Dɛnnda cɔɔmuanndan 18:4 - BII BILA

⁴ Mí tuɛi diom celen sɔɛi o halataala aa: «Vanaa nia sei, la fula lon, yɔŋii niaa vow balan o hakila ndɔlan nin, mì la sɔla sangaa niaa ndaa latulu.

Dɛnnda cɔɔmuanndan 18:4 Referans Kwoze

2Korɛntea 6:17

Lelan Mɛlɛka dimi ni aa: «La fula nda tɛɛn, mì la sɛyan niaa ndaa. Ɲɛ-ɲɛ co ɲɛ nɔɔlɛiyo, la pilan ndu le! O kon, i cɛlnin niaa.

Yeremi 51:6

La ɲaanun mì la faŋan Babilɔn, vana-vana cɛwnun. O kon la vinin le tɛɛmbuu ndaa le. A toɲa, telen Mɛlɛka minginin màá-o tiiya. O tosalnin ndu mɛɛ o bɛnda a ndu yɛ.

Yeremi 51:45

Niaa vanaa niaa, la mal kobio, vana-vana cɛw yoomu ndɔɔ yɔŋii yelenyelen kɔl ni tambɛiyo suinun niaa.

Esai 52:11

Niaa co ɲɛm-laandun diandan Mɛlɛka-on vilio-a, la muungu! La muungu! La faŋan nanu! La pilan ɲɛ-ɲɛ nɔɔlɛi le dɛ! La fula o kobio Babilɔn nin, la dindin fó-fó!

Yeremi 50:8

La ɲaanun mì la faŋan Babilɔn, la faŋan o lɛŋnde len nin. La va maa cuinaa toovi kunda cɔlua laci.

1Timote 5:22

Keleŋa baa handɔɔ vanndo coo le, luei balan o yɔŋ vɔɔn caanda nin te. Nɔm pila mandan mà va o diandaa.

Esai 48:20

Lelan la faŋan Babilɔn mì la kɔɛnnun! La ɲaanun mì la faŋan Kaldea tɛɛn! La yonda sɔɛi he a kɔlkɛndɔɔ, la sɛŋi yoongoo ho! La cɔm vannda a ndi o kɔɔ háá nɛɛ lɛŋnden le mɛɛlu-a, la dimi aa Mɛlɛka baŋa cuavaa vana ndɔ baala Yakɔb-a!

Condii lisai 50:18

Te la ce pɛ vuiyo, la sim ndu kɔɔli. Niaa vanaa suundaa co kelaa ni.

2Nsaŋ 1:11

Kani vana yil pɛ ndu, mɛɛ ndu bɛɛ cɛl dɛnnda vɔɔnda vana kon.

Yeremi 51:50

Niaa vanaa hɛlun mɔɛi ndɔɛi cɔwve-a, la kɔnnun, la sim o foofo le dɛ! La kɔ lonin nɛɛ niaa kɔanin-nda mì la loonun a Mɛlɛka, mì la va Yerusalɛm yiyanndo coo.»

Matie 23:30

mì la muungu dimio aa: ‹Te náà n va pɛ o paale fuɲaa naa, n ve cɛlan naa ndaa le vanaa-tɛɛngaa-diom Hala-a diwvo le.›

O Kandɔɔ 19:14

Le hee, mí Lɔt fula, mó kɔa o piaandaa cuavaa ndɔa lo, mó dimul nda aa: «La cɔn mì n faŋan nanu, kani Mɛlɛka kɔngɔlan le kobio ho tɛɛmbuuo.» Kɛ mí lefua ndɔa kan ca sɔɛi ken maa sɔɛi lamamɔɔ.

Yeremi 51:9

N dɔw nin Babilɔn danda, kɛ o singu le. Lelan n malnun ndu, mì vana-vana kɔɛnnun o lɛŋnde ndɔ nin. Kani dɛnɛ palaa nda tuisi ndu hoo coo-o tiiyaa o halataala di, O pilan yumbuyumboo coocoo di-di.