Biblia Todo Logo
Bib sou entènèt

- Piblisite -




Dɛnnda cɔɔmuanndan 19:12 - BII BILA

12 Hɔlta ndɔlan la va sandei maa leyin, mɔsilta lemasalan taw la va ndu o lebol. Ndóò nɔ diolan lapum lasɛvaa, vana-vana ndóò sina lan te, mɛɛ ndu pila.

Gade chapit la Kopi




Dɛnnda cɔɔmuanndan 19:12
25 Referans Kwoze  

Diolan lapum la va lasɛvaalan ndu o doma bɛndoo coo a ndu o lɔloo coo aa: «Masa hiow masaa-o a Vana bɛndu hiow vanaa bɛndua-o.»


Fuɲa nuu mal ɲɔɔn kpow ya o ba. Nduyɛ, vana-vana sina o co Poo-o le, fɔ Fuɲaa, vana-vana sina vɛlɛ o co Fuɲaa-o le, fɔ Poo a vanaa Poo hɛli le nda mun cɔmndo-a.»


Bollen a yiinde ndu o lebol i va ihumbu maa fengbɔ, vana ca kaa hala humboo ni. Hɔltan la va ndu maa yinnde biyaa,


Fuɲa nuu yɔngu ya ɲɔɔn kpow. Vana-vana sina Poo le, te o co Fuɲaa le. Vana-vana sina vɛlɛ Fuɲaa le, te o co Poo a vana Poo yeema le Fuɲa ndɔ cɔmndo-o le.


Mí Yeesu sɔɔnguu, mó dimul nda aa: «Kpaayaa kpow yɔngun ya o halataala a o lɛŋnden coo.


Vana nɔlanin-ndo, i siinguunin ndu sungbulen o Cɛi-Hala nuu nin, o fula lɛnin lɔ́ɔ́-lɔ́ɔ̀ le. I sɛvanin diola Hala nuu a diola kobi Hala nuu, Yerusalɛm sɛnɛi co fula o halataala o Hala nuu lo-o a diola nila sɛnɛilan ndu coo.


Kɛ ɲɛ naa n co taasi dɔvɔɔ-o co ni maa, mí Yeesu ndóò dɔɔnian hiovɔɔ mɛlɛkaa coo le telen bingi, kɛ sunsun, o sɔla biiloo a bɛɛlen le sanga o sanga mó vu-o. Le kɛndɛi Hala-e, mó vu le vanndacieea kpow.


Tofa vɔ ɲɛ o tosanin-ndo: masalen pɛngɛlaa mì le kui, vana co o kpɛŋɛ lemasa David-o coo-o a masale ndɔlen kɔlɲulu nɔ lamɛɛlu loo yɔngoo, yoomuan masale ndɔlen lueiyo a len simio yili, a dɛnɛ sandaa a sakpoyɛi, kandɔɔ sisa háá le fɛɛn a fɛɛn. Dɛnndan ndan Mɛlɛka-Nɔ-Kpaayaa-Kpow-vo tosanin a dialun fulaan ni.›»


yɛɛ vanacieo co yɛ, ma yiyan ndu coo? Yɛɛ nɛ po vanacieo co yɛ, ma landu hɔlla ndu coo?


O kon kɔɔli, mí tɔɔmasele celen cɔmnun vɛlɛ o halataala: tambálakáà, o siaŋaa maa leyin, ndóò nɔ bolle ndii ŋɔmmɛw a leelan tɔ́ a mɔsilta lemasalan tan ŋɔmmɛw o lebol oo lebol coo.


Mɛlɛka Hala ndaa ciindiaanin nda paale len. O ciindiaanin nda mɛɛ vana mandaa n'cɔloo ciindiaa cɔlua ndɔa yɛ. A volinin ŋɛlɛngi-ŋɛlɛngi o lɛŋnde ndɔlen nin maa powta báà kàlàla nda hol o mɔsil lemasaa lan.


Mí mɛlɛkanɔ Hala-o muli aa: «Le yɛɛ nɛ n yeema yɛ diola nilan sinaa? Diola kaamaalan la co ni.»


La caa kelaa a ndu mì la bii ndu diom. La simul ndu le, kani te la tɛɛndan ndu pɛ, o melnin niaa haki le. Bau diola nilan la co ndu coo.


Mó dimul ndu aa: «Kandɔɔ hau, diola nɔmnda co lɛ aa Yakɔb le, nuaa n nɔ nin diolan ni aa Israɛl. Kani a cɔlɔba a Hala má cɔlɔba a vanndacieea, má tiw nda ba.»


Mí tofa, mí ca so humboo. Kpaasiaa va vana va lecoo-o o ba, mí mɔsil lemasaa kennun ndu, mó kɔa maa vana tiw ba-o le nɔlaa.


A vanin maa mɔsil lemasa kɛndɛ o ba Mɛlɛka-o nin, a vanin maa mɔsil ivanabɛnduya Hala nɔmndo o ba kɔllo nin.


Mí ca visi tɔɔma bɛndoo pum fulaa o mɛmma ihɛllan nin, ndóò nɔ leelan tɔ́ a bolle ndii ŋɔmmɛw. Mɔsilta lemasalan tɔ́ la va o leela lan coo, mí diolan lapum la va lasɛwviaalan o bolii ken coo le Hala yiowlan.


«La dimul vannda Siɔn aa: ‹La tofa vɔ masa niaa hunɔɔ o niaa lo. O co vana kɛndɛ bɛndu. O co icali o sofɛlɔɔ coo, sofɛlɛ téndóó pɛɛn, o sofɛlɛ laandoo kom-ndo.›»


Felengia laandua Yerusalɛm, la fula! La fula mì la tofa masaa Salomɔn. La tofa vɔ ndu a mɔsil yilaa lanɔɔ o lebol, ò kala ndɔ vow ndu telen o va nɔu yiiyo-o-o, o paale o va o kɔlkɛndɛ bɛndoo nin-nden pɛɛn.»


Nɛ̀ɛ́ hel-lɛ nin o halataala? Nɛ̀ɛ́ cɛn yɛ nin o halataala mó toal? Nɛ̀ɛ́ bii yɛ nin hoeiye o ba ninndo? Nɛ̀ɛ́ vow yɛ nin mɛnndan o volɔɔ ndɔ cuɛinanndo nin? Nɛ̀ɛ́ handu yɛ pɛɛngula lelɛŋndan? Ɔ́ɔ̀ diola ndɔlan? Vɛ̀ɛ̀ po ndɔɔ nɔ yɛ diolan? Taa sinà pɛ, dimul-la!


Kɔɔle ndɔlen le va maa pow krisolite, hɔlaa ndɔa va maa piɔɔ-volia, hɔlta ndɔlan maa yinnde biyaa. Congúla ndɔlan a pelun ndɔn va n'diandaa maa daɲan kpɔlɔkaa, diom ndɔɔ maa diom sɛ́lɛ́ bɛndu.


I co lɛ va o ceendo coo le, kɛ nda co vɔ va o ceendo coo. Ya i co hunɔɔ muungu o nɔm ndo. Fuɲa ni diandaa, manda nda o diola nɔmndan, diola n ke ya lan, haliko ma va ɲɛ pilɛ maa mɛɛ naa n co ɲɛ pilɛ naa ŋiɔn yɛ.


Telen ya va latulu a nda-o, i va vanaa n ke ya-a mandaa o diola nɔmndan. Mí handu nda hɔlten coo, o pilɛ bɛɛ laasian te, fɔ o sɔɛi ndɔɛi ndíì sɛvan maa o co laasian-ndo, haliko mi sɔɛi ndíì sɛvan ken-nde ndíì peelun.


Mó kɛsi ndu bollen masɛi kpow coo, kpaayalan kpow, vanaa mayoomua kpow a simlacia kpow coo, a le diola kɛ́-kɛ̀ co piɔlnɔnndo, o co ko le telenndo ho daama le, kɛ le telen co hunɔɔ-o bɛɛ.


Swiv nou:

Piblisite


Piblisite