Dɛnnda cɔɔmuanndan 18:15 - BII BILA

¹⁵ Yulaa o suili a bolofaa o yulalen-nda simnin kɔɔli-kɔɔli a siòòŋii biinin nda a dɛnɛ palaa ndɔɔ-e, mɔnɛi biinin nda mà caŋ.

Dɛnnda cɔɔmuanndan 18:15 Referans Kwoze

Dɛnnda cɔɔmuanndan 18:3

Kani vanaa-mangalaa-isɔɔa kpow a kol mɔima kɔltuwma dɛnɛ laasiɛi ndɔɔ. Masaa co o lɛŋnden coo-a vow balan o dɛnɛ laasiɛi ndɔɔ nin, mì yulaa co o lɛŋnden coo-a sul a kpaaya co o bolofaa dɔ́ɔ́ nin-ndo.»

Esekiɛl 27:31

A sendinnin tembeltan le nɔm, mà vownun volɔɔla biisilan. A caŋnin nɔm coo a mɔnɛi bɛnduei o lakɔl, mà somisomin taw.

Dɛnnda kiilaa 16:19

Vanaa ndɔa bɛndua cɔu maa a sɔla lɛnin n'voli cuaambɔɔ kon kɔɔli le, má bii Pol nda Silas, má kɔa a nda o simlacia lelɛŋnda lo o fonda fɛkɛi va o kobi kon nin-ndo.

Marke 11:17

Mó va nda pɛɛkoo, mó va dimio aa: «I co macoaa i sɛvaa le aa: ‹Cɛi nuu veelunnin aa cɛi piɛyaa le vanaa-mangalaa-isɔɔa súúlan kpow› le? Kɛ mì niaa siinguu ndu buulula vuiya.»

Sakari 11:5

Vanaa co nda piondɔɔ le diyɔɔ-a co cɔnnɔn maa a tɛɛmbuu isɔɔ le. Vana co nda pisio-o co dimio aa: Biiloo co le Mɛlɛka! Kani i siŋnun vana bolofaa. Vanaa co saa kan mandaa-a nɔ iɲíí a nda le.

Dɛnnda cɔɔmuanndan 18:12

sianion, volin latámán, powta báà kàlàlan, yɔɔvala báà kalalan, kolala keesela fɛtufɛtulan, kolala keesela siaŋala sɔɔtɔtɔlan, kolala nda toosiaa a pamboei lan, kolala siaŋala vólotótolan, yɔmii kendu saalɔnnde, ɲɛla kɛ́-kɛ̀ nda toosiaa a ciŋun kamaa, la kɛ́-kɛ̀ nda toosiaa a yɔmii báà kalɛi, la nda toosiaa a daɲan-ndan, la nda toosiaa a cilinndon-ndan a la nda toosiaa a powta ŋɛlɛngi-ŋɛlɛngilan-ndan,

Dɛnnda cɔɔmuanndan 18:13

kamadolaa, ɲɛm cun kɛndɔn, ansan, mirte, mɔiyan, cuɛiyan, kpeyanndo, maalon, nawva a saa laandua, soa, ɲɛla ɲaanannda soa nan-ndan, cɛa a vanndacieea yoomaa.

Dɛnnda cɔɔmuanndan 18:14

Ɲɛm kɔl nɔmndo va yeema-on kɔɛ nɔm levil, ɲɛm sɔvɛɔn a n nɔ ɲamaa-on hɛlun nɔm, vana ci lɛnin mun le fɛɛn a fɛɛn te.

Dɛnnda cɔɔmuanndan 18:19

Má va loolio dɔwnɔnndo o lebol, má va caŋndo a mɔnɛi biyɔɔ a deŋio aa: «Kpòkóó! Dɛnɛ palaa co hoo ni dɛ! Kobi bɛndu ke hoo vanaa ladɛ̀ndɛ̀a va baalaa o mɛmma ihɛllan coo-a kpow tɔnɔɔ a bolofaa ndɔɔ-o cuu itambu o telen bingi-bingio bɛngu!»