Dɛnnda cɔɔmuanndan 19:18 - BII BILA

¹⁸ haliko mi la de visin masaa, visin simlacia vanaa cɔwva, visin vanaa kpaayaa, visin soa a visin vanaa co o soa coo-a, visin vannda kpow, vanaa co o ba ndaa coo-a a cɛa, cuaambɔa a kaasonnda.»

Dɛnnda cɔɔmuanndan 19:18 Referans Kwoze

Dɛnnda cɔɔmuanndan 6:15

Mí masaa co o lɛŋnden coo-a, simlacia, simlacia vanaa cɔwva, vanaa bolofaa, vanaa kpaayaa, cɛa kpow a vanaa co o ba ndaa coo-a viannun o buululan nin a o powta kpovala co o pembon coo lan bɛngu.

Yeremi 34:20

I malnin nda yaamɔaa ndaa o ba, vanaa yeema le nda diyɔɔ-a pɛɛn! Mì vanvílɛ́yaa ndaa siŋnun balo yowva coocoo a visia o lɛŋnden coo.

Yeremi 19:7

O fonda kon ya tɛɛmbuunin tuula Yerusalɛm ndan a tuula Yuda lan ni. Mì tosa mì yaamɔaa ndaa diw nda o cɔwvo, mì yɔngu duàá a tivolla dialun ndan, mà de mun.

Yeremi 16:4

Nàà piɔ́mndo biinin nda mà vi, vana venin le nda caŋ te, a sɔlanin kumbɔɔ le. Lende nda lonin ni mà siŋnun kɔmbɔɔsio lɛŋ. Cɔwvo a yima fofolan ma diwnin nda ni, mì duàá a tivolla de dialun ndan.»

Yeremi 7:33

Dialun vílɛ́in vannda ha vanin ɲɛdiaa yowva coocoo a visia yondoa ni, vana-vana venin ndon le nda kpeeŋiaa le.

1Samiɛl 17:46

Hau, Mɛlɛka co nɔm malɔɔ ya o ba, mì dii nɔm, mì kelu nɔm bollen. Paalen nden hau, mɛɛ mì yɔngu vɛlɛ yovaa co balɔɔ coocoo-a a visia yondoa vanaa cɔvaa Filistia a vílɛ́iya. O kon, mì vannda kpow a sina maa Hala co Israɛl.

1Samiɛl 17:44

mó dimul vɛlɛ ndu aa: «Tiiya vɔ nanu, i co yovaa co balɔɔ coocoo-a a visia yondoa dialun nɔmndon yɔngu, má dɔwnun balo a mun!»

Tɔŋ miingua 28:26

Vanaa vunin o niaa tɛɛn-nda siŋnunnin balo yowva coocoo kpow a balo visia o lɛŋnden coo kpow. Kani vana venin le nda tovɔɔ lecoo le.

Dɛnnda cɔɔmuanndan 13:16

Mí visi tɔɔma kon baŋ vanndacieea kpow le sɛvaa pum nda handɔɔ o ba kɛndɔɔ te kon te o itendu: cuaambɔa a kaasonnda, vanaa bolofaa a vanaa bala fondoa, vanaa co o ba ndaa coo-a a cɛa,

Luke 17:37

O kon, mí kaandennda ɲuna ndu aa: «Kuɛɛ nɛ hee yɔŋnun yɛnin, Maalii?» Mó mulul nda aa: «Nɛɛ ɲɛ vílɛ́iyo co-a, lon duàá cuungian ni.»

Matie 24:28

Nɛɛ ɲɛ vílɛ́iyo co-a, lon duàá cuungian ni.»

Esekiɛl 29:5

I co nɔm viovɔɔ a suvaa co kan o peela nɔmndan nin-nda kpede o lɛŋnde veselɛilen nin. I viow nɔm pɛ, a kɔ del lɛŋ o pollo nin, vana-vana kɔ cɔwviaanin nɔm te, vana-vana kɔ koondiaanin nɔm le nɔm kumbɔɔ le. I malnin nɔm visia yondoa a yowva coocoo o sondo mà de nɔm.

Esekiɛl 39:17

Nɔm Po vanacieo, yaŋ nilan. Nuaa Maalii Hala dimul nɔm ni aa: «Dimul yowva súúlan kpow a visia yondoa kpede aa la hun mì la cuungian. La fula nɛɛ-nɛɛ ka mì la hun mɔɔsian le sálà nuu dioo, sálà ya pila solinin mì dii ndu le niaa-o! Sálà kon vanin bɔɔ sálà bɛndu o pembon Israɛl coo! La dianin visin (vanndacieea) mí la kol kooma ndan.

Dɛnnda cɔɔmuanndan 11:18

Vanaa-mangalaa-isɔɔa ndáà cɛn a yolɛi, mì kɔltuw nɔmndo cɔmnun, mì telenndo tiiya le yamɛi vanvílɛ́iya kiolɔɔ, le vanaa baalaa nɔmnda, vanaa-tɛɛngaa-diom Hala-a, vanaa diandaa a vanaa vo diola nɔmndan-nda, cuaambɔa a kaasonnda salaa, le vanaa co lɛŋnden tɛɛmbuuo-a tɛɛmbuuo.»

Dɛnnda cɔɔmuanndan 17:16

Leela tɔ́la n ce lan a visi kon a nɔnin nɛyɔn vanalanɔ suundɛi kon, mà yunga ndu, mò lo fondo fúú. A dianin visin ndɔn, mà lom ndu o yin.

Dɛnnda cɔɔmuanndan 19:5

Mí diomndo pum fula a ba kpɛŋɛ lemasaa aa: «La lisà Hala naa, niaa kɛ́-kɛ̀ co vanaa ndɔa baalaa, niaa vanaa co ndu bɛɛlen keu-va, cuaambɔa a kaasonnda.»