla piɔ́mndo le tùú nda cɛn a nila kalulan maa Koore-o.

Dɛnnda kiilaa 15:29

la dia visin nda co halaa fondoa sálàlan solullo-on te. La dia kooma cɔlua te kon te visin visi nda kundikundi mí koovan ma lo ndu nin-ndo le, la suunda le. Te la kpakpala pɛ dɛnndan ndan kpow, mɛɛ o naŋ. La lɔl kɛndɛ!»

Hebreea 13:4

Vannda kpede bɛnda mà ke nɔu bɛɛlen, mì vanaa co o nɔ̀u nin-nda, vana-vana lo o lediom coo a vanndo pilɔɔ vellaa-velle. Kani Hala kialunin yamɛi vanaa laasiannda a vanaa suundaa.

Yosue 24:9

Mí Balak, po Sipɔr-o, ó va masaa Moab-o ndu can le Israɛlla delɔɔ coo a cɔwvo, mó viam kilaa le Balaam po Beɔr-o veeloo le hunɔɔ niaa dangaa dɔvɔɔ.

1Piɛr 2:8

O kon kɔɔli, mó dimi vɛlɛ aa: «Pow tosa mà boŋ, mà del-lo co kon ni.» Vanaa kan a del kani a kɛɛ le diom Hala-o biyɔɔ, nduyɛ ken ndíì kelun le nda ni.

Dɛnnda kiilaa 21:25

Le vanaa co yɛ N'Yuifi le-a yɛ, a siŋnun vanaa laalannda-a, n co nda sɛbɔɔ sɛval, mì n dimul nda yiyan naa maa o bɛnda mà de visin nda co sálàlan solio o máánndan nin-ndon te, a dia visin cɔlua nda ŋɔw bololan mó vu-o le, maa a mandan vɛlɛ a dɛnɛ suundaa.»

Kundalan 31:8

Má diw vɛlɛ masaa Madiannda nda ŋuɛɛnu: Evi, Rekɛm, Sur, Hur a Reba. Má dii vɛlɛ Balaam po Beɔr-o a mɔɛi cɔwve.

Dɛnnda cɔɔmuanndan 22:15

Kɛ nduyɛ vanaa tosaa dɛnnda vɔɔnda, vanaa mangalaa, vanaa tosaa dɛnnda nɔɔlɛiya, vanaa diuvaa n'vannda, vanaa soolaa n'piɔmnda a vana-vana kaola còòlan mo co lan dimio, nda lueinin te few.

Dɛnnda cɔɔmuanndan 21:8

Kɛ vanaa isiòònda, vanaa laalan te-a, vanaa tosa mààlan-nda, vanaa diw vannda-a, vanaa tosa dɛnnda laasiɛilan-nda, vanaa mangalaa, vanaa soolaa n'piɔmnda a vanaa lacòòvaa kpede, o dala bɛndu leyin fungoo vanin ŋɔu nin-ndo nin fonda ndaa vanin ni, piɔ́m diinndɔɔ co kon ni.»

1Korɛntea 7:2

Kɛ nduyɛ, yɔŋii vana vow balan o dɛnnda nɔɔlɛilan nin, o co fisa mì vanapɔnɔ oo vanapɔnɔ nɔ lanɔɔ o ndɔɔ, nduyɛ mì vanalanɔɔ oo vanalanɔ bɛɛ nɔ pɔnɔɔ o ndɔɔ.

Matie 18:7

Dɛnɛ palaa co le ceendo, le tùú o co vannda pelon lueiyo o pɔwlan nin-ndo. I co toɲa maa fɔ mí pɔwlan la yɔŋnun, kɛ dɛnɛ palaa co le vana co yɔŋnɔn sabu le pɔwla lan yɔŋnɔnndo-o.

Esekiɛl 3:20

Te vana sandaa faŋan pɛ o dɛnɛ sandaa coo, mò luɛi o laasianndo nin, i kɛsinin yaŋɔɔlen ndu laci, o hawnin ndon mò vi, le tùú n kɛɛ le ndu sɔɛi ken tɛɛngullo a le ndu kanalanndo-o. Vana loonun ndɛnin a dɛnnda sandaala o tosa lan te. Lelan, nɔm ya heelunin sɔɛi piɔ́m ndɔɔ o lebol ni.

Kundalan 24:14

Lelan sisa, i co hunɔɔ muungu yungu nuu o ibuŋ. Kɛ telen pá ya kɔa, hun mì dimul nɔm ɲɛ vannda ha tosalnin vanaa nɔmnda siɔdii laci-o.»

Rɔmnda 14:21

O naŋ-ndo co ni, vana dia n'visi le, vana kol mamɔi le, vana tosa ɲɛ-ɲɛ luei puapilɛ nɔmndo o pɔwlan nin-ndo le.

Rɔmnda 14:13

Lelan n pɛngin yaman kiolɔɔ naa pila tɛɛn. La kindin, kɛ la hendul lɛ puapilɛa niaa pow boŋaa, te kon te ɲɛ luei nda o pɔwlan nin-ndo laci le.

Esekiɛl 44:12

Kani lende nda va vanaa kan baalaa tosallo o piɔmaa ndaa sooloo nin ni, nda yɔŋnun vanaa luei cuavaa Israɛlla o hakio nin-nda ni, lelan yɔŋ vɔɔn ndaa toalnin nda coo. Ya Mɛlɛka dimi lende ni, mí heelu ba nuu coocoo mí mɛnalan nda po!

Yeremi 6:21

Lelan Mɛlɛka dimi ni aa: «I handunin powta boŋaalan vannda ha laci, lon fuɲaa nda poaa ndaa boŋinin ni, mì vanaa cal nɛɛ pilɛ-a a canyan n va boŋio lon latulu mà cuu.»

Dɛnnda cɔɔmuanndan 2:4

Kɛ i hini kɔl a nɔm te, a mal kaola tase nɔm óò nɔ-o.

1Korɛntea 1:23

Naa naa, sɔɛi Krista nda baŋ o yɔm singafilaa coo-e naa n co vannda tiiyallo ni, sɔɛi co tosaa mì Yuifia va luɛyɔɔ o pɔwlan nin, mì i va diɔmnde le vanaa sínà Hala le-a-e pɛɛn.

Rɔmnda 11:9

Mí David bɛɛ dimi aa: «Màá ɲɛdiaa nda kafoo siŋnun yaŋɔɔlen le nda, yala nda haw nin mà del-lo pɛɛn. Màá a sɔla sangaa le tɛɛmbuula ndalan.

Rɔmnda 9:32

Le kɔlɔ yɛɛ nɛ kon? Kani o co a laalan te Iraɛlla va ndu nuwviaa le, kɛ le dɛnnda ndalan cɔmndo. Mí ken yɔŋnun pow boŋaa le nda,

Esai 57:14

Mɛlɛka dimi aa: «La siɔ̀ɔ́ nɛiyo, la fɛɛya ndu, la toosiaa nɛiyo, la faaŋiaa ɲɛla kuuna vana hivɔɔ lan kpow o nɛi vanaa niaa coo!