Dɛnnda cɔɔmuanndan 19:15 - BII BILA

¹⁵ Mɔɛi cɔvii luɛyɛi va fulaa ndu o sondo le vanaa-mangalaa-isɔɔa diwvo a ndi. O tosanin nda masalen coo a sionnde icilinnden, mó vayia rɛsɛnndon o doola kɔltuw bɛndu Hala, Vana-Kpaayaa-Kpow-vo nin.

Dɛnnda cɔɔmuanndan 19:15 Referans Kwoze

Dɛnnda cɔɔmuanndan 1:16

Loeon va ndu o ba kɛndɔɔ mún ŋɔmmɛw, mɔɛi sondola tiɔɔŋii cɛɛŋɛi va ndu fulaa o sondo, hɔlaa ndɔa va volio maa paale kala ŋama-ŋama.

Condii lisai 2:9

Ma tosa nda masalen coo a tinda icilinndo, ma pesipesi nda maa kpɛɛnɛi pulu.»

2Tesalonikea 2:8

O kon vana kɔlvesɛi kon cɔmnun niko, o Maalii Yeesu tɛɛmbuunin a hoeyii fulanin ndu Maalii o sondo-e-o, mò tɛɛmbuu biilu hunɔɔ ndɔɔ-o pɛɛn.

Esai 11:4

Kɛ o kialunin yamɛi vanaa bala fondoa a sandei, o kilulnin vanaa co o sangaa nin o lɛŋnden coo-a yamɛi sandɛi sakpo. O lɔanin lɛŋnden a sɔɛi ndɔɛi maa a lesiondoo. O hulnin a cɔcɔn ndɔn mo dii vana kɔlvesɛiyo.

Dɛnnda cɔɔmuanndan 19:21

Mí vanaa cɔvaa ndaa tɔ̀a kpow a sɔla piɔ́mndo o mɔɛi cɔvii va fulaa vana va o sow coo-o o sondo-e bɛngu, mí yowva kpow a cuungian o visin ndan coo.

Dɛnnda cɔɔmuanndan 12:5

Mó vialu poo, hɔ́ɔ́ piaandu yaanin vanaa-mangalaa-isɔɔa kpow diólan a sionnde icilinnden-ndo. Má kɔa a hɔ́ɔ́ ndɔ kon nɛɛ Hala a kpɛŋɛ lemasa ndɔɔ va-a.

Dɛnnda cɔɔmuanndan 2:16

Lelan mangalan, te o co kon te, i co lakɔ o nɔm ndo sunsun, mì kɔ cɔlɔba nda a mɔɛi cɔvii co ya fulaa o sondo-e.

Dɛnnda cɔɔmuanndan 2:12

«Sɛval mɛlɛkanɔɔ vanaa laalannda Pɛrkam aa: ‹Ɲɛ vana nɔ mɔɛi cɔvii sondola tiɔɔŋii cɛɛŋɛi o ba-o dimi-o co hoo ni aa:

Esai 30:33

Kabi lɔ́ɔ́ levil nin, bémbé iyɔmndo cuu toosiaa le ndu lomɔɔ, bémbé iyɔm kon toosian le masaa, o fonda tiilanndo nin nda ciiŋiaa bémbé iyɔm kon ni. Yɔmnde co lon taw-taw, yinnden le co nin lebɛɛndiaa len. Hoeyii fula Mɛlɛka o milin-nde mɛndulnin yinnde len mi le bii maa pee pɔmbɔ fungoo co ŋɔu nin-ndo.

Dɛnnda cɔɔmuanndan 14:10

ndu bɛɛ kolnin mɔima kɔltuwma Hala-an, ma nda bingulan te-an, má vow man o taala kólaa kɔltuw ndɔɔ nin. O dɔawnunnin yɛɛvɛ o fungu leyinndo nin mɛlɛkaa diandaa a saa téndóó o hɔl.