Dɛnnda cɔɔmuanndan 19:11 - BII BILA

¹¹ O kon mí ca halataalaa o kumbianndo, mí so humboo fula. Vana va lecoo-o diolan aa Vana toɲaa a Vana lo o lediom coo-o, o co yamɛi kiolɔɔ o sandei nin, mo va cɔlɔbaa.

Dɛnnda cɔɔmuanndan 19:11 Referans Kwoze

Condii lisai 96:13

Mɛlɛka o hɔl! Kani o co hunɔɔ, o co hunɔɔ le lɛŋnden yamɛi kiolɔɔ. O kialunin lɛŋnden iyama o sandei nin, mò kelu vannda iyama mɛɛ toɲa ndɔɔ co yɛ.

Dɛnnda cɔɔmuanndan 6:2

Mí tofa, mí ca so humboo. Kpaasiaa va vana va lecoo-o o ba, mí mɔsil lemasaa kennun ndu, mó kɔa maa vana tiw ba-o le nɔlaa.

Condii lisai 98:9

Mɛlɛka o hɔl! Kani o co hunɔɔ lɛŋnden iyama kiolɔɔ. O kialunin nden iyama o sandei nin, mò kelu vannda iyama a toɲaa.

Dɛnnda cɔɔmuanndan 3:14

«Sɛval mɛlɛkanɔ vanaa laalannda Laodisee aa: ‹Ɲɛ Amiina, sei lo o lediom coo-o, o co sei toɲaa-o, o ɲɛm Hala soli-on cɔwnun o ba-o dimi-o co hoo ni aa:

Condii lisai 50:6

Halataalaa co cɔmndo maa Hala sandu, kani ndu Hala pila co vana kialaa n'yamaa ni.

Yeremi 33:15

Telen kon hun tiiya pɛ, i solulnin David lɛvii dɛnɛ sandɛi. Lɛvii ken tosanin dɛnɛ sandaa a dɛnɛ peelanndo o lɛŋnden nin.

Esai 32:1

Masaa pum tosanin masalen mɛɛ dɛnɛ sandaa co yɛ, simlacia vanin ndu o ba bɛngu-a tosanin simlacilen o sakpoyɛi nin.

Dɛnnda cɔɔmuanndan 4:1

O kon kɔɔli, mí mɛɛndan, mí ca dioo pum o kumbiaa o halataala. Mí diom ya tuei sɔɛi o tasendɔ o ya lo maa diom bulu-o dimi aa: «Hel nanu, mì cɔm nɔm ɲɛ hun yɔŋnunnin lɔ́ɔ́ lepum-ndo.»

Dɛnnda cɔɔmuanndan 3:7

Sɛval mɛlɛkanɔ vanaa laalannda Filadɛlfii aa: «Ɲɛ vana co O-Diandaa mo nɔ toɲaa-o, vana nɔ kii David-e o ba-o, o kumbi vana-vana kinda loo, o kinda vana-vana kumbi loo co dimio-o co hoo ni aa:

Esai 45:21

La cɔm le sabu niaa co ken tosaa-o, la kɔɔsa mì la cɔm le kɔlɔ kon. La kɔ tundu mì la yɔngan kɔlkalulan vella-velle! Nɛ̀ɛ́-nɛ̀ dimi yɛ kabi o kandɔɔ maa sɔɔn mun co hunɔɔ tosan? Nɛ̀ɛ́-nɛ̀ yonda yɛ a mun o kɔɔ kabi lɔ́ɔ́ levil? O co ya Mɛlɛka le? Hala celen co le, mɛɛ ya, ya pilɛ kpé co Hala sandaa a Hala ciindiaa vana-o ni.

Dɛnnda cɔɔmuanndan 1:5

a Yeesu Krista, sei toɲaa, o velun tase vanvílɛ́iya tɛɛn, mó va masa masaa o lɛŋnden coo kpow-vo o ba! Vana kaola naa mó baŋa naa a kooma ndɔan, mó cii hakila naalan-ndo,

Condii lisai 99:4

Nɔm Masa kpaayaa, nɔm vana kaola sandei-yo. Nɔm soli yamɛi ni, má tosal Yakɔb dɛnɛ sandaa a dɛnɛ kɛndɔɔ.

Nsaŋ 14:6

Mí Yeesu dimul ndu aa: «Ya co nɛiyo, toɲaa a cindaa ni. Vana-vana kue o Pua lo le, te o co mò kei a ya le.

Esekiɛl 1:1

O vɔsi beleyàándɔɔ nin, paangii hiɔɔlundɔɛi va malɔ leŋuɛɛnu, i va vanaa ndáà kɔɛ o biyɔɔ nin-nda tɛɛn o peo Kebar kɔngɔ, mí halataalaa kumbin, mí Hala cɔm ya dɛnɔɔ pum o vundulen nin.

Dɛnnda cɔɔmuanndan 11:19

Mí Cɛi-Hala co o halataala-o kumbin, mí kesu kpema ndɔɔ cɔmnun vakpa o cɛi ndɔɔ nin. Ɲɔɔ va volio maa hala, mí vóólun-vóólunndo va sɔɛi, mí taŋndan ma va piɛndio, mí lɛŋnden le ɲiiya, mí loeon deli taw.

Sakari 1:8

«Cɛi icɔl, mí ca vundulen. Langbanɔɔ pum va icali o so siaŋaa coo, o va o yɔmii pɔmbɔɛi tɛɛn o kpolonndo nin, soa siaŋaa, soa pulpulla a soa humbua va isisi ndu kɔɔli.

Fulaa 15:3

Kuubanɔ cɔw bɛndoo pila Mɛlɛka co ni, diolan ndɔla kpeekpeilan aa: ‹Mɛlɛka›.

Nsaŋ 1:51

I co niaa toɲaa dimul válán, la canin halataalaa o kumbia, mì la ce mɛlɛkaa Hala-a helɔɔ a tolɔɔ Po vanacieo coo.

Dɛnnda cɔɔmuanndan 19:19

Mí ca visio, masaa co o lɛŋnden coo-a a vanaa ndaa cɔwva, a va a cuungiannda le vana va o sow coo-o a vanaa ndɔa cɔwva kuello a cɔwvo.

Dɛnnda cɔɔmuanndan 19:21

Mí vanaa cɔvaa ndaa tɔ̀a kpow a sɔla piɔ́mndo o mɔɛi cɔvii va fulaa vana va o sow coo-o o sondo-e bɛngu, mí yowva kpow a cuungian o visin ndan coo.