Dɛnnda cɔɔmuanndan 18:21 - BII BILA

²¹ O kon mí mɛlɛkanɔ kpaayaa pum cua pow va maa ciei lusulaa bɛndu-o, mó mal ndu o mɛmma ihɛllan nin, mó dimi aa: «Nuaa Babilɔn kobi bɛndoo viawnunnin fakolo ni, o kon vana ci lɛnin ndu le.»

Dɛnnda cɔɔmuanndan 18:21 Referans Kwoze

Esekiɛl 26:21

I tosanin mì dɛnɛ nɔmndo luei vannda siòònde taw, nduyɛ nɔm ve lɛnin ɲɛ-ɲɛ le. Vannda nuwviaanin nɔm, kɛ a seelunin nɔm le fɛɛn a fɛɛn te!» Diom Maalii dimi-o co kon ni, Mɛlɛka pɛɛn.

Dɛnnda cɔɔmuanndan 5:2

O kon mí ca mɛlɛkanɔ kpaayaa pum yondaa coocoo kpélén aa: «Nɛ̀ɛ́ co yɛ vana kon, o bɛnda mò tɛɛmbuu tɔɔmaselelan ndan, mò kumbi sɛbɔɔ ho-o?»

Dɛnnda cɔɔmuanndan 20:11

O kon mí ca kpɛŋɛ lemasa bɛndu humboo pum a vana va icali lenin-ndo. Mí lɛŋnden a halataalaa ɲaanun ndu, má kɔannun polon, vanaa ci lɛ foofo ndaa le.

Dɛnnda cɔɔmuanndan 18:22

O kon vana tui lɛnin vanaa lɔaa labangaa, vanaa ɲɛ-caa, vanaa hɔŋaa masɛ̀ŋnda a vanaa hɔŋaa labulua diom lon te. Vana seelun ndɛnin vana baala laba kɛ́-kɛ̀ lon te, vana tui lɛnin diom iciee lon te.

Dɛnnda cɔɔmuanndan 16:20

Mí lɛŋii co o mɛnndan tɛɛn-nde kpow i ɲaanun, vana seelun ndɛ pembon te.

Dɛnnda cɔɔmuanndan 12:8

kɛ a tiwba le, o kon fonda sɔlan ndɛ o halataala le nda le.

Daniɛl 11:19

O mululunnin kobila nda kunga a kpakio o lɛŋnde ndɔle kpeekpeilen nin-ndan, kɛ o nɔlanin ndan te. O delnin, vana ci lɛnin ndu le.

SƐBƐ YƆB-O 20:8

O hiawnunnin maa lɔma sɔlaa, foofo ndɔ bɛɛ vana ci lɛnin te, o kɔannunnin maa lɔma vana sɔl icɔl-lan.

Dɛnnda cɔɔmuanndan 18:10

A simnin kɔɔli-kɔɔli a siòòŋii dɛnɛ palaa ndɔɔ, mà dimi aa: «Kpòkóó! Má cè dɛnɛ dɛ́! Éé Babilɔn, nɔm kobi bɛndu kpaayaa ho! O lɛɛlɔɔ ndu pilɛ kpé bɛngu yamɛi nɔmnde kiolu ni!»

Dɛnnda cɔɔmuanndan 10:1

Mí ca mɛlɛkanɔ celen tolɔɔ fulaa o halataala, ndóò nɔ kpaayaa. Yumbuyumboo va ndu o balaa sɔ́. Ninginangaa ndóò kilan ndu yɛwve o lebol pindo, hɔlla va ndu maa lepala, mí pelun ndɔn va maa sungbuma leyin.

Condii lisai 37:36

Kɛ o ɲum bòmbò, o co lɛ le, i sanga ndu nuwviaa, o cínnún-ndɛ le.

Nehemi 9:11

Má tɛnda mɛmma ihɛllan Israɛlla laci, mí Israɛlla taŋ man a pelon n'vesɛi sɛɛn. Kɛ nɔm, má miisuu vanaa va nda tovɔɔ-a maa pow o lumii mɛmma bɛnduei nin.

Fulaa 15:5

má toal o limndon nin di, mí mɛnndan má kumbu nda. A kɔ cal lɛŋ o peo kɔllo maa pow.