Dɛnnda cɔɔmuanndan 18:6 - BII BILA

⁶ La tosal ndu mɛɛ ndu tosal caanda yɛ, la mingul ndu dɛnnda o tosa lan vangalaa lediin. La bingulan mɔima nɛyaa-nɛyan súúlan tan tiɔn o taala ndu va caanda talallo-o nin.

Dɛnnda cɔɔmuanndan 18:6 Referans Kwoze

Yeremi 50:29

La yoongu vanaa caa kpaasiaalan vuuo-a kpow, la ɲindu nda Babilɔn o ibuŋ, mà kɔ balu ndu pindo, nɛi ɲaananndo bɛɛ a mɛi le. Mì la tosal kobi kon mɛɛ ndu tosal caanda yɛ, mì la tosal ndu ɲɛ ndu tosal caanda-o. A toɲa, vana yongaa o yɔŋnun a Mɛlɛka ni.

Condii lisai 137:8

Nɔm Babilɔn yɛ, a co hunɔɔ itambu sunsun! Màá vanaa kan a sɔla dɛnɛ kɛndɔɔ, a mingulnin nɔm dɛnɛ palaa n tuisi hoo naa coo-o-a pɛɛn! Màá a pala nɔm mɛɛ n tosa a naa yɛ!

Yeremi 50:15

La yonda le cɔwvo ba-ba fee! O heelu balan le ndu pila yɔngɔnndo. Cɛila coocoola ndala cumulaalan la suingin, kpakila ndalan la koombiaa. Mɛlɛka co ndu maa mingullo ni, lelan la mingul Babilɔn maa, la tosal ndu ɲɛ ndu tosal caanda-o.

Dɛnnda cɔɔmuanndan 16:19

Mí kobi bɛndoo piɔwnun bungan mún yáá. Mí kobila vanaa-mangalaa-isɔɔa kpow la koombiaa, o kon mí Hala yiyan a Babilɔn bɛndoo, le ndu taala kólaa mɔima kɔl ndɔ tuw bɛndoo koesio.

Dɛnnda cɔɔmuanndan 14:10

ndu bɛɛ kolnin mɔima kɔltuwma Hala-an, ma nda bingulan te-an, má vow man o taala kólaa kɔltuw ndɔɔ nin. O dɔawnunnin yɛɛvɛ o fungu leyinndo nin mɛlɛkaa diandaa a saa téndóó o hɔl.

Yeremi 51:24

I mingulnin Babilɔn-nda a vanaa co o lɛŋnde len nin-nda dɛnɛ vɔɔn kɛ́-kɛ̀ nda tosal Siɔn.» Sɔɛi fula ya Mɛlɛka o sondo-e co ken ni.

Dɛnnda cɔɔmuanndan 17:4

Kola keese siaŋa sɔɔtɔtɔɔ va vanalanɔ kon lekɔɔ, mó kɛɛmian a sianion, powta báà kàlàlan a yɔɔva báà kalaa. Taala kólaa n'siani va ndu o ba-o va o piaa cá a mààlan, la o sɔla o suundaa lan.

Sakari 9:12

Lelan, niaa vanaa kaasoaa nɔ tiindanndo-a, la muungu o kobi niaa kungan a kpakio-o nin. Hau vɛlɛ i co ndi dimi, i vangalanin dɛnɛ kɛndɛ niaa bɛmbɛ lediin le sanga niaa sɔla-o.

Yeremi 17:18

Vanaa co ya yɛlen tollo-a siɛmbulan láà bɛnda le biyɔɔ ni, kɛ o co ya le. Ndáà bɛnda le ɲiiyaa a siòònde ni, kɛ o co ya le. Tuisi paale dɛnɛ palaalen nda coo, mà tɛɛmbuu nda kpede.

Yeremi 16:18

I co nda sala dɛnnda ndala vɔɔnndan yɔngu bɛmbɛ lediin, kani a cii lɛŋnde nilen tɛɛmbuu, a cii kɛ́ nuu pei cá a piɔmaa ndaa lamàá-a.»

2Timote 4:14

Alɛksandre siɛɛkinɔɔ tosal-la dɛnnda vɔɔnndan taw. Mɛlɛka mingulnin ndu mɛɛ dɛnnda ndɔlan la co yɛ.

Yeremi 51:49

Vanaa Babilɔnnda diw o ceendo coo kpede-a co sɛ́lɛ́. Lende koni Babilɔŋaa kalaa bɛɛ vunin le Israɛlaa nda diw-va ni.

Dɛnnda cɔɔmuanndan 17:2

Masaa co o lɛŋnden coo-a a co suundaa a ndu, mɔima suunda ndɔɔ ma bii vanaa co o lɛŋnden coo-a.»

Dɛnnda cɔɔmuanndan 13:10

Te vanndo nɔ pɛ le kɔlan o biyɔɔ nin, o biyɔɔ nin o kɔanin ni. Te vanndo nɔ pɛ le piɔ́mndo sɔlaa o mɔɛi cɔwve bɛngu, o mɔɛi cɔwve bɛngu o sɔlanin piɔ́mndo ni. Lelan vanaa diandaa bɛnda mà cɔm biuvɔn ndaa a laalan ndaa.

Esai 40:2

La soo Yerusalɛmnda o kɔl, mì la yonda nda o lani, mì la dimul nda aa cɛle ndalen le cuu, a sɔla baŋaa a haki ndaa, o sɔla sala hakila ndɔlan kpede Mɛlɛka o ba!

Esai 61:7

O fonda siɛmbulan láà tol niaa-o, la sɔlanin salaa bɛmbɛ lediin. O fonda niáà tambu bɛ̀ɛ̀lan-ndo, la dɔawnunnin ɲaale taw-taw. Lende nda sɔlanin salaa bɛmbɛ lediin o lɛŋnde ndalen nin ni. Kɔlkɛndɛ niaa vanin le fɛɛn a fɛɛn.

Condii lisai 28:4

Mingul nda mɛɛ kela ndaa co yɛ, bii nda mɛɛ dɛnnda nda vɔɔnndan la co yɛ. A toɲa, tosal nda mɛɛ dɛnnda ndalan la co yɛ, ma mingul nda ɲɛ nda tosa-o.

Dɛnnda cɔɔmuanndan 18:20

Nɔm halataala, dɔwnun ɲaale le tambii ndɔɛi! Niaa vanaa diandaa, niaa kiilaa a niaa vanaa-tɛɛngaa-diom Hala-a, la dɔwnun ɲaale! Kani Hala ke niaa di le dɛnɛ palaa kobi kon ndóò tuisi niaa coo-o.

Cɛɛŋɔnnda Yeremi lan 3:64

Éé Mɛlɛka! Mingul nda mɛɛ dɛnnda nda tosa lan la co yɛ.