Dɛnnda cɔɔmuanndan 18:14 - BII BILA

¹⁴ Ɲɛm kɔl nɔmndo va yeema-on kɔɛ nɔm levil, ɲɛm sɔvɛɔn a n nɔ ɲamaa-on hɛlun nɔm, vana ci lɛnin mun le fɛɛn a fɛɛn te.

Dɛnnda cɔɔmuanndan 18:14 Referans Kwoze

1Korɛntea 10:6

Sɔɔn mun yɔŋnun tɔɔmaselelan le naa silaa, yɔŋii naa bɛɛ n sɔla yeemɛi o lakɔl le dɛnnda vɔɔnndan tosaa maa nda.

Nsaki 4:2

La co ɲɔɔn hɔlten fulaa, kɛ la co mun sɔla le. La co yeemɛi le vanndacieea diwvo, la yeema ɲɔɔn, kɛ la co mun sɔla le. La co sɔngɔlan a cɔlɔbalan, kɛ la co ɲɛ-ɲɛ sɔla le. Kani la co ɲuna le.

Luke 16:25

Mí Abraham dimul ndu aa: ‹Po nuu, loonun maa telen n va yoomu-o, má sɔla dɛnɛ kɛndɔɔ, mí Lasar ndu sɔla dɛnɛ palaa. Sunsun yɛ, ndu co o kɔlɲuloo nin nanu, mì nɔm co o mɔnɛi nin.

Luke 12:20

Kɛ mí Hala mulul ndu aa: ‹Diɔmndo ho, cɔɛllɛn kpeekpei ya co yoomu nɔmndo hiɔlɔɔ ni, ɲɛm n bɛɛndiaa mun-ndon, nɛ̀ɛ́-nɛ̀ n co yɛ mun mel?›»

Condii lisai 106:14

Mí yeemɛi vɔɔnde bii nda o lɛŋnde veselɛilen nin, mí yiyanndo del nda le Hala tɔɔndanndo o lɛŋnde mɛmma co nin-nden nin.

Kundalan 11:4

Paale pilɛ, mí hiluma bɛndu-bɛnduan ma bii vanaa súúla celeŋaa va Israɛlla tɛɛn-nda. O kon, mí Israɛlla bɛɛ kandu cɛɛŋɔnndo, má va dimio aa: «Àá! Nɛ̀ɛ́ yɔngu yɛnin naa vision le dioo?

Condii lisai 78:18

Má tiŋ Hala o kɔlta ndalan nin, má ɲuna ndu le ɲɛdiaa dioo háá mà pim.

Kundalan 11:34

Má ke fonda kon diolan aa Kibrɔt-Hataava (kon co dimio ni aa «Sɛila yeemɛi vɔɔnndan»). Kani lon nda kumbu vanaa yeemɛi vɔɔnde nɔla-a ni.

Matie 11:8

Kɛ yɛɛ niaa kɔ cɔ yɛ? Mò va maa langbanɔ vownun volɔɔla cuɛinannda sɔvɛlan-ndo ni? Kɛ o cɛila masaa nin vanaa vownun volɔɔla sɔvɛlan-nda co ni.

Dɛnnda cɔɔmuanndan 18:13

kamadolaa, ɲɛm cun kɛndɔn, ansan, mirte, mɔiyan, cuɛiyan, kpeyanndo, maalon, nawva a saa laandua, soa, ɲɛla ɲaanannda soa nan-ndan, cɛa a vanndacieea yoomaa.

Dɛnnda cɔɔmuanndan 18:15

Yulaa o suili a bolofaa o yulalen-nda simnin kɔɔli-kɔɔli a siòòŋii biinin nda a dɛnɛ palaa ndɔɔ-e, mɔnɛi biinin nda mà caŋ.